Læknablaðið - 15.01.1987, Qupperneq 32

18
1987; 73: 18-19 LÆKNABLAÐIÐ
Fundarstjóri, góðir fundarmenn
Hálf öld er nú liðin síðan TR var stofnuð
samkvæmt fyrstu almannatryggingalögum á
íslandi.
Almannatryggingar teljast samkvæmt þessum
lögum: Lifeyristryggingar, slysatryggingar og
sjúkratryggingar.
TR annast lifeyristryggingar og slysatryggingar,
en sjúkratryggingar eru í höndum sjúkrasamlaga
og Tryggingastofnunar eftir því sem nánar er
kveðið á um í lögum þessum.
Sjúkrasamlög eru undir umsjón og yfirstjórn
Tryggingastofnunar, en heilbrigðis- og
tryggingamálaráðuneytið hefur yfirumsjón með
allri starfsemi hennar.
Eðli sínu samkvæmt er TR hið sameiginlega
tryggingafélag allra landsmanna. Öll höfum við
greitt iðgjöld og öðlast þannig rétt til bóta.
Hverjar þær eru á hverjum tíma er pólitísk
ákvörðun.
Með síaukinni starfsemi TR og vaxandi fjölda
lækna með æ margbrotnari starfsemi hafa
samskipti þessara aðila orðið margslungnari með
hverju ári. Lengst af hafa samskiptin verið
jákvæð og snurðulítil, en nú hefur orðið breyting
á til hins verra.
Hvað veldur? Það hefur orðið hugarfarsbreyting
af hálfu starfsfólks TR í garð lækna. Andi
tortryggni gagnvart læknum er alls ráðandi. Þeir
eru grunaðir um græsku þar til annað sannast.
Fjöldi kvartana hefur borist stjórnum L.í. og
L.R. Vottorð lækna eru véfengd, þótt þau séu rétt
útfyllt. Krafist er skriflegra skýringa og
greinargerða langt umfram það sem
vottorðaeyðublöð segja til um. Læknar eru
snupraðir fyrir skrif og frágang. Talað er niður til
þeirra í hrokafullum kansellístíl. Ekki veit ég hver
les allar greinargerðirnar.
í stuttu máli:
Læknum er ekki treyst,
læknum er sköpuð óþarfa vinna við tví- eða
þrítekningu hins sama,
afgreiðsla mála er tafin og sjúklingar fá bætur
sínar óeðlilega seint.
Ein er sú tegund vottorða, sem ég skrifa oft sem
fæðingarlæknir. Þetta eru vottorð um fjórða
mánuð í fæðingarorlofi. Stór hluti þessara
vottorða er sendur til baka með kröfum um
nánari skýringar á einstökum atriðum umfram
það, sem gert er ráð fyrir á eyðublaði.
Kröfur og nánari greinargerð eru svo oft út í hött
og án sambands við það vandamál, sem leiðir til
lengingar fæðingarorlofs, að því verður vart
trúað að tryggingayfirlæknir hafi sjálfur gert
þær.
Ég tek hér dæmi: Kona nokkur fæddi heilbrigt
barn á síðasta ári. Hún hafði verið sjúkraskrifuð
seinustu tvo mánuði meðgöngu vegna brjóskloss í
baki og gliðnunar á lífbeini. Eftir fæðingu fékk
hún akut depression, dvaldi á geðdeild í tvo
mánuði og náði fullum bata.
Ég útfyllti vottorð um lengingu fæðingarorlofs
fyrir þessa konu. Bréf barst um hæl. Óskað var
eftir nákvæmri lýsingu á heilsufarsástandi barns
við fæðingu, þrátt fyrir það, að krossað væri í reit
í eyðublaðinu um, að barnið væri heilbrigt.
Til hvers? Hverjum er þjónað með svona
vitleysu? Ég gæti nefnt mýmörg hliðstæð dæmi.
Eigum við að taka þátt i svona vitleysu? Við
höfum gert það hingað til, sjúklinganna vegna.
Þegar mér barst svona ósk i fyrsta skipti,
algerlega út í hött, datt mér í hug saga af Lása
kokki, sem var frægur maður í flotanum, þegar
ég var til sjós sem unglingur. Skip hans lá í höfn
og gáfnaljósin um borð skemmtu sér við að leggja
þrautir hver fyrir annan. Lási hlustaði og lagði
lengi vel ekkert til málanna, en kom síðan með
þraut:
Lagarfoss og Goðafoss voru systurskip og gengu
bæði 12 mílur.
Lagarfoss leggur úr höfn í Reykjavík kl. 11.30
þann 16.6. áleiðis til New York, en vegalengdin er
svo og svo margar sjómílur.
Goðafoss leggur úr höfn í New York 17.6. kl. 12