Bændablaðið - 24.04.2013, Page 31

31Bændablaðið | Miðvikudagur 24. apríl 2013
1. Hver er afstaða framboðsins til tolla og
innflutningsgjalda á innfluttar landbúnaðar-
vörur sem eru í samkeppni við innlenda
búvöru?
Dögun hefur ekki mótað sér stefnu varðandi
þetta. Þó er hægt að fullyrða í samræmi við
landbúnaðarstefnu okkar að endurskoðun á
tollum eigi að taka mið af framtíðarsýn og
fæðuöryggi þjóðarinnar.
2. Hver er afstaða framboðsins gagnvart
hugsanlegum innflutningi á lifandi dýrum
og/eða hráum, ómeðhöndluðum dýra-
afurðum?
Dögun hefur ekki beint mótað stefnu um
þetta. Dögun er þó mjög umhverfissinnað
stjórnmálaafl sem vill fara mjög varlega í
allar breytingar á lífríki.
Dögun tekur skýra afstöðu gegn erfða-
breyttum eða klónuðum dýrum eða fóstur-
vísum ásamt því að vilja setja skýrar reglur
um innihald lyfja og eiturefna í dýrum og
innfluttum afurðum.
3. Telur framboðið nauðsynlegt að tryggja
fæðu- og matvælaöryggi landsins? Ef svo,
með hvaða hætti verður það best gert?
Í landbúnaðarstefnu Dögunar segir:
„Dögun vill efla dreifbýlið og leggur
áherslu á að búsetuskilyrði verði bætt á lands-
byggðinni. Allir eiga rétt á að lifa verðugu lífi
án tillits til búsetu, enda er blómleg byggð
og innlend framleiðsla ein af grunnstoðum
íslensks samfélags.“
Þá vill Dögun efla nýliðun og frelsi
bænda til athafna, fara frá eininga- og fram-
leiðslutengdu styrkjakerfi yfir í landnytja-
og búsetustyrki, draga úr miðstýringu með
einfaldara regluverki og færri milliliðum.
Slíkar breytingar stuðla að auknu frelsi
bænda til athafna og að ákveða sjálfir hvað
þeir framleiða. Dögun vill stuðla að lífrænni
ræktun sem gefur færi á markaðssókn með
hágæðavörur, stórefla ylrækt og kornrækt með
því að nýta umframorku frá virkjunum og
endurskoða heildsöluverð á raforku til bænda
og íbúa kaldra svæða. Einnig að aldagamall
nytjaréttur bænda til sjósóknar verði virtur.
Dögun leggur sérstaka áherslu á að grund-
vallar fæðuöryggi þjóðarinnar verði aldrei sett
í fjötra einkaleyfa fjölþjóðafyrirtækja á einn
né neinn hátt.
4. Hvaða leið vill framboðið fara varð-
andi aðildarviðræður Íslands við
Evrópusambandið? Er framboðið fylgjandi
eða andvígt aðild að sambandinu?
Við leggjum áherslu á opið og lýðræðislegt
ferli, óháða upplýsingagjöf og fræðslu og
treystum þjóðinni til að ráða niðurstöðunni. Ef
aðildarviðræðum verður ekki lokið fyrir sam-
þykkt nýrrar stjórnarskrár og þjóðin ákveður
að hætta aðildar viðræðum í samræmi við
66. grein frumvarps Stjórnlagaráðs munum
við styðja þá niðurstöðu. Að öðrum kosti
verði aðildarviðræður við Evrópusambandið
kláraðar og niðurstaðan borin undir þjóðar-
atkvæði.
Hver er afstaða framboðanna til landbúnaðarmála?
Nokkrar spurningar lagðar
fyrir öll framboðin
Bændablaðið sendi öllum þeim
framboðum sem bjóða fram
lista vegna alþingiskosninganna
2013 fjórar spurningar er
varða afstöðu þeirra til
landbúnaðarmála.
Öll framboðin voru spurð sömu
spurninganna og óskað var eftir
hnitmiðuðum svörum í stuttu máli.
Einnig var öllum framboðunum
gefinn sami frestur til að svara.
Svör bárust frá öllum framboðum
nema flokknum Sturlu Jónssyni.
Vonast er til að að lesendur verði
einhverju nær um afstöðu þessara
framboða varðandi þau mál er spurt
var um.
Í svörum framboðanna kemur
vissulega fram ólík afstaða til
sumra spurninganna. Það kemur
samt ekki í ljós fyrr en búið verður
að telja upp úr kjörkössunum eftir
kosningarnar laugardaginn 27. apríl
hvaða slagkraft framboðin munu
hafa til að koma sínum sjónar-
miðum áfram í sölum Alþingis.
1. Hver er afstaða framboðsins til tolla
og innflutningsgjalda á innfluttar land-
búnaðarvörur sem eru í samkeppni við
innlenda búvöru?
Í stefnuskrá Lýðræðisvaktarinnar kemur
þetta fram: „Markmiðið er að hér verði
rekinn markaðsvænn landbúnaður. Miða
skal að því landbúnaðurinn fullnægi
innanlandsmarkaði.“
Landbúnaður í öllum samkeppnis-
löndum nýtur verulegra styrkja eða tolla-
verndar. Íslenskur landbúnaður verður
að búa við sömu kjör. Hvort stuðningur
verður í formi beinna styrkja og eða tolla
fer m.a. eftir því hvort Ísland gengur í
Evrópusambandið.
Íslenskur landbúnaður verður að byggja
á að framleiða gæðavörur. Okkar trú er
að gæði og að varan sé af heimslóð verði
það sem íslenskir neytendur leggi aðal-
áherslu á.
2. Hver er afstaða framboðsins gagn-
vart hugsanlegum innflutningi á lifandi
dýrum og/eða hráum, ómeðhöndluðum
dýraafurðum?
Nauðsynlegt er að tryggja að hingað berist
ekki sjúkdómar eða veirur. Lýðræðisvaktin
telur að í þessum efnum eigi að fara eftir
faglegri og vísindalegri þekkingu og
rökum, og að varúðarregla eigi að vera
í gildi. Í því getur einnig falist það mat,
að óhætt sé t.d. að flytja inn t.d. gæludýr,
sem staðfest er að hafi verið rannsökuð
og bólusett erlendis. Sama getur gilt um
dýraafurðir, en fyllsta aðgæsla verður að
vera í heiðri höfð.
3. Telur framboðið nauðsynlegt að tryggja
fæðu- og matvælaöryggi landsins? Ef svo,
með hvaða hætti verður það best gert?
Já, fæðu- og matvælaöryggi á að
tryggja. Það verður best gert með því
að framleiðsla á hverjum tíma fullnægi
innanlandsamarkaði. Stuðningur þarf
því að vera við greinina þannig að þetta
markmið sé tryggt. Mikið vantar á að þetta
sé uppfyllt t.d. hvað varðar framleiðslu á
grænmeti og ávöxtum, sem flutt er inn í
stórum stíl. Hátt raforkuverð háir ylrækt
á sama tíma og niðurgreitt rafmagn er
selt til stóriðju. Lýðræðisvaktin vill beina
raforku framleiðslu framtíðarinnar til nota
á innanlandsmarkaði.
4. Hvaða leið vill framboðið fara
varðandi aðildarviðræður Íslands við
Evrópusambandið? Er framboðið fylgj-
andi eða andvígt aðild að sambandinu?
Lýðræðisvaktin vill að ákvörðun um
inngöngu í ESB verði ekki tekin nema í
bindandi þjóðaratkvæðagreiðslu í samræmi
við ákvæði nýrrar stjórnarskrár. Við viljum
ljúka yfirstandi viðræðum og leggja þann
samning fyrir þjóðina. Einstaklingar innan
okkar raða hafa mismunandi afstöðu til
aðildar en við erum fullkomlega sammála
um þessa leið.
Dögun
ALÞINGISKOSNINGAR 2013