Læknablaðið - 15.04.1986, Blaðsíða 36
100
LÆKNABLAÐIÐ
Mynd 2. Eftir neglingu med Kuntscher-mergnagla.
Aldurs- og kyndreifingu má lesa úr töflu I,
meðalaldur sjúklinganna var 21,8 ár.
Langflestir meiddust í umferðarslysum og
var um helmingur allra slysanna tengdur
bifhjólaakstri (Tafla II).
Brotunum var skipt niður í flokka, eftir því
hvort um var að ræða opin eða lokuð brot og
eftir staðsetningu á lærlegg. Jafnframt var
athugað hvort brot væru kurluð eða um
brotflaska (intermediate fragment) væri að
ræða (Tafla III).
Sýklalyfjavörn var notuð hjá 23 sjúkl-
ingum, en segavörn hjá 11 sjúklingum.
Meira en helmingur sjúklinganna hafði
hlotið önnur meiðsli en lærleggsbrotið. í
nokkrum tilvikum var um fjölslasaða (multi-
trauma) sjúklinga að ræða (Tafla IV).
Opin rétting var framkvæmd í 36 tilvik-
um og lokuð í 15 tilvikum. Aðgerðartíminn
var 55-195 mínútur, að meðaltali 107
mínútur. Tímann milli áverka og aðgerðar,
má lesa úr töflu V.
Samtímis neglingu var gerð beinígræðsla
hjá tveimur sjúklingum. Sjö sjúklingar voru
meðhöndlaðir í gipsbuxum í 3-6 vikur (meðal-
tal 4,3) eftir aðgerð, þar sem um var að ræða
kurluð brot og hætta var talin á að neglingin
væri óstöðug.
Nauðsynlegt reyndist að endurtaka
aðgerðir hjá fimm sjúklingum. Hjá tveimur
þessara sjúklinga var gerð endurnegling með
gildari nöglum ásamt beinígræðslu frá
mjaðmarkambi. Hjá þriðja sjúklingi voru
gerðar tvær endurneglingar med gildari
Kúntschernöglum ásamt beinigræðslum,
áður en brotið greri. Hjá fjórða sjúklingi
hefur verið framkvæmd endurnegling með
gildari nagla og þrjár beinígræðslur. Þrátt
fyrir þetta er brotið enn í dag, tæpum átta
árum eftir áverkann, ógróið.
Hjá fimmta sjúklingnum kom upp bein-
sýking, sem hreinsuð var tvívegis og Kúnts-
chernaglinn fjarlægður áður en sýkningin
gekk yfir og brotið greri.
Eftir að brotin voru gróin, voru Kúntscher-
naglarnir fjarlægðir hjá 32 sjúklingum, í
flestum tilvikum vegna minni háttar óþæg-
inda frá lærhnútu, sem hurfu eftir aðgerð.
Einungis 14 sjúklinganna fóru beint til
heimilis við útskrift frá legudeild slysadeildar.
Eftir aðgerð fluttust þrír sjúklingar á annað
sjúkrahús, þar af einn til lokadvalar. Á
endurhæfingardeild fluttust 34 sjúklingar.
Legutimi á slysadeild var 9-110 dagar.
X