Dagblaðið Vísir - DV - 11.09.2007, Blaðsíða 6

Þriðjudagur 11. september 20076 Fréttir DV
Vilhjálmur Birgisson, formaður Verkalýðsfélags Akra-
ness, er æfur út í Vinnumálastofnun. Hann segist ekki
skilja linkind hennar gagnvart augljósum lögbrotum
og undrast syndakvittun stofnunarinnar til handa
fyrirtækinu Formaco. Í dag gengur hann á fund
félagsmálaráðherra til að kvarta yfir vinnu-
brögðum Vinnumálastofnunar í málefnum
fyrirtæksins.
„Ég botna ekkert í því hvað Vinnu-
málastofnun gengur til. Það er hreint
með ólíkindum að stofnunin sé að
skrifa út syndakvittun fyrirtækis með
þessum hætti eftir að hún beinlínis
hvatti til þess að Formaco yrði kært,“
segir Vilhjálmur Birgisson, formaður
Verkalýðsfélags Akraness.
Vilhjálmur stendur í stórræðum
eftir að hann kærði fyrirtækið Form-
aco fyrir ólögmæta starfsemi með
erlenda starfsmenn. Eftir að hafa
ráðfært sig við Vinnumálastofnun
kærði hann fyrirtækið fyrir að sinna
ekki lögbundnum skráningum fjölda
starfsmanna og standa ekki í skilum á
opinberum gjöldum. Nú hefur dæm-
ið snúist við að mati Vilhjálms eftir
að Formaco hótar honum lögsókn og
telur hann fyrirtækið hafa upp á vas-
ann stuðningsyfirlýsingu Vinnumála-
stofnunar þar sem starfsmaður henn-
ar meðal annars hafnar að hafa hvatt
til kærunnar. Hann undrast mótbyr-
inn frá Vinnumálastofnun og fer á
fund félagsmálaráðherra í dag til að
kvarta yfir starfsemi stofnunarinnar.
Rökstuddar grunsemdir
Gissur Pétursson, forstjóri Vinnu-
málastofnunar, vildi ekki láta hafa
neitt eftir sér um málið fyrr en hann
væri búinn að funda með Vilhjálmi.
Fundur þeirra fer fram í dag og von-
ast Gissur eftir því að allur ágreining-
ur verði þá úr sögunni.
Benedikt Lundal, rannsóknarlög-
reglumaður hjá lögreglunni á höfuð-
borgarsvæðinu, hefur verið að rann-
saka kæru verkalýðshreyfingarinnar
á hendur Formaco. Hann segir lög-
fræðinga embættisins vera að yfirfara
niðurstöðu rannsóknarinnar. „Búið
er að fara yfir hvaða brot voru fram-
in og nú þurfa lögfræðingarnir að fara
yfir þetta. Kæran var ljómandi vel upp
sett af hálfu verkalýðshreyfingarinn-
ar og skýr röksemdafærsla liggur fyr-
ir. Það eru svo sannarlega til staðar
rökstuddar grunsemdir um lögbrot
af hálfu fyrirtækisins. Lögfræðingar
okkar eru nú að íhuga hvaða stefnu
skal taka í málinu,“ segir Benedikt.
Ekkert lagað til
Aðspurður segist Vilhjálmur
sannfærður um að ekkert hafi breyst
til batnaðar hjá Formaco. Hann seg-
ir það grafalvarlegt þegar fyrirtæki
greiða ekki skatta sína og sinna ekki
skyldum sínum hér á landi. „Það
liggur fyrir að fyrirtækið hefur ekkert
lagað til hjá sér og nú á ég allt í einu
að biðjast afsökunar. Í bréfi frá fyrir-
tækinu vitnar það til stuðningsyfir-
lýsingar Vinnumálastofnunar og af-
sökunarbeiðni hennar. Vinnubrögð
Vinnumálastofnunar eru með ólík-
indum og ég skil ekki að stofnunin
sé að láta hafa sig út í svona skrípa-
leik. Syndakvittun þeirra kastar rýrð
á mitt félag sem er að reyna að koma
hlutunum í lag og ég veit til þess að
málefni Formaco eru ekki ennþá
komin í lag,“ segir Vilhjálmur.
„Ég staðfesti það að Vinnumála-
stofnun hvatti til kærunnar og sagði
að margítrekuð brot lægju fyrir. Nú
er hún að reyna að fría sig gagnvart
fyrirtækinu. Mér finnst stórfurðu-
legt að stofnunin sé ekki að taka
hart á málefnum fyrirtækja sem eru
með allt niður um sig. Öll gögn sem
liggja fyrir í málinu staðfesta grun-
semdir um lögbrot og það getur
ekki talist eðlilegt að ekki sé búið
að grípa til aðgerða gegn fyrirtæk-
inu. Þeir hafa heimildir til að stöðva
starfsemi og beita dagsektum. Það
liggur fyrir að hlutirnir eru ekki í
lagi hjá Formaco, starfsmennirn-
ir hafa enn ekki fengið dvalarleyfi,
ekki fengið kennitölur og ekki hafa
verið greiddir skattar af launum.“
Blæs á fullyrðingar
Í nýlegu bréfi Formaco til Verka-
lýðsfélags Akraness, sem DV hef-
VINNUMÁLASTOFNUN
FRÍAR FORMACO ÁBYRGÐ
Gissur Pétursson Forstjóri Vinnumála-
stofnunar fundar með formanni
Verkalýðsfélags akraness í dag vegna
málefna Formaco. Hann vonast til að
hægt verði að greiða úr öllum
ágreiningi.
Vilhjálmur Birgisson Formaður
Verkalýðsfélags akraness er ekki ánægður
með stuðning Vinnumálastofnunar. Hann
fundar með félagsmálaráðherra í dag þar
sem hann mun fara yfir málefni Formaco
og aðkomu stofnunarinnar.
TRausTi hafsTEinsson
blaðamaður skrifar: trausti@dv.is