Kjarninn - 17.04.2014, Blaðsíða 52
02/05 LÍfSStÍLL
hugsanlega langdregnir hátíðatónleikar. Á dagskrá útvarps
og sjónvarps eru alvöruþrungnar úttektir og umfjallanir um
dauða og pínu Jesú Krists milli þess sem heil tónverk sem
hæfa tilefninu eru flutt í fullri lengd.
Þetta voru seigdrepandi, langdregnir og umfram allt
ofboðslega leiðinlegir páskar og aðferðin við að fagna þeim
hefur áreiðanlega gert fleiri fráhverfa trúarbrögðum en öll
biskupsmál seinni tíma samanlagt.
Páskarnir í dag eru hátíð páskaeggsins, dýrðaróður til
stjórnlauss súkkulaðiáts, og eggið er eins
konar miðpunktur eða háaltari í þeirri
dýrkun.
Við höfum löngu gleymt því hvað gerðist
á skírdag og hvers vegna föstudagurinn er
svona óbærilega langur en í hugum okkar
allra er páskaeggið skýrasta táknmynd
þessarar hátíðar. Páskaeggið er orðið að
eins konar hlutgervingi fyrir hátíðina
og hinir svokölluðu málshættir sem það
inniheldur nálgast óðum stöðu véfréttar
eða spádóms. Opnun páskaeggsins og lestur
málsháttarins verður hápunktur hátíðar sem við vitum ekki
lengur hvers vegna er hátíð.
páskaeggið holdgervingur freistarans
Það er ekkert kristilegt við páskaegg. Páskaegg er bílífi,
eftirgjöf og synd. Súkkulaði er oft líkt við freistingar sem
við ættum að láta eftir okkur og það er oft sagt vera „synd-
samlega gott“. Páskaeggið er í raun holdgerving freistarans,
birtingarmynd djöfulsins í páskahaldi okkar tíma. Allt þetta
skal ég gefa þér ef þú fellur fram og tilbiður mig og étur mig.
Ef við lítum á páskana þessum augum verður okkur ljóst
að djöfullinn hefur sigrað, súkkulaðið ræður yfir páskunum
og Kristur hefur verið gerður útlægur.
Algeng stærð á páskaeggi er á bilinu 250-400 grömm.
Hver 100 grömm af mjólkursúkkulaði innihalda 550 hita-
einingar. Við þær bætast svo hitaeiningar í sælgæti sem er að
„Þetta voru seigdrepandi,
langdregnir og umfram
allt ofboðslega leiðin legir
páskar og aðferðin við að
fagna þeim hefur áreiðanlega
gert fleiri fráhverfa trúar-
brögðum en öll biskupsmál
seinni tíma samanlagt.“