Dagblaðið Vísir - DV - 11.09.2007, Qupperneq 2

þriðjudagur 11. september 20072 Fréttir DV
Játaði íkveikju
Ungur piltur hefur játað að
hafa lagt eld að bílskúr sem
brann til kaldra kola á Selfossi í
byrjun ágústmánaðar. Að sögn
varðstjóra hjá lögreglunni á
Selfossi játaði ungi pilturinn
sem ekki er sakhæfur að hafa
kveikt í bílskúrnum sem stóð
við fasteignasöluna Bakka við
Sigtún. Sakhæfisaldur á �slandi
er fimmtán ár. Pilturinn gat ekki
gefið neina skýringu á uppá-
tæki sínu en hann þekkti ekki til
eiganda bílskúrsins. Vegna ungs
aldurs verður drengurinn ekki
ákærður fyrir uppátækið.
InnlendarFréttIr
ritstjorn@dv.is
Fundu riffil og
haglabyssu
Afsöguð haglabyssa, riffill,
riffilskot og hnífar voru á með-
al þess sem lögreglan á höfuð-
borgarsvæðinu gerði upptækt
um miðjan dag á sunnudaginn.
Lögreglan gerði áhlaup í íbúð í
miðborg Reykjavíkur og hand-
tók þar tvær konur á fertugsaldri
og karlmann á fimmtugsaldri.
Þegar lögregla kom á vettvang
sátu þremenningarnir að neyslu
fíkniefna. Lögreglan gerði nokk-
urt magn fíkniefna upptækt sem
talið er vera amfetamín, LSD og
hass. Auk þess fannst það sem
talið er vera þýfi úr
þjófnaðarmáli sem
kom upp í sama
hverfi. Sá þjófnað-
ur var tilkynntur
til lögreglunnar
á höfuðborgar-
svæðinu klukku-
stund áður en
fólkið var hand-
tekið.
Bílvelta og ölvun
Tuttugu og tveggja ára öku-
maður missti stjórn á bifreið
sinni á veginum um Hálfdán
milli Bíldudals og Tálknafjarðar
um níuleytið á laugardagskvöld-
ið. Að sögn varðstjóra hjá lög-
reglunni á �safirði leikur grunur á
að ökumaðurinn hafi verið undir
áhrifum áfengis þegar slysið varð
en með í för var félagi mannsins.
Meiðsl mannanna reyndust
ekki alvarlegri en svo að þeir
voru farnir af vettvangi þegar
lögregla kom á staðinn og hafa
þeir líklega fengið far í bæinn.
Bíllinn var hins vegar mikið
skemmdur.
Einar þór sigurðsson
blaðamaður skrifar: einar@dv.is
Umferðarstofa
í ökukennslu
Starfsfólk Umferðarstofu
gengst á næstu dögum undir
hæfnismat um hæfni þess sem
ökumenn. Tilgangurinn er að
auka umferðaröryggi starfs-
fólks. Ekki er um eiginlegt próf
að ræða heldur mun starfs-
fólk fara í stutta ökuferð með
sérfræðingi sem metur athygli,
leikni og öryggi ökumannsins
auk fylgni hans við umferðar-
reglur. Að þessu loknu hefst
æfingatímabil þar sem starfs-
fólk æfir sig á þeim þáttum
sem gerðar voru athugasemd-
ir við. Umferðarstofa vonast til
að þetta veki önnur fyrirtæki til
umhugsunar um að gera slíkt
hið sama en viðtökur starfsfólks
hafa verið mjög góðar. þórarinn Hávarðsson er ósáttur við framgöngu bankanna vegna gjaldþrots:
Lægra settur en 12 ára barn
„Ég er lægra settur en 12 ára gam-
alt barn gagnvart bankanum,“ segir
Þórarinn Hávarðsson, 45 ára krana-
stjóri. Hann var lýstur gjaldþrota fyrir
um tveimur árum og fær ekki debet-
kort. Þórarinn segist hafa óskað eftir
síhringikorti en verið hafnað.
Þórarinn segir afar erfitt að vera
án debetkorts. „Það er nánast úti-
lokað mál. Bankarnir eru sjálfir bún-
ir að koma því þannig fyrir að kort
eru nauðsynleg. Þeir eru ekki marg-
ir bensínsjálfsalarnir lengur sem taka
reiðufé.“ Þórarinn bendir á að dæmin
séu enn fleiri. „Auðvitað er hægt að lifa
án debetkorts en það er ansi erfitt.“
Þórarinn segir kortaleysi hans
einnig valda eiginkonunni vandræð-
um. „Ef við erum saman úti í bíl get ég
ekki stokkið inn og hlíft henni við því
að fara út í rigninguna. Hún þarf alltaf
að fara.“ Laun hans eru einnig lögð inn
á reikning eiginkonu hans en Þórarinn
segist vel launaður.
Það var fyrst þegar Þórarinn fékk til-
kynningu um að ekki hefði verið hægt
að leggja inn laun sem hann vissi að
debetreikningi hans hafði verið lokað.
„Ég sætti mig auðvitað við að ég megi
ekki stofna til fjárhagslegra skuldbind-
inga eftir að ég varð gjaldþrota. Hins
vegar finnst mér ansi langt gengið að
ég fái ekki síhringikort. 12 ára krakk-
ar geta fengið slík kort og þeir eru ekki
ekki einu sinni fjárráða.“
Þær upplýsingar fengust hjá þjón-
ustuveri Glitnis að fólk ætti almennt
að geta fengið síhringikort þótt það
hafi verið lýst gjaldþrota. Ef hins vegar
hefur þurft að afskrifa stór lán er ekki
mikið gert fyrir fólk.
Þórarinn rak veitingahúsið og
skemmtistaðinn Toppinn á Eskifirði
í um átta mánuði, eða til júlí 2005. Þá
taldi hann ljóst að ekki væri rekstrar-
grundvöllur fyrir staðinn. Hann hafði
tekið lán hjá �slandsbanka, nú Glitni,
og segir reksturinn ekki hafa staðið
undir afborgunum. Þórarinn segir að
bæði eignarhaldsfélag fyrirtækisins
sem og reksturinn hafi verið skráður
á hans kennitölu. Gjaldþrot fyrirtækis-
ins nam um 40 milljónum króna.
erla@dv.is
steingrímur njálsson hefur verið kærður fyrir að hafa í hótunum við mann. Hann
hótaði manninum barsmíðum og lífláti. Steingrímur var kallaður fyrir dómara í gær
þegar mál saksóknara gegn honum var tekið fyrir í Héraðsdómi Reykjavíkur. Þyngsta
mögulega refsing er tvö ár en refsiramminn er sjaldnast nýttur að fullu.
Einn alræmdasti kynferðisbrota-
maður �slands, Steingrímur Njáls-
son, mætti fyrir Héraðsdóm Reykja-
víkur í gær þar sem hann varð að
svara ákærum vegna hótana. Hon-
um er gefið að sök að hafa hótað öðr-
um manni lífláti í gegnum síma.
Steingrímur er ákærður fyrir að
hafa lesið hótanir inn á talhólf síma
manns sem Steingrímur taldi sig eiga
sökótt við. Hann hótaði manninum
öllu illu, meðal annars barsmíðum
og lífláti og var Steingrímur ákærður
fyrir vikið.
Málið var tekið fyrir í Héraðsdómi
Reykjavíkur í gær en var frestað til
föstudags. Til eru upptökur af hótun-
unum og voru þær lagðar fyrir í hér-
aðsdómi í gær. Steingrímur mætti
til héraðsdóms til að hlusta á upp-
tökurnar en vegna tæknilegra örð-
ugleika reyndist það ekki mögulegt.
Steingrímur mun því hlusta á upp-
tökurnar hjá lögmanni sínum áður
en málið verður tekið fyrir aftur á
föstudaginn.
Að sögn Hilmars Ingimundar-
sonar, verjanda Steingríms, tók
Steingrímur sér frest fram á föstu-
dag og hefur hann ekki tjáð sig um
ákæruna.
Hótaði lífláti
Steingrímur er kærður fyrir líf-
látshótanir. Brotið framdi Steingrím-
ur þann 8. nóvember árið 2006. Að
sögn Einars Laxness, lögmanns og
fulltrúa frá lögreglustjóranum á höf-
uðborgarsvæðinu, hringdi Stein-
grímur í talhólf mannsins í nokkur
skipti þennan umrædda dag og hafði
í grófum hótunum við hann. Að mati
ákæruvaldsins fellur brot Steingríms
undir 233. grein almennra hegning-
arlaga en þar segir: „Hver sem hefur
í frammi hótun um að fremja refsi-
verðan verknað, og hótunin er til
þess fallin að vekja hjá öðrum manni
ótta um líf, heilbrigði eða velferð sína
eða annarra, þá varðar það sektum
eða fangelsi allt að tveimur árum.“
Einar segir að málið sé í ákveðn-
um farvegi núna og ekki liggur fyr-
ir hvort einhver málflutningur fari
fram. „Annað get ég ekki sagt um
þetta mál,“ segir Einar.
algengar hótanir
Atli Gíslason, þingmaður vinstri
grænna og hæstaréttarlögmaður,
segir að hótunarmál endi nánast allt-
af með skilorðsbundnu fangelsi eða
fangelsisdómi. Hann segir að refsi-
ramminn sé aldrei fullnýttur í slík-
um hótunarmálum. Það gerist ekki
nema í manndrápsmálum.
Atli segir að hótanir um líkams-
meiðingar séu algengar í tengslum
við heimilisofbeldi eða ofsóknir í
kjölfar skilnaða. „Þessar hótanir eru
einnig mjög algengar í fíkniefna-
heiminum. Menn óttast refsingar
salanna og „lögregluliðs“ þeirra oft
meira en dómstólanna og refsingar
þeirra.“
Hótaði bloggara
Þann 18. júlí síðastliðinn greindi
einn bloggari Morgunblaðsins, sem
kallar sig Jens Guð, frá því að Stein-
grímur Njálsson hefði hringt í hann
og haft í hótunum. Jens bloggaði um
sjónvarpsþáttinn Sönn íslensk saka-
mál sem var endursýndur á sunnu-
dagskvöldum í sumar og fjallaði um
Steingrím í færslu sinni. � þættinum
var fjallað um áratugalangan fer-
il Steingríms Njálssonar sem kyn-
ferðisbrotamanns. Jens sagði frá því
á bloggi sínu þann 17. júlí að Stein-
grímur hefði hringt í hann og hótað
honum öllu illu. Þar segir: „Nú hefur
þú fulla ástæðu til að vera órólegur,
helvítis viðbjóðurinn þinn. Það verð-
ur eitthvað gert í þessum málum,
helvítið þitt.“
Steingrímur mætti
til héraðsdóms til að
hlusta á upptökurnar
en vegna tæknilegra
örðugleika reyndist
það ekki mögulegt.
HÓTAÐI MANNI LÍFLÁTI
Handtekinn steingrímur
var handtekinn eftir að
hann reyndi að ráðast inn á
ritstjórn dV þann 11.
janúar í fyrra.
þórarinn Hávarðsson Líf án debetkorts er ansi strembið, að sögn þórarins.