Læknablaðið - 01.12.1973, Qupperneq 35

LÆKNABLAÐIÐ
245
verið drepið á. .Þar sem slíkur starfs-
kraftur er við hendina er hann augn-
lækninum ómetanleg hjálp við alla diag-
nostik á rangeygum börnum. Til orthop-
tista má senda börn, sem í fyrsta skipti
koma til augnlæknis með rangeygð, og fá
gerðan orthoptiskan status með öllum
upplýsingum um sensoriskar breytingar
augnanna og annað ástand sjúklingsins,
sem nauðsynlegt er að vita, áður en með-
ferðin er skipulögð. Til þeirra verksviðs
heyrir einnig meðferð á flestum sjúkling-
um með dulda rangeygð (heterophori).
Milli dulinnar rangeygðar og sýnilegrar
er frekar um að ræða stigsmun en
eðlismun og er augunum haldið réttstæð-
um með þörf hvers og eins til samsjónar.
Þegar sérstök skilyrði eru fyrir hendi, eða
þegar ástandið versnar, getur þetta vald-
ið einkennum eins og höfuðverk og út-
haldsleysi við lestur. Þar sem aðstoð ort-
hoptista er fáanleg, annast þeir sérstak-
ar samæfingar augnanna, sem oft nægir
til úrbóta.
Augnlæknum hérlendis er ljós þörfin
fyAr menntun íslenzkra orthoptista.
Jafnframt þarf að skapa aðstöðu fyrir þá
til að sinna starfsemi sinni, helzt í tengsl-
um við sjúkrahús þar sem augnaðgerðir
fara fram. Rökrétt er, að þessi starfsemi
sé kostuð af opinberum aðilum, eins og
önnur heilbrigðisþjónusta, sem almenningi
er veitt, Mér er kunnugt um, að ein kona
er farin utan til náms í þessari starfs-
grein, að því er ég hygg fyrir tilstuðlan
augnlækna á Landakoti. í framtíðinni
þyrfti að hvetja fleiri til að fara inn á
sömu braut.
Mér segir svo hugur, að landfræðilegar
hindranir og ýmsar aðrar aðstæður verði
þess valdandi, að þeir, sem Norðurland
byggja, geti ekki orðið aðnjótandi þess-
arar heilbrigðisþjónustu sunnanlands,
þannig, að að við verði unað. Þrátt fyrir
fámennið hér ætti að vera nægur grund-
völlur fyrir slíka starfsemi. Reynslan er
sú, að þegar aðstæður skapast til bættrar
heilbrigðisþjónustu þá skortir ekki verk-
efnin. Því er sjálfsagt að setja nú þegar
sem markmið, þótt kannske fjarlægt sé,
að einnig fólk norðanlands eigi í fram-
tíðinni kost á þessari meðferð, án alltof
mikils tilkostnaðar. Það er von mín, að
þeir aðilar sem skipuleggja heilsugæzlu í
landinu, verði á sömu skoðun.