Dagblaðið Vísir - DV - 11.09.2007, Blaðsíða 18

Þriðjudagur 11. september 200718 Sport DV
Ásgeir Elíasson lést á heimili sínu á
sunnudaginn, 57 ára að aldri. Hann
var viðloðandi knattspyrnu í meist-
araflokki í nær 40 ár og stjórnaði
knattspyrnuliði allt fram í andlátið.
Ásgeir vann fjölda titla sem leikmaður
og þjálfari auk þess sem hann þjálfaði
og spilaði með íslenska landsliðinu.
Hér er stiklað á stóru í ferli þessa
merka manns sem er hverjum íslensk-
um knattspyrnuunnanda kunnur.
Knattspyrnugoðsögn
fallin frá
Á
sgeir Elíasson féll frá
á sunnudag 57 ára
að aldri og er mikill
söknuður að honum
innan knattspyrnu-
hreyfingarinnar á
Íslandi. Hann reyndi margt á ferli
sínum sem spannaði 40 ár sem
þjálfari og leikmaður. Hann var
þekktur fyrir að láta lið sín spila
góða knattspyrnu og lið undir hans
stjórn gátu haldið knettinum betur
en flest önnur hér á landi.
Ferill Ásgeirs sem leikmaður
Ásgeir lék alla yngri flokka sína
með Fram og hóf leik með liðinu í
meistaraflokki 1967, 18 ára gamall.
Þar lék hann við góðan orðstír og
árið 1970 var hann kallaður inn í
landsliðið.
Hann lék með A-landsliðinu í
knattspyrnu á árunum 1970–1984
og lék hann alls 32 leiki á þessum
tíma.
Ásgeir var miðvallarleikmað-
ur og mjög útsjónarsamur á velli.
Hann var mikill íþróttamaður og
iðkaði fleiri íþróttagreinar. Hann
spilaði á sínum tíma landsleiki
í handbolta og fótbolta. Ásgeir
snéri sér snemma að knattspyrnu-
þjálfun og 25 ára að aldri tók hann
við Víkingi frá Ólafsvík sem spilaði
þá í fyrsta skipti í næstefstu deild.
Liðinu gekk hins vegar ekki vel og
endaði í neðsta sæti 2. deildar.
Ásgeir gerðist leikmaður með
Fram á ný árið eftir og spilaði með
liðinu til ársins 1979 þegar hann
ákvað að söðla um og snúa sér
að þjálfun að nýju. Árið 1980 tók
hann við liði FH og spilaði með
liðinu auk þess að þjálfa það. Liðið
hélt sér uppi í efstu deild en þrátt
fyrir það hætti Ásgeir hjá félaginu
og tók við 2. deildar liði Þróttar og
kom því upp í efstu deild árið 1982
og náði góðum árangri með liðið
1983 og 1984. Athygli vakti þeg-
ar Ásgeir var valinn í landsliðið
árið 1983 í leik gegn Hollandi en
mál manna var að hann yrði sífellt
betri með aldrinum „líkt og gott
rauðvín“.
Gullaldarár Fram
Árið 1985 tók Ásgeir við þjálf-
un uppeldisfélagsins Fram og upp-
hófst þá gullöld Safamýrarliðs-
ins þar sem margir titlar unnust
á næstu árum. Ásgeir spilaði með
liðinu árið 1985 og var þá með sér
við hlið leikmenn sem urðu uppi-
staðan í meistaraliði næstu ára.
Miðja Framliðsins þetta ár saman-
stóð af Ásgeiri, Ómari Torfasyni,
Pétri Ormslev, Ormari Örlygssyni
og Kristni Rúnari Jónssyni auk
fleirri leikmanna sem síðar tóku
við keflinu. Liðið varð bikarmeist-
ari árið 1985 og vann sitt fyrsta Ís-
landsmót í 14 ár árið 1986 undir
stjórn Ásgeirs. Ásgeir lagði skóna
formlega á hilluna árið 1985 en lék
þó stöku leik með Fram á næstu
árum. Með 1. flokki spilaði Ásgeir
langt fram á fimmtugsaldur. Alls
lék hann 229 leiki í efstu deild og
skoraði 29 mörk.
Ásgeir varð þrívegis Íslands-
meistari með Fram árin 1986, 1988,
og 1990 og þrívegis bikarmeistari
árin 1985, 1987, 1989.
Góður árangur
með landsliðinu
Árið 1991 hætti Ásgeir með
Fram og tók við íslenska lands-
liðinu og stýrði því til ársins 1995.
Undir hans stjórn náði landsliðið
hæst á styrkleikalista FIFA frá því
farið var að gefa hann út.
Í tíð hans sem landsliðsþjálfari
lék liðið gjarnan góða knattspyrnu
og hæst ber sigra gegn Spánverj-
um í undankeppni EM 1992, 2–0,
og tvo á Ungverjum heima og úti í
undankeppni HM árið 1993. Hann
stjórnaði landsliðinu í 35 lands-
leikjum, vann 12 leiki, gerði 8 jafn-
tefli og tapaði 15.
Árið 1995 snéri Ásgeir til baka í
Safamýri og tók við Fram sem lék í
næstefstu deild. Liðið vann deild-
ina örugglega. Árið eftir lenti liðið
í fjórða sæti. Hann stjórnaði Fram
til 1999 en tók við Þrótti árið 2000
og kom liðinu tvívegis upp í efstu
deild árið 2002 og 2004 en það féll
um deild árið 2003 og 2005.
Ásgeir tók við Fram á ný árið
2006 þegar liðið var í 1. deild og
vann liðið deildina örugglega það
ár.
Á þessu ári stjórnaði hann liði
ÍR í 2. deild en liðið er í harðri bar-
áttu um sæti í 1. deild.
Árangur Ásgeirs og framkoma á knattspyrnuvelli
mun seint gleymast. Hann naut þess að spila knatt-
spyrnu og lék hana einatt með bros á vör. Lið und-
ir hans stjórn voru gjarnan þekkt fyrir að spila góða
knattspyrnu og láta andstæðingana hafa mikið fyrir
því að vinna knöttinn af liðinu. Í viðtali við DV fyrr í
sumar kom glögglega í ljós sú sýn sem hann hafði á
knattspyrnu.
Hér eru nokkur brot úr viðtalinu:
„Um leið og menn þekkja sitt hlutverk inni á velli geta
þeir bætt sig í fótbolta. Stór hluti leikskilnings er að
þekkja sitt hlutverk og þegar verkaskiptingin er skýr er
hægt að byggja upp lið sem spilar vel saman.“
„Liðin mótast alltaf af þjálfaranum og því sem hann
vill gera. Mér finnst alltaf svolítið fyndið að sjá þeg-
ar maður les blöðin að þar eru þjálfarar að segja að
þeirra lið hafi reynt að spila fótbolta. En fótbolta
er hægt að spila á ótal vegu. Ég hef ákveðna skoð-
un á því hvernig á að spila fótbolta en aðrir vilja
spila annars konar fótbolta, hvort tveggja er þó fót-
bolti.“
„Ég held að það þurfi að leggja meiri áherslu á mót-
töku, sendingar og kannski hvernig á að hugsa í fót-
boltaleik.
Að sjálfsögðu æfast krakkar mikið á því að vera úti
að leika sér. En á æfingum er hægt að leiðrétta menn
og kenna mönnum að framkvæma hluti. Oft sé ég
menn í meistaraflokki sem kunna ekki að sparka inn-
anfótar og því tel ég brýnt að vinna betur í grasrótinni
með ungviðið og kenna slíka hluti sem er einfalt að
laga, en það þarf samt að æfa þá.
Þetta er eitthvað sem er ábótavant í okkar þjálfun
og maður spyr sig stundum hvort þetta sé eitthvað
sem vantar í þjálfaramenntun, að kenna mönnum að
sparka. Spyrnur eru jú einn stærsti þáttur leiksins.“
arfleifð ásgeirs
Ásgeir með Guðmundi Torfasyni margir góðir leikmenn hafa spilað undir
stjórn Ásgeirs og þeirra á meðal er guðmundur torfason sem á markametið á
Íslandsmótinu ásamt fleirum með 19 mörk.
Ásgeir Elíasson
er hverjum
knattspyrnuunn-
anda kunnur.