Nýtt S.O.S. - 01.08.1960, Page 17

Stýrimaðurinn leit á armbandsúrið sitt, klukkan var á mínútunni 2.
Hann leit á hallamælinn. Jú, vissulega, skipið hallaðist á stjórnborða, en
áður virtist það fremur hallast örlítið á bakborða. Þetta leit ekki vel út.
Hásetinn hafði líka tekið eftir þessum skyndilega halla, en ennþá sagði
hann ekkert.
Eftir stutta umhugsun ákvað stýrimaðurinn að vekja skipstjórann.
Carey skipstjóri glaðvaknaði um leið og drepið var á dyr hjá honum.
„Kom inn!“ kallaði hann og reis upp við dogg í hvílunni. Hann
kveikti á náttlampanum.
„Hvað hefur skeð?“
„Þarf að láta yður vita, að skipið hefur hallazt á stjórnborða síðan
klukkan 2. Hallinn er að minnsta kosti fimm gráður!"
Fyrst eftir að skipstjóra barst þessi frétt ætlaði hann að rjúka á fætur,
en hvarf svo frá því og svaraði:
„Ef hliðarhallinn eykst ekki getum við beðið til morguns, þá mun ég
athuga málið.“
„Allt í lagi, skipstjóri! “ svaraði stýrimaðurinn og hvarf aftur að starfi
sínu.
Mikill brotsjór skall á skipinu um leið og hann hélt upp stigann, er
lá upp á stjórnpallinn.
— □-----------
Um klukkan 8, er Vestris klauf sívaxandi haugasjó, birtist timburmað-
urinn í brúnni og var mikið niðri fyrir:
„Það er sjór í lestunum, skipstjóri!“ tilkynnti hann æstur á svip.„Þaðer
líka sjór í þvergöngunum!"
Nú varð sannarlega að láta hendur standa fram úr ermum. í skyndi
var hópur háscta kvaddur til starfa undir forystu eins stýrimannanna.
„Það var búið að stöðva lekann!“ tilkynnti stýrimaðurinn nokkru síðar.
„Hvernig liefur þetta viljað til?“ spurði Carey skipstjóri.
„Það hefur koinið leki að skipssíðunni,“ svaraði stýrimaðurinn alvar-
legur á svip. „Við höfum troðið í lekastaðina, en ég veit ekki . . .“
Hann lauk ekki við setninguna, en leit á skipstjórann eins og hann
ætlaðist til, að hann héldi áfram.
Carey skipstjóri lmikkaði ennið og starði fram fyrir sig. Þá tók hann
aftur til máls:
17
Nýtt. S O S