Læknablaðið - 01.08.1974, Síða 53

LÆKNABLAÐIÐ
137
Hjónin Rannveig Tómasdóttir og Magnús
E. Jóhannsson læknir.
Ekknasjóðs og öðrum gjöfum, sem honum
hafa áskotnast.
Síðustu þrjú árin hafa læknakonur í
Rekjavík haft með sér félagsskap, er þær
nefna EIK, og hafa þær af miklum dugn-
aði safnað fé, sem þær hafa látið renna í
Spila- og samskotasjóð. Allt þetta hefur
orðið til þess að auka fé það, sem sjóður-
inn hefur til árlegrar úthlutunar. Á síðasta
ári var kr. 222.500.00 úthlutað til 24 ekkna
og barna.
Þar sem yngri læknar vita fátt um sjóðs-
kríli þetta, þótti rétt að prenta reglugerð
hans og frásögn af starfseminni í Lækna-
blaðið í þetta sinn. Sótt hefur verið um
leyfi til að gjafir í Spila- og samskotasjóð
megi dragast frá tekjum við framtal til
skatts. Svar við þeirri málaleitan hefur
ekki enn borizt sjóðsstjórninni.
Skipulag styrktarsjóðs ekkna og munaðar-
lausra barna íslenzkra lœkna
1. gr. Tilgangur sjóðsins er að styrkja Þurf-
andi ekkjur íslenzkra lækna og munaðarlaus
böm þeirra.
2. gr. Sjóðurinn er stofnaður af Læknafélagi
Reykjavíkur, enda leggur félagið fram 1000 —
eitt Þúsund •— krónur sem stofnfé og árlega
Þriðjung af greiddum félagsgjöldum um næstu
10 ár
Stofnféð má aldrei skerða.
3. gr. Stjórn sjóðsins hafa á hendi 3 læknar
og kýs Læknafélag Reykjavíkur Þá á aðal-
fundi, einn þeirra úr flokki héraðslækna.
Stjórnin skiftir með sér störfum, en öll ber
hún ábyrgð á sjóðnum.
Stjórnin skal kosin til 3ja ára í senn, en þó
svo, að einn fer úr stjórninni ár hvert, hin
fyrstu árin eftir nlutkesti, er Læknafélagið
lætur fara fram, en síðan sá, er lengst hefur
verið í stjórn. — Endurkosning á stjórnar-
mönnum má fram fara.
Stjórnin vinnur endurgjaldslaust, en nauð-
synleg útgjöld fær hún endurgreidd.
4. gr. Tekjur sjóðsins eru árleg tillög lækna
svo og annara, er sjóðinn vilja styrkja. Enn-
fremur gjafir, áheit og aðrar tekjur, er sjóðn-
um kunna að berast.
Stjómin tekur og fé til geymslu og ávaxtar
aðra sjóði (legöt), er ánafnaðir kunna að verða
í Því skyni að styrkja ekkjur islenzkra lækna
og munaðarlaus börn þeirra, og úthlutar styrk
Þeirra eftir settum reglum.
5. gr. Til styrktar þurfandi ekkjum og mun-
aðarlausum börnum skal úthluta árlega 2/3 —
tveim þriðju hlutum — af greiddum tillögum
liðins árs, svo og 2/3 — tveim þriðju hlutum —
af vöxtum af stofnsjóði. Einn þriðja hluta
greiddra árstillaga svo og einn þriðja hluta
vaxta af stofnsjóði, skal leggja við stofnsjóð og
ávaxta með honum.
Allar gjafir, áheit og aðrar tekjur sjóðsins
skulu leggjast við stofnsjóð, nema gefendur
ákveði öðruvísi.
Styrkurinn skal að jafnaði vera ekki minni
en 300 krónur handa hverri ekkju, sem styrk
fær af sjóðnum, og ekki minni en 100 krónur
handa hverju barni.
Telji sjóðstjórnin ekki þörf á að úthluta allri
þeirri fjárhæð, sem heimilt er að veita, skal fé
það, sem umfram er, lagt í stofnsjóð.
6. gr. Reikningsár sjóðsins er almanaksárið.
Skal sjóðstjórnin fyrir lok marzmánaðar ár
hvert hafa gert reikningsskil fyrir liðið ár.
Skal reikningurinn þá, ásamt fylgiskjölum,
sendur Læknafélagi Reykjavikur, sem lætur
þegar endurskoða hann og gefur stjórninni
kvittun. — Auglýsir stjórn sjóðsins þá þegar,
hve mikill styrkur komi til úthlutunar það ár,
og ákveður, fyrir hvaða tíma umsóknir, stílað-
ar til sjóðstjómarinnar, skuli vera komnar
henni í hendur. Þó er stjórninni heimilt að út-
hluta styrk án umsóknar, ef sérstakar ástæður
eru fyrir hendi.
Utborganir á styrk fara fram í byrjun sept-
embermánaðar ár hvert.
7. gr. Stofnféð skal varðveitt i bankavaxta-
bréfum Landsbankans, Ræktunarsjóðsbréfum
eða öðrum jafntryggum verðbréfum. — Annað
fé sjóðsins skal ávaxtast í Landsbankanum sem
venjulegt sparisjóðsfé.
8. gr. Skipulagi sjóðsins má breyta eftir 2
umræður á reglulegum fundum Læknafélags
Reykjavikur, enda sé breytingarinnar getið I
fundarboðinu. Nær breytingin gildi sé hún
samþykkt með 2/3 greiddra atkvæða, að
fengnu áliti sjóðstjórnarinnar.