Læknablaðið - 01.04.1968, Qupperneq 75

LÆKNABLAÐIÐ
91
eða einsdæmi, að tveir lífeyrissjóðir væru fyrir sömu stétt manna i
þjóðfélaginu, og enn fremur, að hvergi kæmi fram í reglugerðinni, hvað
iðgjald til sjóðsins ætti að vera hátt, og í þriðja lagi, að hann fengi ekki
séð, að sjóðurinn gæti staðið undir skuldbindingum sínum, nema fé
hans væri ávaxtað með hærri vöxtum en leyfilegir væru.
Fjármálaráðherra sendi stjórn Lífeyri&sjóðsins þessar athugasemdir,
og fól hún Guðjóni Hansen tryggingarfræðingi að yfirfara athugasemdir
Guðmundar K. Guðmundssonar og svara þeim eftir því, sem viðeigandi
væri. Stjórn Lífeyrissjóðs lækna sendi síðan fjármálaráðuneytinu svar
Guðjóns Hansens við athugasemdum Guðmundar K. Guðmundssonar
og lét í ljós þá ósk, að reglugerð sjóðsins yrði staðfest í þeirri mynd,
sem hún nú væri. Með bréfi dags. 10. maí 1967 sendi fjármálaráðu-
neytið stjórn Lífeyrissjóðsins reglugerðina staðfesta, skv. ákvæðum 13.
gr. laga nr. 90, 1965.
Að fenginni staðfestingu reglugerðar Lífeyrissjóðsins ritaði stjórn
sjóðsins fjármálaráðherra bréf, dags. 25. maí, þar sem farið er fram
á, að iðgjöld til sjóðsins verði frádráttarbær til skatts að fullu og
staðfesting sjóðsins verði látin verka aftur fyrir sig, vegna þeirra
lækna, sem greitt höfðu í sjóðinn á árinu 1966. Svar hefur ekki enn þá
borizt frá fjármálaráðherra við þessari málaleitan, en þess skal getið,
að framkvæmd skattayfirvalda var sú vegna framtals fyrir 1966, að
iðgjöld til sjóðsins munu hafa verið leyfð til frádráttar hjá öllum þeim
sjóðfélögum, sem vitað er um. Að vísu var ekki nema hluti ársiðgjalds,
sem kom á það ár, og verður því mun hærri upphæð á framtölum fyrir
1967, eða allt að kr. 60.000.00 hjá þeim, sem greiða fullt iðgjald.
Hinn 29. júlí 1967 var haldinn aðalfundur Lífeyrissjóðs lækna í
framhaldi af aðalfundi Læknafélags íslands. Arinbjörn Kolbeinsson,
form. stjórnar Lífeyrissjóðsins, setti fundinn og gerði grein fyrir þeim
bréfaskriftum, sem farið höfðu fram milli fjármálaráðuneytisins og
stjórnar Lífeyrissjóðsins. Hann taldi, að mikill sigur hefði unnizt við
það að fá reglugerð sjóðsins staðfesta, og enn fremur taldi hann, að
fást mundu frádregin til .skatts iðgjöld í sjóðinn, enda þótt ekki hefði
borizt formlegt svar frá ráðuneytinu þar að lútandi.
Þá voru lesnir upp reikningar fyrir Lífeyrissjóðinn, og kom þar
fram, að innborguð iðgjöid fyrir árið 1966 námu 1,1 milljón króna,
og var fjöldi iðgjaldsgreiðenda 38.
Síðan var gengið til stjórnarkosningar fyrir Lífeyrissjóðinn, og
hlutu kosningu þeir Víkingur H. Arnórsson, Jón Gunnlaugsson og
Kjartan Jóhannsson í aðalstjórn, en í varastjórn Sigurður Ólason,
Akureyri, Guðmundur Björnsson og Jón Þorsteinsson.
Eitt fyrsta verk hinnar nýskipuðu stjórnar var að fela Guðjóni
Hansen tryggingarfræðingi að semja yfirlit yfir þær bætur, er sjóður-
inn greiðir, miðað við ákveðnar iðgjaldagreiðslur, svo og að gera
samanburð á Lífeyrissjóði opinberra starfsmanna og Lífeyrissjóði
lækna með tilliti til bótagreiðslna og iðgjalda. Yfirlit þetta var síðan
sent öllum félagsmönnum Læknafélags íslands ásamt umsóknareyðu-
blaði um inngöngu í sjóðinn.
í árslok 1967 höfðu 90 læknar gengið í Lífeyrissjóð lækna, og
innborguð iðgjöld voru 3,5 milljónir.