Dagblaðið Vísir - DV - 22.08.2007, Blaðsíða 13
DV Skóladagar miðvikudagur 22. ágúst 2007 13
Heimanám er einn mikilvægasti þáttur skólagöngunnar. Fyrstu
árin njótum við flest aðstoðar foreldra við heimanámið en eftir því
sem árin líða tökum við smátt og smátt meiri ábyrgð á náminu
sjálf. Sumir mæta alltaf undirbúnir í hvern einasta tíma meðan
aðrir eru ekki eins duglegir. Sumir læra strax eftir skólann meðan
aðrir draga það fram eftir kvöldi. Við ræddum um heimanám við
Toby Sigrúnu Herman, náms- og starfsráðgjafa við Menntaskólann
í Reykjavík. Á næstu opnu er rætt við nokkra framhaldsskólanema
um heimanám en á baksíðu er viðtal við Ingimar Árnason,
kennslustjóra fjarnáms við Verkmenntaskólann á Akureyri.
Skóladagar
Framhald
á næstu opnu
Toby Sigrún Herman, náms- og starfsráðgjafi
nemendaráðgjafar Menntaskólans í Reykjavík
AFSTAðA neMAndAnS
TIl nÁMSInS
SkIpTIR MeSTu MÁlI
„Afstaða nemandans til náms-
ins skiptir meginmáli þegar kemur að
heimalærdómi,“ segir Toby Sigrún Her-
man, náms- og starfsráðgjafi Mennta-
skólans í Reykjavík. „Flestir krakkar á
menntaskólaaldri eru duglegir við vinnu
og mættu þeir stundum yfirfæra þann
dugnað á heimanámið.“ Toby leggur
mikla áherslu á að nemendur verði að
skipuleggja sig vel og að mikilvægt sé að
vera duglegur strax frá upphafi svo þeir
dragist ekki aftur úr. „Það verður að vera
ró og næði þegar tekist er á við heimalær-
dóminn. Þegar nemandi sest niður með
nýtt námsefni er auk þess gott að skoða
bókina vel og hugsa hvað viðkomandi vill
fá út úr efninu.“
Námsgreinar höfða þó misvel til fólks.
Uppáhaldsfag eins er leiðinlegasta fag
annars. „Við þurfum öll að læra að það
er ekki alltaf hægt að gera það sem er
skemmtilegt. Það er ekki alltaf gaman að
vaska upp en við gerum það nú samt og
gerum það vel. Það þarf að læra ýmislegt
og ef nemendur eru áhugalausir bendi ég
þeim á að setja námsefnið í samhengi við
það sem þeir vilja gera í framtíðinni. Ef
áhugaleysið beinist að einu eða tveimur
fögum þá verður bara að láta sig hafa það
en ef áhugaleysið beinist að mörgum fög-
um þá bendi ég viðkomandi á að hann er
jafnvel á rangri hillu,“ segir Toby.
Mikilvægi heimanáms er ótvírætt að
mati Toby. „Krakkarnir stefna margir á
háskólanám og þar er heimanámið enn
meira. En það er heldur ekki nóg að lesa
og lesa heldur er nauðsynlegt að rifja
reglulega upp það sem þegar hefur verið
lesið. Níutíu og fimm prósent af því sem
tekið er inn í einni kennslustund verður
gleymt eftir fjórar vikur. Það er því nauð-
synlegt að rifja reglulega upp og setja nýja
þekkingu í samhengi við eldri til þess að
það sem lært er færist frá skammtíma-
minni inn í langtímaminni. Þannig starf-
ar minniskúrfan.“
Toby er mjög jákvæð í garð fjar-
náms. „Fjarnám hentar auðvitað ekki
öllum því það krefst mikils sjálfsaga og
mikillar skipulagningar. En fjarnám er
tilvalið fyrir vinnandi fólk og er ansi
gefandi og skemmtilegur kostur. Fullt
fjarnám hentar kannski ekki ungum
krökkum en það er mjög jákvætt að eitt
og eitt fag sé tekið í fjarnámi og þá sér-
staklega fyrir þá sem hafa misst mikið
úr vegna veikinda.“
DV mynd Ásgeir
U m s j ó n : B a l d u r G u ð m u n d s s o n
N e t f a n g b a l d u r @ d v . i s