Dagblaðið Vísir - DV - 03.10.2007, Qupperneq 10

miðvikudagur 3. október 200710 Fréttir DV
OilQuick hraðtengi
Sími 520 3100 Smiðjuvegur 50 datek@datek.is
Tengja vökvalagnir um leið og tengið læsist
„Ég held að þetta sé byggt á mis-
skilningi. Ef þeim hefur farið eitt-
hvað á milli í persónulegum sam-
skiptum er mér ekki kunnugt um
það,“ segir Guðjón Arnar Kristjáns-
son, formaður Frjálslynda flokksins,
um orðaskipti milli Sigurjóns Þórð-
arsonar, fyrrverandi þingmanns,
og Kristins H. Gunnarssonar, þing-
manns frjálslyndra.
Í DV í gær sagði Sigurjón að
Kristinn hefði unnið gegn sér frá því
hann gekk til liðs við flokkinn, en í
janúar yfirgaf Kristinn Framsókn-
arflokkinn og tók saman við frjáls-
lynda. Sigurjón sagðist vonast til
þess að Kristinn myndi endurskoða
hug sinn. Hann sagði Kristin í sand-
kassaleik og vonar að honum ljúki
sem fyrst. Sigurjón ætlar þó ekki að
láta deigan síga og vill berjast áfram
gegn kvótakerfinu sem óbreyttur
meðlimur Frjálslynda flokksins en
í gær sagðist hann ekki ætla að láta
Kristin koma sér úr flokknum. Sig-
urjón tók nýlega við störfum sem
framkvæmdastjóri Heilbrigðiseftir-
lits Norðurlands vestra en hann lét
af þingmennsku í vor.
Guðjón Arnar segist ekki vita til
þess að Kristinn hafi unnið gegn Sig-
urjóni á nokkurn hátt. „Ef Sigurjón
er á öðru máli er það hans tilfinning
og ég get ekki tjáð mig um það,“ segir
Guðjón og vill sem minnst segja um
málið.
Kristinn sagði í samtali við DV
í gær að hann kannaðist ekki við
ósætti innan flokksins og enn síður
að hann eigi eitthvað sökótt við Sig-
urjón. erla@dv.is
Guðjón A. Kristjánsson kannast ekki ágreining frjálslyndra:
Misskilningur milli Sigurjóns og Kristins
Guðjón Arnar Kristjánsson
Formaður Frjálslynda flokksins
veit ekki til þess að kristinn hafi
unnið gegn Sigurjóni.
Geir H. Haarde forsætisráðherra boðar lækkun skatta og hækkun persónuafsláttar. Útboð á heilbrigðisþjón-
ustu tryggja að besta þjónustan bjóðist hverju sinni, að sögn Geirs. Framsóknarmenn hafa áhyggjur af
efnahagsstefnu ríkisstjórnarinnar. Vinstri grænir vilja að tekjuafgangi ríkissjóðs verði varið í velferðarmál
frekar en skattalækkanir.
GEIR BOÐAR SKATTALÆKKANIR
Hækkun persónuafsláttar er ein
þeirra leiða sem farnar verða til að
lækka skatta á kjörtímabilinu auk
þess sem skattkerfi og almanna-
tryggingar verða endurskoðaðar
með það markmið að bæta hag lág-
og millitekjufólks. Þetta sagði Geir
H. Haarde forsætisráðherra í stefnu-
ræðu sinni á Alþingi í gærkvöld.
Skattalækkanir falla þó ekki alls stað-
ar í góðan jarðveg og vilja þingmenn
Vinstrihreyfingarinnar – græns fram-
boðs að tekjuafgangi ríkissjóðs verði
frekar varið til uppbyggingar á vel-
ferðarsviði.
Veisluborð stjórnarinnar
Guðni Ágústsson, formað-
ur Framsóknarflokksins, lýsti yfir
áhyggjum sínum vegna stefnu rík-
isstjórnarinnar í efnahagsmálum og
þeirrar þenslu sem enn ríkir í sam-
félaginu. Hann sagði flokksmenn
sína óttast að stjórnin ætli ekkert að
gera til að stíga á bremsuna og benti
á að ljóst væri að hækkanir stýrivaxta
Seðlabankans dygðu ekki til. Guðni
benti þó á að ríkisstjórnin hefði tekið
við góðu búi og sitji nú við heilmikið
veisluborð sem Framsóknarflokkur-
inn hafi tekið þátt í að hlaða. Því hafi
stjórnin meira svigrúm en ella til að
bregðast við þeim vanda er steðjar
að.
Bandarískt módel
Heilbrigðismálin virtust Geir hug-
leikin í stefnuræðunni og með út-
boðum og þjónustusamningum sér
ríkisstjórnin fram á að tryggja bestu
fáanlegu þjónustu fyrir það fjármagn
sem varið er til þeirra mála. Stein-
grímur J. Sigfússon hefur áhyggjur
og telur að hugmyndir sem þessar
feli í sér frekari áform heilbrigðisráð-
herra í átt að einkavæðingu þessar-
ar þjónustu sem á að vera öllum að-
gengileg, óháð stétt og stöðu. Guðna
sýndist Íslendingar fjarlægjast nor-
ræna módelið í heilbrigðismálum og
nálgast hið ameríska óðfluga. Skuld-
inni vildi hann skella á einkavæðing-
arhugleið–ingar Sjálfstæðisflokks.
Forsætisráðherra taldi einnig til
aðgerðir til að opna íslenskan lyfja-
markað í þeim tilgangi að efla sam-
keppni og ná fram auknu framboði
samhliða lægra lyfjaverði..
Lögverndaður kennari
Geir sagði menntamálaráðherra
ætla að leggja fram frumvarp til
lögverndunar á starfsheitum kennara
og skólastjórnenda. Einnig verða
í fyrsta skipti lögð fram frumvörp
sem taka samtímis til leikskóla,
grunnskóla og framhaldsskóla, og
verður þannig mótuð heildstæð
menntastefna.
Forsætisráðherra gerði mótvæg-
isaðgerðir vegna niðurskurðar afla-
heimilda að umræðuefni og sagði
hann stjórnarflokkana sannarlega
ekki hafa setið auðum höndum í
sumar. Tímasetningu niðurskurðar-
ins telur hann ákaflega góða þar sem
aflasamdrátturinn hafi nú tiltölulega
lítil áhrif á hagkerfið í heild þó veru-
legt tekjutap í mörgum sjávarbyggð-
um sé óhjákvæmilegt.
Rænd lífsviðurværinu
Guðjón Arnar gaf lítið fyrir mótvæg-
isaðgerðirnar og sagði ekkert í þeim
sem myndi ná að hífa upp þá veiku
stöðu sem nú sé komin upp í sjávar-
sveitum. Hann benti á að kvótakerfið
hefði ekki náð neinu af þeim mark-
miðum sem lagt hefði verið upp með
og að aldrei yrði sátt um að ræna fólk
á landsbyggðinni lífsviðurværinu.
Guðna Ágústssyni fannst sömuleiðis
lítið til aðgerðanna koma en nýverið
kynnti Framsóknarflokkurinn sínar
eigin mótvægisaðgerðir. Hugmynd-
ir ríkisstjórnar finnst Guðna í besta
falli háðulegar.
Geir benti á að huga þyrfti að vax-
andi mikilvægi Íslands í utanríkis-
málum og að samfara aukinni sókn
í auðlindir á norðurslóðum yrði
umferð í lofti og á legi. Hann sagði
einnig að áhersla yrði lögð á að fá
viðunandi niðurstöðu í viðræður
um yfirráð á hinu eftirsótta Hatton-
Rockall-svæði.
Kolbrún Halldórsdóttir, þingmað-
ur vinstri grænna, ítrekaði að huga
þyrfti að auðlindum Íslands með
umhverfissjónarmið í huga. Þannig
yrðu landsmenn að horfa til framtíð-
ar þegar náttúran væri nýtt og ekki
gleyma okkur í gróðahyggju.
Í lok stefnuræðu sinnar sagðist
Geir binda vonir við samstarf tveggja
stærstu stjórnmálaflokka landsins og
að saman myndu þeir stýra þjóðar-
skútunni til bjartari framtíðar.
ERLA HLynsdóttiR
blaðamaður skrifar: erla@dv.is
Guðna sýndist Ís-
lendingar fjarlægj-
ast norræna módelið
í heilbrigðismálum og
nálgast hið ameríska
óðfluga. Skuldinni vildi
hann skella á einka-
væðingarhugleiðingar
Sjálfstæðisflokks.
Umræður um
stefnuræðuna
geir H. Haarde
forsætisráðherra
boðaði skattalækk-
anir og sagðist vilja
opna íslenskan
lyfjamarkað í því
skyni að lækka
lyfjaverð.