Dagblaðið Vísir - DV - 03.10.2007, Side 2

miðvikudagur 3. október 20072 Fréttir DV
InnlendarFréttIr
ritstjorn@dv.is
Misstrangar reglur greiðslukortafyrirtækja þegar kemur að klámi:
MasterCard hafnar kláminu
„Við erum alls ekki í neinum
klámviðskiptum, það er alveg ljóst.
Vandinn er fólginn í því að þekkja
viðskiptavininn því klámsíður eru
oft og iðulega leppar fyrir aðrar
verri síður með ólöglegu efni, eins
og barna- og dýraklámi. Ef við
erum staðin að því að þjónusta
ólöglegt efni flokkast það undir
peningaþvætti og við því eru þung
viðurlög,“ segir Ragnar Önundarson,
framkvæmdastjóri Borgunar, um-
boðsaðila MasterCard á Íslandi.
Valitor, umboðsaðili VISA á Ís-
landi, hefur vaxandi tekjur af er-
lendum netviðskiptum og hagnast
vel af viðskiptum við klámkaup-
menn samkvæmt heimildamönn-
um DV. Bæði greiðslukortafyrir-
tækin leigja leyfi fyrir rekstrinum
hérlendis og starfa samkvæmt regl-
um erlendu móðurfyrirtækjanna.
Aðspurður segir Ragnar áhuga til
staðar hjá Borgun að sækja í frekari
mæli í erlend netviðskipti. Hann
segir það verða einungis gert með
traustum samstarfsaðilum. „Nærri
helmingur af öllum netviðskiptum
er klám og þó freistandi kunni að
vera að taka að sér það sem löglegt
er í því höfnum við öllum slíkum
viðskiptum. Við förum ákaflega
varlega í netviðskipti og viljum
kunna fótum okkar forráð,“ segir
Ragnar.
„MasterCard er með strangari
reglur en VISA og þarf frekar að
verja orðspor sitt á alþjóðlegum
markaði. Á þessu er töluverður
munur hjá fyrirtækjunum og það
fer ekkert á milli mála. Ef menn
stíga í feitina í kerfinu okkar eru
við því mjög hörð viðurlög svo það
er önnur góð ástæða til að fara
varlega í þessum efnum. Ef hins
vegar keppinautur okkar aflar sér
tekna af þessu tagi í stórum stíl
gætum við þurft að neyðast út í það
sama. Mér finnst það óhugnanleg
tilhugsun.“ trausti@dv.is
Strangar reglur Framkvæmdastjóri masterCard á Íslandi segir fyrirtækið hafa
strangari reglur varðandi viðskipti við klámkaupmenn. Fyrirtækið forðast alfarið slík
viðskipti af ótta við hörð viðurlög.
„Ég er undrandi á því að út-
gerðarmenn skuli byrja á því að
segja upp fólki áður en þeir nýta
sér önnur úrræði sem til staðar
eru,“ segir Kristján Gunnarsson,
formaður Starfsgreinasambands
Íslands, um uppsagnir í fisk-
vinnslufyrirtækjum í Þorlákshöfn
og á Eskifirði.
Kristján segir fiskvinnsluna
eiga möguleika á að sækja bætur
úr atvinnuleysistryggingasjóði
gegn því að hafa starfsólk áfram á
launaskrá. Hann segir menn hafa
velt því fyrir sér hvort hótanir um
frekari uppsagnir stafi af því að
nú séu kjarasamningar í nánd.
„Það væri ekki í fyrsta skipti sem
því bragði er beitt.“
Bætur fyrir
fiskvinnslu
„Margir þeirra sem sagt var
upp á Eskifirði eiga kost á að
ganga í önnur störf. Öðruvísi
horfir við á Breiðdalsvík þar
sem ekki er mikla vinnu að
hafa,“ segir Hjördís Þóra
Sigurþórsdóttir, formaður AFLs –
starfsgreinafélags á Austurlandi.
Átta manns var sagt upp hjá
fiskvinnslunni Fossvík á Breið-
dalsvík nú fyrir mánaðamót-
in. „Þar var þegar búið að segja
nokkrum starfsmönnum upp,“
segir hún. Starfsmenn AFLs hafa
að undanförnu fundað með
starfsfólki Eskju og Fossvíkur til
þess að útskýra réttindi þeirra.
Lítil vinna á
Breiðdalsvík
„Þessi skjár er hluti af
fræðsluefni sem verður þarna
í anddyrinu,“ segir Eiríkur
Hjálmarsson, upplýsingafull-
trúi Orkuveitunnar. Orkuveitan
festi nýlega kaup á 103 tommu
risasjónvarpi sem verður ætlað
að prýða anddyrið í Hellisheið-
arvirkjun. Sjónvarpið er ekki af
ódýrari gerðinni en fullt verð fyr-
ir tækið út úr verslun er um átta
milljónir króna. Eiríkur Hjálm-
arsson segir að Orkuveitan hafi
hins vegar greitt 5,7 milljónir
króna og innifalið í því verði var
uppsetningin á tækinu.
Keypti sjónvarp
á 5,7 milljónir
14 ára á afabíl
Fjórtán ára ökumaður var
stöðvaður af lögreglunni á
höfuðborgarsvæðinu í fyrri-
nótt. Stráksi gaf lögreglunni
þá skýringu að þetta væri bíll
afa hans og hann hefði langað
að bregða sér á rúntinn.
Fjórir ökumenn voru
stöðvaðir af lögreglunni á höf-
uðborgarsvæðinu í fyrradag
og fyrrinótt fyrir að aka undir
áhrifum fíkniefna. Tveir þeirra
voru stöðvaðir í Reykjavík og
einn í Kópavogi. Þá voru sex
aðrir ökumenn stöðvaðir en
þeir höfðu ýmist aldrei öðlast
ökuréttindi eða verið sviptir
þeim áður og var sá fjórtán
ára í þeim hópi.
Sendinefnd borgarstarfsmanna og stjórnmálamanna er á leið til Barcelona til að
kynna sér vatnsleikjaskemmtigarða. Markmiðið er að skoða ýmsar hugmyndir og
vera í kjölfarið sem best undirbúin fyrir útboð vegna fyrirhugaðra framkvæmda
vatnaparadísar í Úlfarsársdal. Ferðin er skipulögð af ÍTR en Ómar Einarsson,
framkvæmdastjóri ÍTR, þrætti hins vegar fyrir að vita nokkuð um hana.
Hópur borgarstarfsmanna og stjórn-
málamanna, tugur einstaklinga, er á
leið út til Spánar í lok mánaðarins til
að kynna sér þarlenda vatnsleikja-
skemmtigarða og sækja ráðstefnu
þess efnis. Hópurinn samanstendur
einkum af stjórnarfulltrúum Íþrótta-
og tómstundaráðs Reykjavíkurborg-
ar, ÍTR, og lykilstarfsmönnum þess.
Hugmyndir um vatnaparad-
ís í Úlfarsársdal falla undir fram-
kvæmdaráð Reykjavíkurborgar og
ÍTR. Þrjú íslensk fyrirtæki, Klasi,
Nýsir og Smáratorg, keppa um fram-
kvæmd og rekstur nýs vatnsleikja-
skemmtigarðs í Úlfarsársdal. Í hin-
um nýja garði eru hugmyndir uppi
um nokkrar sundlaugar og leiktæki
fyrir gesti ásamt vatnsrennibrautum
og öldusundlaug. Vonir standa til
um að garðurinn geti verið tilbúinn
innan tveggja ára.
Til að kynna sér fyrirmyndir
slíkra skemmtigarða og vera betur
undirbúin undir útboð verkefnisins
var ákveðið að senda hópinn út til
Barcelona.
Ráðstefna og heimsóknir
Stefán Jóhann Stefánsson, fulltrúi
Samfylkingarinnar í framkvæmda-
ráði, staðfestir fyrirhugaða ferð til
Spánar. Að svo stöddu veit hann
ekki endanlega hverjir mynda sendi-
nefndina. „Við erum að fara á ráð-
stefnu í Barcelona þar sem kynntir
verða möguleikar í svona görðum.
Það verður síðan eitthvað um það að
við heimsækjum slíka garða. Ég veit
ekki alveg hvernig hópurinn er sam-
ansettur en það verða án efa fulltrú-
ar úr ráðinu og starfsmenn ÍTR,“ seg-
ir Stefán Jóhann.
Ómar Einarsson,
framkvæmdastjóri ÍTR, vildi aftur
á móti ekki kannast við að ferðin
væri fyrirhuguð er blaðamaður
leitaði svara hjá honum. Hann
bendir á að ekki hafi verið teiknað
eitt einasta strik á blað fram til
þessa um vatnsleikjagarð hér á
landi. „Það liggur ekkert fyrir um
það af hvaða stærðargráðu vatna-
paradísin verður og engar teikningar
liggja fyrir. Hugmyndasamkeppni
er framundan. Ég hef ekki heyrt af
neinni ferð út til að skoða fyrirmyndir
og ég veit ekki hverjir ættu að gera
það,“ segir Ómar.
Glæsilegur garður
Björn Ingi Hrafnsson, formaður
ÍTR, staðfestir þvert á móti að ferðin
sé fyrirhuguð. Hann segir markmið
ferðarinnar vera að kynna sér vatns-
leikjagarða. „Öll ráð borgarinnar
fara einu sinni á kjörtímabili í kynn-
isferðir til útlanda og þetta er okkar
ferð. ÍTR er það eina sem átti eftir að
fara og Barcelona varð fyrir valinu
vegna ráðstefnunnar um ýmiss kon-
ar íþróttamannvirki, meðal annars
vatnsleikjatæki og sundlaugar,“ segir
Björn Ingi.
„Við heimsækjum einnig
vatnsskemmtigarða í nágrenninu
því eitt stærsta verklega verkefnið,
sem framundan er, er þessi garður.
Þetta er bæði til gagns og gamans
og markmið ferðarinnar er
alveg skýrt. Það fara allir sem
eru í ráðinu, bæði fulltrúar
minnihluta og meirihluta, og
lykilstarfsmenn. Um þetta
gilda ákveðnar reglur
og stefnan er sú að öll fagráðin fara í
slíka kynnisferð til að kynna sér það
nýjasta sem er í gangi á viðkomandi
málasviði.“
TRauSTi hafSTEinSSon
blaðamaður skrifar: trausti@dv.is
Borgin Látin Borga
„Öll ráð borgarinnar fara einu sinni á kjörtímabili
í kynnisferðir til útlanda og þetta er okkar ferð.“
Björn ingi hrafnsson Stjórnar-
formaður Ítr lofar glæsilegri
vatnaparadís í Úlfarsárdalnum.
Hann vonast til þess að garðurinn
verði tilbúinn innan tveggja ára.
Í erlendri vatnaparadís Stjórnmálamenn
og lykilstarfsmenn Íþrótta- og tómstunda-
ráðs fara í vatnsleikjagarða og á ráðstefnu á
Spáni til að undirbúa sig fyrir skipulags-
vinnu við vatnaparadís í Úlfarsárdal.