Dagblaðið Vísir - DV - 22.08.2007, Blaðsíða 32
Axel Kristjánsson hæstaréttarlög-
maður sem hefur harðlega gagnrýnt
gjaldtöku viðskiptabankanna á op-
inberum vettvangi hefur verið skip-
aður í nefnd á vegum viðskiptaráð-
herra sem fær það hlutverk að fara
yfir lög og reglur varðandi gjaldtöku
viðskiptabankanna og sparisjóða.
Þetta veldur nokkurri furðu fram-
kvæmdastjóra Samtaka fjármálafyr-
irtækja.
Björgvin G. Sigurðsson við-
skiptaráðherra skipaði nefndina til
að skoða gjaldtöku fjármálafyrir-
tækja fyrir þjónustu sína og rafræn-
ar kortafærslur. Nefndinni er sér-
staklega ætlað að skoða ýmis gjöld
sem fjármálafyrirtæki krefjast og
forsendur þeirra, til dæmis seðil-
gjöld, innheimtukostnað, kostnað
við greiðslukort og fit-gjöld.
Með Axel í nefndinni eru Sigríð-
ur Rafnar Pétursdóttir lögfræðingur,
formaður hópsins, og Gísli Tryggva-
son, talsmaður neytenda. Axel
starfaði sem lögfræðingur Útvegs-
bankans í yfir þrjá áratugi og ritaði
nýverið harðorða grein í Morgun-
blaðið þar sem hann líkti bönkun-
um við þjófótta hunda. Axel setti þar
út á siðferði bankamanna og spurði
hvort lögfræðingar þeirra kynnu lítil
skil á almennri lögfræði. Hann telur
ekki hægt að sökkva dýpra í siðleysi
bankanna.
Pétur Óskarsson, talsmaður
Glitnis, fagnar tilurð starfshópsins.
„Í sjálfu sér líst okkur bara ágætlega
á skipan ráðherra og horfum til þess
að eiga við hópinn gott samstarf.
Mér finnst þetta gott skref. Vonandi
mun niðurstaðan skila upplýstri
umræðu um fjármál og að því leyt-
inu til tel ég þetta jákvætt,“ segir Pét-
ur.
„Viðskiptahættir hafa breyst gríð-
arlega hratt og gjaldtaka bankanna
er orðin of mikil. Sum þessara gjalda
eru umdeild og spurning hversu
réttlætanleg þau eru,“ segir Björg-
vin. „Að mínu mati er rík ástæða og
engin spurning að fara yfir allt svið-
ið með opnum augum.“
Guðjón Rúnarsson, fram-
kvæmdastjóri Samtaka fjármála-
fyrirtækja, telur skipan hópsins af-
leiðingu kröftugrar umræðu um
gjaldtöku bankanna. Hann setur
spurningarmerki við skipun Axels
í hópinn þar sem hann hafi skýrt
lýst skoðunum sínum. „Mér finnst
sú ráðstöfun óvenjuleg að skipa að-
ila í starfshópinn sem hefur á op-
inberum vettvangi lýst sterkum
skoðunum sínum á starfsháttum
bankanna.“
trausti@dv.is
Jafnvel þó að prestar fengju heimild til
að staðfesta samvist samkynhneigðra
hefur um þriðjungur þeirra engan
áhuga á því. Séra Þórir Jökull Þor-
steinsson, sendiráðsprestur í Kaup-
mannahöfn, segir hjónabandið að-
eins fyrir gagnkynhneigð pör og segir
ástæðulaust að kirkjan blandi sér inni
í ástarlíf samkynhneigðra.
Tæp 27 prósent presta eru and-
víg eða mjög andvíg því að Kirkjuþing
samþykki að prestar þjóðkirkjunnar fái
heimild til að staðfesta samvist. Þetta
eru niðurstöður könnunar sem Bisk-
upsstofa lét gera á viðhorfum þjón-
andi presta.
Séra Auður Eir Vilhjálmsdóttir er á
öndverðum meiði og er fylgjandi því
að prestar fái þessa heimild. Hún vill
ganga skrefi lengra og telur að á með-
an samkynhneigðir fái ekki að ganga í
hjónaband sé brotið á réttindum allra.
„Gagnkynhneigðir eiga rétt á því að
búa í samfélagi þar sem mannréttindi
eru virt,“ segir Auður. Hún bendir á að
hjónavígsla sé löggjörningur sem eigi
að standa öllum til boða, óháð kyn-
hneigð.
„Tveir karlar geta ekki lifað sam-
an líkt og hjón væru,“ segir Þórir Jök-
ull. Að hans mati er ekki hægt að kalla
samband tveggja aðila af sama kyni
hjónaband. „Það þarf ekki annað en
skoða sögu manna frá öndverðu til að
sjá að það eru karl og kona sem hafa
sinnt þeirri köllun að ganga í hjóna-
band. Fyrir því er bæði kirkjuleg hefð
og ritningarleg. Fólk verður auðvitað
að ákveða með sjálfu sér með hverj-
um það liggur en það á ekki að blanda
kirkjunni í það.“
Athygli vekur að karlprestar eru
andsnúnari því að þessi heimild verði
veitt en konur, og eldri prestar eru nei-
kvæðari í garð hugmyndarinnar en
þeir sem yngri eru.
Auður Eir segir að þessi munur á
viðhorfum presta eftir starfsaldri komi
sér á óvart. Aðra sögu er að segja af
kynjamuninum. „Mér hefur fundist
það á þeim samtölum sem ég hef átt
við konur í prestastétt að þær væru
flestar hlynntar þessu.
Næsta Kirkjuþing verður haldið í
haust og má gera ráð fyrir að þar verði
skeggrætt um möguleikann á þessari
lagabreytingu. Á síðustu prestastefnu
var þeirri tillögu hafnað að borgaraleg-
um hjúskaparlögum yrði breytt þannig
að hjúskapur samkynhneigðra, sem
nú nefnist staðfest samvist, yrði eftir-
leiðis kallaður hjónaband.
„Prestastefnan afgreiddi þetta mál í
vor og ég fylgi þeirri línu sem þar var
farin,“ segir Þórir Jökull. Hann telur að
könnunin hafi verið gerð til að friða þá
presta sem fannst þeir verða undir í
þeirri atkvæðagreiðslu.
Aðspurður segist Þórir ekki sjá
ástæðu til að nýta sér heimild til að
staðfesta samvist samkynhneigðs pars,
væri hún fyrir hendi. „Ég hef ekkert við
hana að gera og kirkjan ekki heldur.“
Auður vonar að prestar fái þessa
heimild fyrr en seinna.
miðvikudagur 22. ágúst 2007 n Dagblaðið vísir stofnað 1910
Fréttaskot
5 1 2 7 0 7 0
DV borgar 2.500 krónur fyrir fréttaskot sem leiðir til frétta.
Fyrir besta fréttaskot vikunnar greiðast 5.000 krónur.
Að auki eru greiddar 10.000 krónur fyrir besta fréttaskot hvers mánaðar.
Þannig er hægt að fá 15.000 krónur fyrir besta fréttaskot mánaðarins.
Mega menn nú ekki hafa
skoðanir í nefndastarfi?
Hjónabandið aðeins
fyrir gagnkynHneigða
Þriðjungur presta andvígur staðfestri samvist samkynhneigðra:
rigning Þessir ferðamenn sem voru á göngu um miðborgina létu rigninguna í gær ekki á sig fá heldur settu upp hettur og
regnhlíf. Þeir gengu þó frekar bognir í baki þegar ljósmyndara DV bar að. Áframhaldandi rigningu á höfuðborgarsvæðinu er spáð.
DV-MYNDSTEFÁN
Lögmaður sem gagnrýndi bankana fyrir fit-gjöld skipaður í nefnd Björgvins:
Bankamenn furða sig á skipun Axels
Í fyrsta sinn í skóla
Í dag hefja 4.200 börn skóla-
göngu í grunnskólum landsins og
verða þar með í fyrsta skipti sjálf-
stæðir vegfarendur. Í tilefni þess
hefur Umferðarstofa gefið út bæk-
ling sem sendur var til foreldra og
forraáðamanna allra sex ára barna.
Í honum er að finna leiðbeiningar
hvernig undirbúa á barnið undir
það að ganga sjálft í skólann. Þá
eru foreldrar hvattir til þess að
kynna öruggustu gönguleiðina í
skólann. Í bæklingnum er einnig
að finna upplýsingar um hvern-
ig best er að keyra börn í skólann.
Lögregla mun á næstunni auka
eftirlit við skóla til þess að tryggja
öryggi barna í umferðinni.
Íslandsprent
fyrir héraðsdóm
Greiðslustöðvun prentsmiðj-
unnar Íslandsprents verður tekin
fyrir í Héraðsdómi Reykjaness í dag.
Þá metur dómari hvernig til hefur
tekist og ákveður hvort greiðslu-
stöðvun verði framlengd.
Skuldir fyrirtækisins nema
hundruðum milljóna króna og stór
hluti þeirra er við erlenda birgja.
Skuldir vegna vélakaupa Íslands-
prents vega þungt en fyrirtækið
skuldar jafnframt nærri 50 milljón-
ir í opinber gjöld. Ef til gjaldþrots
kemur yrði það stærsta gjaldþrot
prentiðnaðarins hér á landi. Aðilar í
prentiðnaði hafa áhyggjur af því að
rekstraraðilar Íslandsprents séu að
undirbúa prentsmiðjurekstur undir
nýrri kennitölu en fyrirtækið hefur
sóst eftir stórri lóð í Reykanesbæ.
fóru í kappakstur
í kirkjugarðinum
Lögreglan á höfuðborgarsvæð-
inu var kölluð til vegna hraðaksturs
í Grafarvogi. Rétt fyrir klukkan tíu í
fyrrakvöld barst lögreglunni tilkynn-
ing um aksturinn og er lögregla kom
á staðinn reyndist um að ræða kapp-
akstur tveggja bíla í Gufuneskirkju-
garði. Ungir ökumenn bifreiðanna,
sem báðir voru 17 ára gamlir, voru
í fyrstu hissa á afskiptum lögregl-
unnar en skömmuðust sín þegar
þeim var gerð grein fyrir alvarleika
málsins.
Ólögmæt gjöld? Viðskiptaráðherra
hefur skipað starfshóp til að meta
lögmæti gjaldtöku bankanna.
Vísbendingar
í báðar áttir
„Það er ýmislegt sem bendir
til að hægja fari á launaskriði. Á
móti hafa birst tölur um að at-
vinnuleysi sé í sögulegu lágmarki.
Örvarnar benda því í báðar áttir,“
segir Gunnar Páll Pálsson, for-
maður VR.
Samkvæmt upplýsingum frá
Hagstofu Íslands hefur dregið
úr hækkun launavísitölu síðustu
mánuði. Launavísitala í júlí 2007
hækkaði um 0,3% frá fyrri mánuði
og síðastliðna tólf mánuði hefur
launavísitalan hækkað um 8,3%.
Hækkunin var áberandi mest
fyrstu þrjá mánuði ársins og síðan
hefur dregið úr.
Hallgrímskirkja Prestur þjóðkirkjunnar
segist ekki sjá ástæðu til að nýta sér
heimild til að staðfesta samvist
samkynhneigðs pars, væri hún fyrir
hendi. „Ég hef ekkert við hana að gera
og kirkjan ekki heldur.“
Erla HlynsdÓttir
blaðamaðurskrifar: erla@dv.is