Læknablaðið - 01.04.1968, Síða 84

98
LÆKNABLAÐIÐ
Utan dagskrár afhenti Bjarni Bjarnason læknir brjóstmynd úr
bronsi af Guðmundi Hannessyni prófessor, en myndin hafði verið í
eigu frú Lydiu Einarsson. Ólafur Bjarnason, formaður L.Í., þakkaði
gjöfina.
Að loknu kaffihléi kvaddi formaður L.í. sér hljóðs og bauð vel-
komna til þingsins hina erlendu gesti, þá I. Doniach, prófessor frá
London, dr. E. D. Williams frá London og dr. J. Crooks frá Aberdeen
og enn fremur Þorvald Veigar Guðmundsson lækni, sem einnig kom
frá London. Þessir menn áttu allir að halda fyrirlestra á þinginu.
Þá var aftur gengið til dagskrár, og flutti J. Crooks frá Aberdeen
erindi, sem hann nefndi „The diagnosis of Hyperthyroidism“.
Fundarmenn gerðu góðan róm að erindi dr. Crooks, en samkvæmt
tilmælum fundarstjóra var fyrirspurnum frestað þar til eftir síðara
erindið. (Erindið kemur í heild í „The Lancet“, og verður ekki nánar
greint frá því hér.)
Þá flutti Þorvaldur Veigar Guðmundsson erindi, er hann nefndi
„Rannsóknir á Calcitonini“. Fundarmenn þökkuðu ágætt erindi með
lófataki. *
Að loknu síðara erindinu urðu umræður um það og um erindi dr.
Crooks, og tóku þátt í þeim Sigurður Þ. Guðmundsson, I. Doniack pró-
fessor, dr. E. D. Williams og Sigmundur Magnússon, en dr. Crooks
svaraði fyrirspurnum.
Kl. 18 var dagskrá fyrsta dags á enda, og frestaði fundarstjóri
þingi til næsta dags kl. 14.
Á fyrirlestrana munu hafa hlýtt 60—70 læknar.
SÍÐARI DAGUR
Föstudaginn 28. júlí kl. 14 var fram haldið þingi Læknafélags
íslands, en því hafði verið frestað kl. 18 daginn áður.
Fundarstjóri, sem var nú Gunnlaugur Snædal, setti fundinn og
kynnti fyrst fyrirlesara dagsins, I. Doniach prófessor og dr. E. D.
Williams frá London.
Fyrstur talaði dr. E. D. Williams og nefndi erindi sitt „Aspects
on Thyroid Tumors“. Williams ræddi fyrst um flokkun æxla
í skjaldkirtli, en tók svo sérstaklega til umræðu „Medullary carcinoma“
í skjaldkirtli og lýsti rannsóknum sínum á æxli þessu, sem til skamms
tíma hafði lítill gaumur verið gefinn og ekki verið aðgreint frá öðrum
æxlum kirtilsins. Fyrirlesarinn taldi, að hér væru um að ræða 10%
af öllum skjaldkirtilsæxlum. Við rannsókn á þessum æxlum á íslandi
hafa þegar fundizt fjögur: eitt á Akranesi, eitt á Akureyri og tvö í
Reykjavík. Höfundur taldi æxlið upprunnið frá ,,parafollicular“-frum-
um kirtilsins.
Að erindi Williams loknu tók til máls Sigurður Þ. Guðmundsson
og síðan Ólafur Bjarnason prófessor, sem þakkaði skilmerkilegt og
fróðlegt erindi.
Þá tók til máls I. Doniach, prófessor frá London, og flutti erindi,
*) Útdráttur úr erindi Þorvalds Veigars mun birtast síðar í Læknablaðinu.