Þjóðhagsreikningar 1945-1992 - 01.08.1994, Síða 91

þessara erfiðleika hefur sú leið verið valin hér að nota óbeina (implicit) magnvísitölu. í
því felst að tekjutölur eru staðvirtar með verðvísitölum og eftir stendur magnvísitala.
Síðustu árin hefur vatnssalan í fjárhæðum samkvæmt tölum Orkustofnunar verið stað-
virt. Notaðar eru þrjár vísitölur þ.e. byggingarvísitala, verðvísitala landsframleiðslu og
verðbreyting á heitu vatni í framfærsluvísitölu. Þetta gefur þrenns konar mat á magn-
breytingu og er tekið einfalt meðaltal þessara %-breytinga.
6.4.7 Rekstur vatnsveitna (atv.gr. 42)
Sölutölur um kalt vatn eru til muna ónákvæmari en um heitt vatn. Ekki liggja fyrir
beinar magntölur um vatnssölu, og hefur því verið valin sú leið að nota almennar vís-
bendingar um umsvifin í þjóðarbúskapnum við mat á magnbreytingum í greininni. í því
sambandi virðist nærtækast að nota magnvísitölu landsframleiðslunnar samkvæmt
framleiðsluuppgjöri. Magnbreyting vatnssölu er því látin taka sömu árlegu breytingum
og Iandsframleiðslan.
6.4.8 Byggingarstarfsemi (atv.gr. 50)
Til þessarar atvinnugreinar teljast alls 17 atvinnugreinar samkvæmt þriggja stafa
flokkun Hagstofunnar. A verðlagi hvers árs eru sýndar vergar þáttatekjur fyrir hverja
grein fyrir sig, en framleiðslureikningar á verðlagi hvers árs hafa verið dregnir saman í
þrjá flokka. Sama er að segja um staðvirðinguna. Þessir flokkar eru:
1. Sérgreindar iðngreinar (atv.gr. 491-497)
2. Önnur byggingarstarfsemi einkaaðila (atv.gr. 410-425)
3. Byggingarstarfsemi hins opinbera (atv.gr. 431-490)
Verður nú lýst aðferðum við staðvirðingu í hverjum þessara þriggja flokka um sig:
Fyrsti flokkurinn nær til sjálfstætt starfandi iðnmeistara og starfsliðs þeirra, eins og
trésmiða, múrara, pípulagningarmanna og fleiri. Ymsar vísbendingar eru skoðaðar fyrir
þessar greinar, bæði almennar eins og staðvirðing framleiðsluvirðis og aðstöðugjalds-
stofns en einnig er litið á sértæka mælikvarði. Liggur þar beinast við fjármunamyndun í
byggingum og mannvirkjum. En þar er um að ræða fjármunamyndunina í heild að frá-
dregnum vélum og tækjum eins og skipum, flugvélum og bifreiðum til atvinnurekstrar.
Náið samhengi ætti að vera milli breytinga í umsvifum í þessum þætti Qármuna-
myndunar sem að miklum hluta er innlend og atvinnugreinum í byggingarstarfsemi. Þó
er rétt að hafa í huga að umsvif í atvinnugreinunum eiga einnig rót sína að rekja til við-
gerða og viðhaldsstarfsemi og því er ekki rétt að líta eingöngu á fjármunamyndun í
byggingum og mannvirkjum. Með hliðsjón af þessu voru árlegar magnbreytingar í
þessum greinum ekki áætlaðar eingöngu út frá breytingum í bygginga- og mannvirkja-
gerð heldur voru fleiri vísbendingar skoðaðar. Má þar nefna ársverk í atvinnugreininni,
aðstöðugjaldsstofn og framleiðsluvirðið. í mörgum tilvikum sýndu þessar mismunandi
vísbendingar ekki verulega frábrugðna mynd af magnbreytingunum og var þá tekið
meðaltal þeirra.
I öðrum flokknum eru þrjár atvinnugreinar. Þær eru atv.gr. 410, 420 og 425.
Atvinnugrein 410, bygging og viðgerð mannvirkja nær til almennra verktaka, vélavinnu
89