Dagblaðið Vísir - DV - 22.08.2007, Blaðsíða 18
miðvikudagur 22. ágúst 200718 Sport DV
visa-bikar kvenna
Breiðablik - KR 3-7
0-1 (3.) Olga Færseth, 0-2 (10.)
Olga Færseth, 1-2 (21.) greta mjöll
samúelsdóttir, 1-3 (35.) Olga Færseth,
1-4 (41.) Olga Færseth, 1-5 (52.)
Hólmfríður magnúsdóttir, 2-5 (67.)
sandra sif magnúsdóttir, 2-6 (67.)
katrín Ómarsdóttir, 3-6 (69.) mette
Olesen, 3-7 (81.) Hólmfríður magnús-
dóttir.
Keflavík - Fjölnir 3-1
1-0 (8.) vesna smiljkovic, 2-0 (38.)
danka Podovac, 3-0 (51.) danka
Podovac, 3-1 (51.) rúna sif stefáns-
dóttir.
Úrslit í gær
íÞrÓttAMOlAr
Njarðvík missti af Webb
Ekkert verður af því að bandaríski
leikmaðurinn Joe Webb gangi til liðs
við Njarðvíkinga í
iceland Express-
deildinni í
körfuknattleik.
teitur Örlygsson,
þjálfari umFN,
sagði í samtali við
víkurfréttir að
Webb hefði fengið
annað tilboð sem
hann hefði
ákveðið að taka og því væru
Njarðvíkingar að nýju komnir á
byrjunarreit hvað varðar málefni
erlendra leikmanna. Þá hefur
miðherjinn Egill Jónasson ekki enn
samið að nýju við Njarðvíkinga en
hann hefur æft með liðinu að
undanförnu og kvaðst teitur ánægður
með hans framlag á síðustu æfingum.
ellert jóN til DaNmerkur
Ellert Jón Björnsson, leikmaður Ía, er á
leið til náms í árósum í danmörku í lok
ágúst. Þar mun
hann nema
hagfræði en það
tekur um þrjú ár. Í
samtali við
heimasíðu Ía segir
Ellert að hann voni
að geta leikið með
skagamönnum
næsta sumar, en
hann ætti eftir að
skoða það betur í samráði við guðjón
Þórðarson þjálfara. Ellert hefur verið
meiddur undanfarið og hefði þar af
leiðandi ekki leikið næstu leiki. Hann
hafði staðið sig vel í sumar í nýrri stöðu.
Ellert er uppalinn skagamaður en lék
hálft tímabil með val árið 2004.
túNisbúi á leið til fram
Fram í handboltanum er að fá túniskan
leikmann. Jón Eggert Hallsson, formað-
ur handknattleiks
deildar Fram, stað-
festi í samtali við
dv að liðið hefði
sent fyrirspurnir
um leikmanninn
en enn ætti
eitthvað eftir að
koma út úr því.
Fram hefur fengið
til liðsins marga
útlendinga en enginn staðið undir
væntingum.
vick ætlar að játa
Lögfræðingar michael vick segja að
umbjóðandi þeirra muni játa á sig
hundaatsákærur sem munu setja feril
hans í NFL-
deildinni í hættu.
vick, sem er
stórstjarna í NFL-
deildinni, gæti
verið dæmdur í
allt að fimm ára
fangelsi og sekt
upp á 30 milljónir
króna fyrir
grimmd gegn
dýrum. vick, sem var valinn fyrstur úr
háskólavalinu árið 2001, er ákærður
fyrir að halda hundaat í garðinum
heima hjá sér. saksóknari var tilbúinn
að gefa út fleiri ákærur á vick en
játningin er sögð vera liður í því að fá
þær ákærur felldar niður. vick er
ákærður í átta liðum, meðal annars
fyrir að drekkja hundum og hengja þá.
Hann reyndi að bulla sig út úr
vandræðunum í fyrstu með því að
segja að hann vissi ekki neitt um nein
hundaöt sem fram fóru á heimili hans.
síðan þegar vinir hans fóru að vitna
gegn honum játaði hann á sig
ósómann. Nike og reebook hafa tekið
allar vörur tengdar honum úr sölu og
rift öllum samningum við hann.
Það verða KR og Keflavík sem mætast í úrslitaleik VISA-bikars kvenna í knattspyrnu.
KR sigraði Breiðablik 7-3 á útivelli þar sem Olga færseth átti stórleik og í Keflavík
unnu heimamenn Fjölni 3-1 þar sem serbnesku landsliðskonurnar Danka Podovac og
vesna smiljkovic skoruðu mörk Keflavíkur.
KR og Keflavík tryggðu sér sæti í úrslit-
um VISA-bikars kvenna í knattspyrnu
í gær. KR gerði það með því að leggja
Breiðablik að velli, 7-3, á Kópavogs-
velli. Olga Færseth sýndi og sannaði
enn og aftur að hún er markaskorari
af guðs náð. Hún skoraði fjögur mörk í
fyrri hálfleik og lagði grunninn að sigri
KR. Keflavík vann Fjölni á heimavelli,
3-1, þar sem Danka Podovac skoraði
tvö mörk.
Leikurinn fór fjörlega af stað. Það
voru KR-stúlkur sem náðu undirtök-
unum strax í upphafi og þær skoruðu
fyrsta markið strax á 3. mínútu.
Edda Garðarsdóttir tók hornspyrnu
fyrir KR, Alicia Wilson skallaði að
marki þar sem markahrókurinn Olga
Færseth var mætt til að pota boltanum
yfir marklínuna.
Þrátt fyrir markið hættu KR-stúlk-
ur ekki að sækja og það liðu aðeins sjö
mínútur þar til KR hafði náð tveggja
marka forystu. Hólmfríður Magnús-
dóttir reyndi að leika á Dagmar Ýr
Arnardóttur, sem braut á Hólmfríði og
vítaspyrna dæmd. Hárréttur dómur
hjá Valgeiri Valgeirssyni dómara. Olga
tók spyrnuna og skoraði örugglega. 2-
0 fyrir KR eftir tíu mínútur og útlitið
dökkt hjá Blikum.
Breiðablik sótti hægt og bítandi í
sig veðrið og á 21. mínútu náði Greta
Mjöll Samúelsdóttir að minnka mun-
inn í 1-2. Breiðablik fékk hornspyrnu
frá hægri, Greta tók spyrnuna og skor-
aði beint úr henni.
Olga var hins vegar ekki búin að
segja sitt síðasta. Á 35. mínútu tók
Íris Dögg Gunnarsdóttir, markvörður
KR, aukaspyrnu á vallarhelmingi KR,
Hrefna Huld Jóhannesdóttir skallaði
boltann inn fyrir vörn Breiðabliks, þar
fékk Olga boltann og skoraði með lag-
legu skoti yfir Petru Lind Sigurðardótt-
ur í marki Breiðabliks. 3-1 fyrir KR og
Olga komin með þrennu.
Sex mínútum síðar var Olga enn og
aftur á ferðinni. KR fékk hornspyrnu
sem Edda Garðarsdóttir tók. Hún
sendi boltann inn á vítateig Breiða-
bliks þar sem Katrín Ómarsdóttir
skallaði að marki, boltinn fór í varnar-
mann Blika sem stóð á marklínunni og
Olga var fyrst til að átta sig og skoraði
af stuttu færi.
4-1 fyrir KR í hálfleik og marka-
hrókurinn Olga Færseth búin að skora
öll mörk KR-liðsins. Eins og tölurnar
gefa til kynna voru KR-stúlkur mun
betri í fyrri hálfleik gegn máttlitlum
Blika-stúlkum.
Eftir aðeins sex mínútur í síðari
hálfleik komst KR í 1-5. Olga Færseth
átti þá góða sendingu inn á vítateig
Breiðabliks þar sem Hólmfríður fékk
boltann og skoraði laglega framhjá
markverði Blika.
tvö mörk á sömu mínútunni
Breiðablik náði að klóra í bakk-
ann á 67. mínútu þegar Guðrún Sól-
ey Gunnarsdóttir gaf góða sendingu
inn fyrir vörn KR þar sem Sandra Sif
Magnúsdóttir fékk boltann og skoraði.
Sandra Sif hafði komið inn á sem vara-
maður fjórum mínútum áður og var
ekki lengi að minna á sig.
KR tók miðjuna, Hólmfríður Magn-
úsdóttir fékk boltann, sendi inn fyrir
vörnina á Katrínu Ómarsdóttur sem
skoraði sjötta mark KR. Tvö mörk á
sömu mínútunni og staðan skyndilega
orðin 2-6, KR í vil.
Tveimur mínútum síðar skoruðu
Blikastúlkur sitt þriðja mark. Eftir
hornspyrnu var mikil barátta í vítateig
KR, boltinn barst til Mette Olesen sem
skoraði af stuttu færi. 3-6 og enn nógur
tími fyrir fleiri mörk.
Á 81. mínútu kom svo tíunda mark
leiksins og þar voru KR-stúlkur á ferð-
inni. Eftir góða sókn og laglegt samspil
fékk Hólmfríður Magnúsdóttir boltann
um það bil 25 metra frá marki Breiða-
bliks. Hún lét skotið ríða af og boltinn
söng í netinu. Fallegt mark og annað
mark Hólmfríðar í leiknum.
Þar með var allur vindur úr Breiða-
bliki og þær Olga Færseth og Hólm-
fríður voru nálægt því að bæta við
mörkum áður en flautað var til leiks-
loka. Svo fór ekki og lokatölur 7-3 fyr-
ir KR.
frábær dagur hjá öllu liðinu
Olga Færseth var að vonum ánægð
með mörkin fjögur þegar DV ræddi við
hana eftir leikinn. „Ég ætla auðvitað
að skora í hverjum einasta leik. Hvort
sem það er eitt eða tíu, það skiptir
ekki máli. Ég setti fjögur í dag og það
kannski lagði grunninn að þessum
sigri. En þetta var bara frábær dagur
hjá öllu liðinu.“
Olga sagði að leikaðferð KR-liðs-
ins hafi gengið eftir. „Við ætluðum
að pressa á þær alveg frá byrjun. Um
leið og við skoruðum eitt og svo ann-
að lögðum við grunninn að þessu.
Við vörðumst vel og sóttum hratt. Það
var bara nákvæmlega eins og Helena
(þjálfari KR) lagði leikinn upp,“ sagði
Olga.
Hún er uppalin í Keflavík og hlakk-
ar til að mæta sínu uppeldisfélagi í úr-
slitaleiknum. „Þetta er minn heima-
bær og það er bara tilhlökkun að fara
í þennan leik. Sérstaklega í úrslitaleik,“
sagði Olga að lokum.
Jörundur Áki Sveinsson, þjálfari
Breiðabliks, sagði að KR hafi einfald-
lega verið betra liðið. „Við hittum á
KR-ingana í hörkuformi og lendum
2-0 eftir nokkrar mínútur og þar með
var leikurinn orðinn okkur mjög erf-
iður. Það sem við lögðum upp með
var að verjast vel. Þær voru búnar að
skora tíu mörk gegn okkur í tveimur
leikjum í sumar, þannig að við ætluð-
um að stoppa það. Það gekk ekki eftir.
Þær eru með frábært sóknarlið og það
er mjög erfitt að eiga við það.
Við skoruðum þrjú mörk og ein-
hvern tímann hefði það dugað til að
vinna leik en þær skoruðu sjö. Við vor-
um svo sem farin að taka sénsa og ætl-
uðum að skora strax í byrjun seinni
hálfleiks en það tókst ekki,“ sagði Jör-
undur Áki og bætti við að mörkin í fyrri
hálfleik hafi verið helst til of ódýr.
„Lið eins og KR nýtir öll svona tæki-
færi til hins ýtrasta. Þær hafa leikmenn
innan sinna raða sem eru klókir. Olga
er auðvitað alveg baneitruð í þessu og
er ótrúlegur markaskorari. Við viss-
um það alveg og það má aldrei líta af
henni,“ sagði Jörundur.
serbnesk blóm í keflavík
Keflavík tók á móti Fjölni í gær í
hinum undanúrslitaleiknum í VISA-
bikarnum. Keflavík byrjaði leikinn af
miklum krafti og komst í 1-0 strax á
8. mínútu. Serbneska landsliðskon-
an Vesna Smijlkovic skoraði þá beint
úr hornspyrnu. Hálftíma síðar eða á
38. mínútu skoraði svo landa henn-
ar Danka Padovac annað mark Kefl-
víkinga með glæsilegu skoti fyrir utan
teig, stöngin inn. Padovac tók þá horn-
spyrnu, sendi á Smiljkovic, fékk bolt-
ann aftur og þrumaði honum í markið.
Padovac var aftur á ferðinni á 50.
mínútu og kom Keflvíkingum í 3-0.
Tók þá aukaspyrnu sem fór af varnar-
manni og í netið. Strax í næstu sókn
minnkaði Fjölnir muninn í 3-1. Þar
var á ferðinni Rúna Sif Stefánsdóttir
sem hirti frákastið eftir að markvörð-
ur Keflavíkur hélt ekki skoti Fjölnis.
Lengra komust gestirnir ekki og fögn-
uðu Keflvíkingar innilega í leikslok.
Keflavík er því komið í bikarúrslit
gegn KR þar sem verður við ramman
reip að draga. Liðin hafa einu sinni
mæst í sumar og unnu KR þá örugg-
lega 5-0. Keflvíkingar eru hins vegar
sýnd veiði en ekki gefin og hafa sýnt
það oft í sumar. Keflavík fær einmitt
KR í heimsókn 17. september eða að-
eins 5 dögum fyrir bikarúrslitaleikinn
sem verður á Laugardalsvelli í beinni
útsendingu á RÚV.
dagur@dv.is
Kr Og KEFlAVíK í Úrslit
Dagur sveiNN DagbjartssON
blaðamaður skrifar: dagur@dv.is
markamaskína Olga
Færseth er markaskorari af
guðs náð og hún skoraði
fjögur mörk fyrir kr sem
burstaði Breiðablik 7-3 í gær.
Næst er það kr keflavík vann Fjölni í gær, 3-1, þar sem serbnesku landsliðskonurnar
danka Podovac og vesna smiljkovic skoruðu mörk keflavíkur. Mynd Víkurfréttir