Læknablaðið - 01.08.1974, Síða 62

140
læknablaðið
greiðslur og getur ráðherra sömuleiðis
ákveðið þær greiðslur með reglugerð.
Sama máli gildir um greiðslur fyrir
rannsóknir, bæði röntgenskoðanir og
greiðslur á rannsóknarstofum.
En sú breyting, sem er mest nýmæli
að ég tel, er sú, að nú eru komin inn
í almannatryggingalög ákvæði um
greiðslur fyrir tannlækningar og er
gert ráð fyrir því, að sjúkratryggingar
byrji að greiða fyrir tannlækningar frá
og með 1. september n.k.
Greiðslufyrirkomulagið verður með
þeim hætti, að það verður byrjað á
skólabörnum 6-15 ára og þá greiðir
sjúkrasamlag 50% og sveitarfélag
50%. Frá 1. janúar n. k. verður haldið
áfram og teknir aldurshóparnir 3-5 ára
og 16 ára og síðan ákveðnir hópar aðrir
svo sem öryrkjar, aldraðir og vanfær-
ar konur og þá er gert ráð fyrir að
sjúklingurinn greiði sjálfur 50% og
sjúkrasamlag 50%. Hugsunin er sú, að
eftir því sem fjárveiting verður fyrir
hendi verði þessi starfsemi aukin og
þetta er hægt að gera án lagabreyt-
inga, það nægir reglugerð ráðherra um
það efni. Að sjálfsögðu er gert ráð fyr-
ir því, að um samninga verði að ræða
milli Tannlæknafélagsins og Trygginga-
stofnunar ríkisins um þessi mál og
auk þess er gert ráð fyrir þeim mögu-
leika, að tannlæknar verði ráðnir við
föst störf við heilsugæzlustöðvar í
framtíðinni.
1.5. Ég vil rétt minna á lagabreytingu um
atvinnuleysistryggingar. Samkvæmt
þeim lagabreytingum eru greiðslur at-
vinnuleysistryggingasjóðs til þeirra,
sem atvinnulausir eru, mjög nálægt því
að vera full greiðsla daglauna hjá
verkamönnum, en auk þess tekur at-
vinnuleysistryggingasjóður nú þátt í
því, eftir ákveðnum reglum, að laus-
ráðið fólk við fiskvinnslu fái nú viku-
kaup, en það verður ekki frekar rakið
hér.
1.6. Rétt er að minna á lög, sem í gildi
komu á síðastliðnu ári, þ. e. vorið 1973,
um dvalarheimil fyrir aldraða, þar sem
ákvæði eru um, hvernig staðið skuli að
slíkum byggingum, sem gert er ráð fyr-
ir, að sveitarfélögin eða samtök geti
staðið fyrir. Samkvæmt lögunum greið-
ir ríkið 30% af byggingarkostnaði dval-
arheimila fyrir aldraða og gert er ráð
fyrir því, að ráðuneytið setji ákveðna
staðla um þessar byggingar og fyrir-
komulag.
2. LYFJAMÁL OG EITUREFNAMÁL
Rað, sem helzt má nefna á þessu sviði, er
vaxandi starfsemi lyfjaeftirlitsins, sem nú
fer brátt að komast í fastar skorður. Þannig
hefur verið gengið frá reglugerð um lyfja-
eftirlit, þ. e. hvernig slíkt eftirlit á að fara
fram á stofnunum. Auk þess hefur verið
endurskoðuð reglugerð um gerð lyfseðla og
afgreiðslu lyfja og nokkrar breytingar gerðar
í samræmi við ákveðin tilmæli læknasam-
takanna um fjölgun þeirra lyfja, sem endur-
ritunarskyld eru.
Reglugerð hefur verið sett um hvernig
fara eigi með lyf á sjúkrahúsum og reglu-
gerð hefur verið sett um flokkun og með-
ferð eiturefna. í maí s.l. voru samþykkt lög
um ávana- og fíkniefni. Samkvæmt þeim lög-
um fær ríkisstjórnin heimild til að staðfesta
alþjóðasáttmála, sem gerðir hafa verið, þ. e.
„Single Convention" frá 1961 og aðra sama
efnis frá 1971. Þessar samþykktir höfðu
aldrei verið formlega staðfestar og er nú
unnið að því af heilbrigðisráðuneytinu og
utanríkisráðuneytinu að koma þeim málum
í lag.
3. Á vegum landlæknis og heilbrigðisráðu-
neytisins hafa verið í gangi nokkrar athugan-
ir um heilbrigðisþjónustu og geri ég ráð fyr-
ir að landlæknir greini frekar frá þeim eða
einstökum þáttum þeirra, en ég vil í upp-
talningu aðeins minnast á eftirfarandi:
3.1. Athugun á vinnuaðstöðu héraðslækna,
læknabústöðum, læknismóttöku og
samstarfsfólki.
3.2. Athugun á nýtingu lyfjadeilda á Borgar-
spítala og Landspítala með tilliti til
þess, hvort þeir sjúklingar, sem liggja
inni hverju sinni, vistast á réttum stað
í heilbrigðiskerfinu.
3.3. Rannsókn á notkun lyfja í Reykjavík.
3.4. Athugun á þörf fyrir sjúkrahúsrými og
hjúkrunarvistunarrými fyrir gamalt
fólk.