Dagblaðið Vísir - DV - 11.09.2007, Blaðsíða 19

Kjarvalsstaðir
„Kjarvalsstaðir eru eiginlega framlenging á stofunni heima. Ég bý rétt
hjá listasafninu og kem hingað reglulega, fæ mér kaffi og les blöðin. Þetta
er hús sem stenst tímans tönn. Það verður betra og betra með árunum;
eins og gott rauðvín. Þetta er dæmi um hús sem fellur vel inn í umhverfið
og er svolítið eins og skúlptúr í garðinum. Húsið er látlaust sem gerir það
að vel heppnuðu listasafni því það keppir ekki við listaverkin.
Kjarvalsstaðir voru byggðir á árunum 1966 til 1973 og teiknaðir
af arkitektinum Hannesi Kr. Davíðssyni.“
DV mynd Stefán
Blikanes 20
„Þetta hús var teiknað af Pálmari Kristmundssyni og byggt á árunum 2000
og 2001. Ég var að vinna aðeins með honum að innréttingum hússins svo ég
þekki það vel. Húsið er stílhreint og minnir eilítið á skúlptúr. Pálmar er mín-
ímalisti, en samt ekki, því það er svo margt sem kemur á óvart í byggingum
hans. Húsið er á þremur pöllum og þar af leiðandi upplifir fólk það á mis-
munandi hátt eftir því hvar það er statt inni í því. Það kom mér ekki á óvart
þegar hann var tilnefndur til Mies van der Rohe-verðlaunanna.“DV mynd Stefán
Bakkaflöt 1
D
V
m
ynd Stefán
„Þetta er eitt af fáum húsum hér á landi eftir arkitekt-
inn Högnu Sigurðardóttur en Högna hefur verið búsett
í Frakklandi í mörg ár. Húsið er byggt á árunum 1965 til
1968. Högna er frumkvöðull í ákveðnum byggingarstíl
sem túlkar menningu og lifnaðarhætti landans. Húsið á
Bakkaflöt er gott dæmi um þennan stíl Högnu því það er
mjög innhverft eins og íslensku torfbæirnir voru í þeim
tilgangi að skýla fólki fyrir veðrum og vindum. Arinninn
er miðja hússins eins og algengt var í baðstofum til forna
þar sem fólkið safnaðist saman og yljaði sér við eldinn.“
Framhald
á næstu síðu
DV Arkitektúr þriðjudagur 11. september 2007 19