Læknablaðið - 15.12.1988, Blaðsíða 18

398
LÆKNABLAÐIÐ
Rigshospitalet, Kaupmannahöfn. Mótefni gegn
Legionella pneumophila serogroup (SG) 1-6, L.
bozemanii, L. dumoffii og L. micdadei voru
mæld með örkekjunar-aðferð
(microagglutination) (11). Aðferð þessi greinir
fyrst og fremst IgM mótefni (17). Öll sýnin voru í
upphafi þynnt í hlutfallinu 1:8 og mæld í
Mynd 1. Öndunarfœraeinkenni við innlögn og fyrri
öndunarfœrasjúkdómar.
%
Aldur i árum
Mynd 2. Algengi mótefna gegn Legionella ssp meðal
396 barna.
%
Mynd 3. Hlutfallsleg dreifing barna eftir
mótefnasvörun með tilliti til innlagningarástœðu.
helmings-þynningum. Títri >1/32 fyrir
Legionella SG 1 hefur verið talinn staðfesta tilvist
mótefna (18, 19). Sambærilegar rannsóknir á
öðrum sermigerðum Legionella ssp liggja ekki
fyrir. Þar sem markmið rannsóknarinnar var að
meta tilvist mótefna gegn Legionella ssp en ekki
tíðni sýkinga voru viðmiðunarmörk fyrir aðrar
sermigerðir einnig settar við > 1/32. Sýnin voru
þannig álitin jákvæð ef mótefni gegn einni eða
fleiri tegundum Legionella ssp mældust > 1/32.
NIÐURSTÖÐUR
Áttatíu og sex (22%) hinna 396 barna sem innlögð
voru án bráðrar lungnabólgu höfðu marktæk
mótefni gegn Legionella ssp (Tafla I og tafla II).
Algengi mótefnanna var lágt í aldurshópunum
eins mánaðar til 35 mánaða, þar sem aðeins eitt af
117 börnum í þessum hópum reyndust með
marktæk mótefni. í aldurshópunum 3 til 12 ára
var algengi mótefnanna 30% (mynd 2). Mótefni
fundust í 52 stúlkum (29%) og 34 drengjum
(16%) og er því hlutfallið drengir/stúlkur 1:1.8
(Tafla II). Af þessum 86 blóðsýnum sem
innihéldu mótefni gegn Legionella ssp voru 49
jákvæð gegn L. bozemanii, 18 voru jákvæð gegn
L. bozemanii ásamt öðrum stofnum Legionella
(þar af 9 tilfelli L. pneumophila SG 2) og 19
innihéldu mótefni gegn L. pneumophi/a SG 2, 3,
4, 5, 6 eða L. micdadei (í níu tilfellum L.
pneumophila SG 2). Mótefni gegn L.
pneumophila SG 1 eða L. dumoffii reyndust
< 1/16 í öllum sýnunum.
Tíðni mótefnanna meðal þeirra 28 barna með
fyrri lungnabólgu eða astma var 18%, þ.e. ekki
hærra en tíðnin meðal annarra barna.
Af þeim 28 börnum sem innlögð voru með bráða
lungnabólgu höfðu fjögur mótefni gegn
Legionelia ssp, þrjár stúlkur og einn drengur.
Tvö þessara barna voru yngri en þriggja ára en
tvö eldri. Ekki reyndist munur á
innlagningarástæðum barna með jákvæð og
neikvæð mótefni (mynd 3). Ekki fannst munur á
mótefnum barna með tilliti til
öndunarfæraeinkenna við innlögn (mynd 4).
Niðurstöðurnar benda til að efri normalmörk
fyrir Legionella-títra meðal íslenskra barna, (þ.e.
þau mörk sem aðeins 5% barnanna ná) séu 1/16
fyrir allar tegundir Legionella ssp í
aldurshópunum eins mánaðar til þriggja ára og
fyrir L. pneumophila SG 1 og L. dumoffii í öllum
aldurshópum en 1/64 fyrir aldurshópinn þriggja
til tólf ára hvað öðrum Legionella ssp viðkemur.