Dagblaðið Vísir - DV - 22.08.2007, Blaðsíða 19
DV Skóladagar miðvikudagur 22. ágúst 2007 19
Borgarholtsskóli er nýjasti fram-
haldsskólinn á höfuðborgarsvæðinu,
staðsettur í Grafarvogi og hefur um
eitt þúsund nemendur. Einn þeirra er
Magnús Már Einarsson sem er einn
af stofnendum knattspyrnufréttavefs-
ins fotbolti.net. Hann segist hafa val-
ið Borgarholtsskóla vegna námsins
sem þar er í boði. „Ég valdi skólann
vegna þess að mig langaði á upplýs-
inga- og fjölmiðlabraut. Það skemm-
ir heldur ekki fyrir að ég er einungis
fimm mínútur að labba í skólann.“
Magnús hefur lokið tveimur árum af
þremur á brautinni. „Ég á eitt ár eft-
ir á brautinni en mun síðan bæta við
mig ári til að fá stúdentspróf. Mér lík-
ar námið vel að sumu leyti en öðru
ekki. Í heildina er ég þó nokkuð sátt-
ur við valið,“ segir Magnús sem reyn-
ir eftir fremsta megni að taka þátt í
félagslífi skólans. „Ég æfi fótbolta og
vinn með skóla svo ég hef ekki mik-
inn tíma. Ég var þó til að mynda í rit-
nefnd í nemendafélaginu síðasta vet-
ur.“ Spurður um heimanámið segir
Magnús að það sé mismikið. Stund-
um komi tarnir þar sem mikið er að
gera en á milli er minna að gera. „Það
er mikið um verkefnaskil og þá eru
það verkefni sem ég vinn bæði í skól-
anum og heima, ýmist hóp- eða ein-
staklingsverkefni. Hins vegar eru ekki
mörg lokapróf í mínu námi og því
eru lok annanna ekki jafnstrembin
og í mörgu öðru námi. Þegar ég læri
heima geri ég það ýmist fljótlega eftir
að ég kem heim eða seint á kvöldin.
Þá loka ég að mér og læri í herberginu
mínu í ró og næði til að geta klárað
lærdóminn á sem skemmstum tíma.“
Magnús viðurkennir þó að hann sé
ekki einn af þeim sem mætir alltaf
lesinn í tíma. „Nei, ég get því miður
ekki sagt að ég mæti alltaf fullkom-
lega undirbúinn í tíma,“ segir Magnús
Már léttur í bragði að lokum.
Heimanámið
kemur í törnum
Magnús Már Einarsson, nemandi í
Borgarholtsskóla og ritstjóri fotbolti.net
Framhald
á næstu síðu Hvað finnst þér um reykingar?þér um reykingar?Hvað finnst þér um reyHvað finnst þérSkrifaðu stutta setningu um það sem þér finnst u reykingar í eina af talbólunum.
Lærir á
bókasafninu
Menntaskólinn við Hamrahlíð
verður settur í dag og er Unnsteinn
Manuel einn þeirra nemenda sem
mæta þangað galvaskir. Unnsteinn er
að byrja sitt annað ár í MH en hann er
á tungumálabraut. Meðfram námi er
Unnsteinn mjög virkur í tónlistarlíf-
inu en hann er aðalsprautan í hljóm-
sveitinni Retro Stefson sem hefur
vakið mikla lukku undanfarið. Unn-
steinn er líka mjög virkur í félagslífi
skólans en hann er bæði í kórnum
og í myndbandaráði. Það er því ekki
úr vegi að spyrja hvenær hann hefur
tíma til að læra. „Fyrstu önnina í skól-
anum lærði ég eiginlega ekki neitt. En
á annarri önn tók ég mig á og vandi
mig á að læra í eyðum milli tíma og
áður en ég fer á kóræfingu. Mér finnst
best að læra á bókasafninu og slepp
þá við að gera það á kvöldin.“ Þrátt
fyrir mikinn áhuga á tónlist segist
Unnsteinn ekki hlusta á tónlist þegar
hann lærir. „Ég gerði það þar til kom
að samræmdu prófunum. Það var
einhver míta í gangi um að það væri
svo fínt að hlusta á Sigur Rós en ég
var alltaf með hugann við uppbygg-
ingu lagsins og sá að þetta var ekki
að ganga.“ Unnsteinn segist hafa val-
ið Menntaskólann við Hamrahlíð því
bekkjakerfið er honum ekki að skapi.
„Mér finnst mjög gott að skipuleggja
stundaskrána mína sjálfur. Eins
og núna vel ég fög sem mér finnst
skemmtilegust og ætla að bíða með
þau leiðinlegu þar til ég verð eldri og
skynsamari.“
Unnsteinn Manuel Stefánsson,
nemi í Menntaskólanum við Hamrahlíð