Kjarninn - 22.05.2014, Blaðsíða 31
02/05 efnaHagsmál
Í
slenskir bankar geta ekki fjármagnað sig á sömu kjör-
um og bankar frá Grikklandi, Ítalíu, Írlandi og Spáni.
Ástæður þessa eru að einhverju leyti alþjóðlegar og
snúast um versnandi markaðskjör vegna ástandsins
í Úkraínu og fleiri þátta. En hindranirnar eru líka að
stóru leyti heimatilbúnar. Krónan, lánshæfismat íslenska
ríkisins og skortur á trúverðugri áætlun um losun gjaldeyris-
hafta eru allt atriði sem skipta þar miklu.
Dýr fjármögnun til að opna erlenda markaði
Íslensku bankarnir hafa undanfarið ár verið að feta sig inn á
erlenda fjármögnunarmarkaði. Arion banki gaf út skuldabréf
í norskum krónum, í upphafi árs 2013, til þriggja ára. Umfang
þeirrar útgáfu var 500 milljónir norskra króna, eða um 11,2
milljarðar króna á þeim tíma. Vextir þeirra
bréfa voru fimm prósent ofan á NIBOR-
vexti, sem þykir mjög dýr fjármögnun.
Íslandsbanki réðst síðan í sína fyrstu
útgáfu erlendis eftir hrun í desember
2013. Hún var upp á 500 milljónir sænskar
krónur, um 9,1 milljarð íslenskra króna, til
fjögurra ára og með 400 punkta álagi ofan
á sænska millibankavexti.
Tilgangur þessara útgáfa var ekki að
lækka fjármagnskostnað bankanna heldur
miklu fremur sá að sýna fram á að íslensk fjármálafyrirtæki
gætu gefið út skuldabréf á erlendum vettvangi og nytu
nægjanlegs trausts til að kaupendur væru að því. Í raun var
markmiðið að opna aðgang að erlendum lánsfjármörkuðum
og auka gæði fjármögnunar bankans. Hvorki Arion banki né
Íslandsbanki þurftu á fjármögnun að halda á þessum tíma.
Verst leiknu evrulöndin gátu gefið út bréf
Um miðjan apríl síðastliðinn tilkynnti Arion banki að hann
ætlaði sér í skuldabréfaútgáfu í evrum. Undirbúningurinn
hafði þá raunar staðið yfir í nokkurn tíma. Það yrði fyrsta
slíka útgáfan sem bankinn réðist í eftir bankahrun.
efnaHagsmál
Þórður Snær Júlíusson
L @thordursnaer
„Bankar frá Írlandi, Ítalíu,
Spáni og Grikklandi,
evrulöndum sem höfðu lengt
í gríðarlegum efnahagslegum
hremmingum, höfðu gefið
út skuldabréf í evrum
eftir nokkurt hlé.“