Læknablaðið - 01.12.1968, Blaðsíða 59
LÆKNABLAÐIÐ
271
IV. Stofnun félags embœttislœkna
Ásmundur Brekkan upplýsti, að í fyrra hefði verið skipuð nefnd
til undirbúnings félagsstofnunar. í þeirri nefnd voru Ólafur heitinn
Björnsson, Páll Sigurðsson tryggingayfirlæknir og Jón Sigurðsson
borgarlæknir. Nefndin hefur ekkert starfað.
Litlar umræður urðu um málið, en ritara var falið að hafa sam-
band við Pál Sigurðsson og Kjartan Jóhannsson héraðslækni til undir-
búnings þessari félagsstofnun.
V. EndurskoÖun á gjaldskrá L.í.
Ritari, sem jafnframt er formaður samninganefndar L.Í., gerði
grein fyrir undirbúningi að viðræðum við Tryggingastofnun ríkisins,
en samningar eru lausir frá næstu mánaðamótum.
VI. Lífeyrissjóður og tryggingamál
Framkvæmdastjóri félaganna, Sigfús Gunnlaugsson, gerði grein
fyrir þeim málum. Skýrði hann frá því, að í Lífeyrissjóð lækna hefðu
nú gengið rúmlega 90 læknar, þar af níu læknar utan af landi
og tveir læknar starfandi erlendis; ekki hefðu þó allir læknar greitt
iðgjöld í sjóðinn og væri nú verið að vinna að því að innheimta ógreidd
iðgjöld, svo og kanna, að hve miklum hluta þeir ætluðu að gerast sjóðs-
félagar.
Iðgjöld til sjóðsins nema nú rúmri 3V2 milljón króna, og hefur
sjóðurinn hafið útlán til skamms tíma í víxilformi, þó þannig, að lánin
eru tryggð í veði í fasteign í samræmi við ákvæði reglugerðar sjóðsins
þar að lútandi.
Fengizt hefur staðfesting á því hjá fjármálaráðuneytinu (þó að-
eins munnleg), að iðgjöld til sjóðsins verði frádráttarbær til skatts, en
verið er að setja nánari reglur um það, þegar læknar greiða í fleiri en
einn lífeyrissjóð, þannig að heildariðgjöld fara yfir kr. 60 þús. á ári,
eða sem svara heildarstigi í Lífeyrissjóði lækna.
Um hóptryggingu lækna sagði framkvæmdastjóri, að þegar runnið
hefðu út samningar við Förenada Liv í Svíþjóð, hefði verið leitað til-
boða í nýja hóptryggingu á svipuðum grundvelli og áður, bæði hjá
innlendum og erlendum aðilum, og kom þá í Ijós, að Hagtrygging hf.
hafði ákveðið tilboð fram að færa, sem ákveðið var að ganga að, þegar
fyrri tryggingin rann út, þ. e. um síðastliðin áramót. Skilmálar um
þessa nýju tryggingu verða sendar út og kynntir félagsmönnum á
fundum svæðafélaga í vor. í þessari tryggingu eru nú milli 70 og 80
félagsmenn, en hægt er að bæta við nýjum hópum eða stækka núver-
andi hópa um hver mánaðamót.
Ásmundur Brekkan gerði það að tillögu sinni, að áróður yrði haf-
inn fyrir því, að sem flestir læknar tækju þátt í hóptryggingunni og
formönnum svæðafélaganna falið að kanna áhuga á þessu, hver í sínu
félagi, fyrir aðalfundinn í vor.
Arinbjörn Kolbeinsson benti á, að hagstætt væri fyrir þá lækna,
sem eru í líftryggingu opinberra starfsmanna, að taka jafnframt „einn
punkt“ í Lífeyrissjóði lækna, en það kostar kr. 20.000.00 á ári, sbr.
skýrslu framkvæmdastjórans.