Læknablaðið - 15.05.1993, Blaðsíða 6

176
LÆKNABLAÐIÐ
farnir. Við fórum einnig til Grikklands og
rannsökuðum fórnarlömb pyntinga þar til
þess að reyna að gera okkur grein fyrir eðli
pyntinga og hvernig hægt væri að bregðast við
afleiðingunum.
Þegar við höfðum rannsakað fyrstu 15
fórnarlömbin bárum við saman bækur okkar.
Það var einkum þrennt sem koin okkur á
óvart.
AFLEIÐINGAR OG MARKMIÐ
PYNTINGA
I fyrsta lagi eru afleiðingar pyntinga ekki
einungis líkamlepar. Sálrænu afleiðingarnar
eru langverstar. 1 dag vitum við öllu nteira en
við gerðum í upphafi, ekki síst um sálrænar
afleiðingar pyntinga. Við komumst að því að
fórnarlömb pyntinga gátu ekki munað, ekki
lært neitt nýtt, voru hrædd, fengu martraðir,
voru þunglynd, fannst sem eigin persónuleiki
hefði breyst. Þau fengu gjarnan höfuðverk,
miklir erfiðleikar voru í sambandi við kynlíf,
smán og sektarkennd voru yfirþyrmandi og
sjálfsálitið afskaplega lítið. Þetta var það
fyrsta sem við komumst að.
Annað sem kom okkur á óvart var það,
að markmiðið með pyntingum er ekki að
fá upplýsingar. Raunverulegt markmið er
að brjóta niður sjálfsvitund og persónuleika
einstaklinga. Hverja skal brjóta niður leiðir
okkur að þriðja atriðinu sem kom okkur á
óvart.
FÓRNARLÖMBIN ERU
ANDSTÆÐINGAR EINRÆÐIS
Þau sem verða fyrir pyntingum eru
yfirleitt einstaklingar sem hafa barist
fyrir betra samfélagi. Þar má nefna
verkalýðsleiðtoga og aðra sent unnið
hafa innan verkalýðshreyfingarinnar,
stúdentaleiðtoga, baráttumenn fyrir
mannréttindum, stjórnmálamenn, einstaklinga
úr þjóðernisminnihlutum og duglega
blaðamenn. Þetta er hópurinn sem verður
fyrir pyntingum, hópurinn sem hægt er að tala
um sem leiðtoga í samfélaginu, fólk sem vill
styrkja og styðja lýðræði, fólk sem er á móti
einræði.
Fram til þessa höfum við haft fólk
frá 45 löndum til meðferðar hér í
endurhæfingarstöðinni og það liggur ljóst fyrir
að það eru þessir sterku einstaklingar sem eru
Sáttmáli gegn pyntingum
og annarri grimmdarlegri,
ómannúðlegri eða
niðurlægjandi meðferð eða
refsingu
Grein 10
1. Sérhverí aðildarríki tryggi að
kennsla og upplýsingar um hann við
pyntingum séu að fullu felldar inn í
þjálfun löggceslumanna, borgaralegra
eða í herjum, heilbrigðisstarfsmanna,
opinberra starfsmanna og annarra
þeirra sem geta átt aðild að gœslu,
yfirheyrslu eða meðferð sérhvers
einstaklings sem þolir hvers konar
handtöku, varðhald eða fangelsun.
2. Sérhvert aðildarríki felli þetta bann í
reglur eða fyrirmœli sem gefin eru um
skyldur og starf allra ofangreindra.
Samþykkt
AHsherjarþings Sameinuðu þjóðanna
f'rá 10. desember 1984
pyntaðir, það eru þeir sem menn vilja brjóta
niður og senda síðan niðurbrotna til baka í sitt
félagslega umhverfi. Þar er komin manneskja
sem áður var sterk, hvort heldur um er að
ræða stjórnmáiamann, stúdentaleiðtoga eða
einhvern annan, en getur nú ekki höndlað
líf sitt, ræður ekki við daglegt líf og líður
skelfilega. Það bitnar á fjölskyldunni, það
bitnar á vinunum, það bitnar á öllum í
umhverfinu og viðbrögð annarra verða: Við
viljuin ekki lenda í þessu, við viljum ekki
enda eins og þessi einstaklingur.
RÍKISSTJÓRNARPYNTINGAR
A þennan hátt er unnt að skapa hræðslu og
kúgun í samfélaginu og það er gert. Það
er gert í dag um allan heim. Þetta er það
sem við nefnum ríkisstjórnarpyntingar. Það
er mikilvægt að nefna hlutina sínum réttu
nöfnum og segja ríkisstjórnarpyntingar, af
því að það eru ríkisstjórnir sem standa að
baki pyntingunum, það eru ríkisstjórnir sem
stjórna og leyfa að pyntingum sé beitt. Það