Kjarninn - 22.05.2014, Blaðsíða 44

08/13 ViðTal
fékk nóg af landsliðinu
Heiðar á að baki farsælan feril með íslenska landsliðinu í
fótbolta, en hann spilaði sinn fyrsta leik fyrir landsliðið árið
1999 í vináttuleik á móti Möltu þegar hann kom inn á sem
varamaður fyrir Ríkharð Daðason. Heiðar hætti að spila með
landsliðinu árið 2011, eftir 55 leiki og tólf mörk, en árið 2007
tilkynnti hann óvænt að hann myndi ekki gefa framar kost á
sér fyrir íslenska liðið.
„Á þessum tíma fékk ég bara einhvern veginn nóg af því
að spila með landsliðinu. Ég var orðinn þreyttur á þessum
endalausu ferðalögum, svo var ég ekkert að fá að spila fyrir
landsliðið af neinu viti og ég var hættur að hlakka til að
fara í landsliðsferðirnar. Hausinn var ekki lengur hundrað
prósent í þessu og þá þýddi ekkert fyrir mig að vera í þessu
lengur.“
Heiðar sneri aftur í landsliðið síðla sumars 2008 og segir
tilhlökkunina þá hafa komið aftur, en hann hætti endanlega
með landsliðinu árið 2011 eins og áður segir. Hann segir
bjarta tíma fram undan hjá landsliðinu og telur að þess verði
ekki langt að bíða að liðið tryggi sér þátttökurétt á stórmóti
í fyrsta sinn. „Við vorum ansi nálægt því að komast þangað
núna og sú reynsla mun sitja vel í liðinu. Það eru hörku-
leikmenn að spila á Íslandi og hellingur af flottum ungum
strákum að koma í gegnum unglingastarfið hjá félögunum.
HEiðar tEkinn inn í frægðarHöll WatforD
Heiðar var tekinn inn í frægðarhöll (e. Hall of Fame)
enska knattspyrnufélagsins Watford á lokahófi
félagsins á dögunum. Einn fyrrverandi leikmaður
liðsins er að jafnaði tekinn inn í höllina á hverju ári.
Heiðar lék við góðan orðstír hjá félaginu, fyrst
á árunum 1999 til 2005 og svo aftur á láni tímabilið
2009 til 2010. Hann er dáður á meðal stuðnings-
manna félagsins og liðsfélaga, en hann lék 228 leiki
með Watford og skoraði í þeim 75 mörk.
Í tilefni af viðurkenningunni lét Watford búa til
rúmlega tíu mínútna langt myndband um Heiðar,
með flottustu mörkunum hans, þar sem fyrrverandi
leikmenn og þjálfarar hrósa honum í hástert. Hægt
er að horfa á stiklu úr myndbandinu á Youtube-síðu
Watford.
Heiðar flaug út til Englands til að vera við-
staddur þegar honum var veitt viðurkenning fyrir
góða frammistöðu fyrir félagið.
Í umsögn á vef Watford í tilefni útnefningar-
innar segir: „Hugrakkur og hvetjandi framherji
sem sýndi óttaleysi sitt strax í fyrsta leik með því
að skora gegn Liverpool í ensku úrvalsdeildinni í
janúar árið 2000. [...] Íslendingurinn á fastan sess í
hjörtum stuðningsmanna Watford.“