Dagblaðið Vísir - DV - 03.10.2007, Síða 32

„Við erum að fara af stað með
þó nokkurt átak til að sporna gegn
óskráðum erlendum starfsmönnum
og fyrirtækjum sem sinna málum
illa. Það gerum við með vinnustaða-
heimsóknum og eftirliti á næstunni,“
segir Gissur Pétursson, forstjóri
Vinnumálastofnunar. Stofnunin
óskar meðal annars eftir ábending-
um frá almenningi vakni grunur um
að vinnuveitendur brjóti lög.
Vinnumálastofnun hleypti í gær
af stokkunum sérstöku eftirlitsátaki
með fyrirtækjum vegna erlendra
starfsmanna í samvinnu við Alþýðu-
samband Íslands og félagsmála-
ráðuneytið. Fjórum tímabundn-
um starfsgildum hefur verið bætt
við og 1.600 fyrirtækjum hafa ver-
ið send bréf þar sem þau eru hvött
til að sinna lögbundinni skráning-
arskyldu. Í kjölfarið verða fyrirtæki
heimsótt og upplýsinga óskað um
fullnægjandi skráningar og launa-
greiðslur. Ef upplýsingar fást ekki
uppgefnar hefur Vinnumálastofnun
heimild til að beita dagsektum eða
tímabundinni stöðvun rekstrar. Þá
óskar stofnunin eftir því að almenn-
ingur sendi ábendingar um fyrir-
tæki sem hafa óskráða starfsmenn á
netfangið alltiljos@vmst.is.
Aðspurður segir Gissur megin-
markmiðið að gæta þess að starf-
semi fyrirtækja með erlenda starfs-
menn samræmist íslenskum lögum
og kjarasamningum. Jafnframt segir
hann mikilvægt að gefa út skilaboð
um að eftirlit laganna sé skilvirkt og
að ekki sé annað liðið en að lögin
séu virt.
„Við viljum koma skráningarmál-
um í rétt horf. Þetta er tveggja mán-
aða átak og að því loknu metum við
hversu vel þetta gekk og hvort við
teljum þörf á því að halda áfram. Að
sjálfsögðu vonast ég til að vel takist
til hjá okkur,“ segir Gissur.
trausti@dv.is
„Það er óþolandi að þessir hlutir skuli
ekki geta verið í lagi. Þetta er hluti af
því kerfi sem fólk þarf að geta treyst að
alltaf sé í lagi,“ segir Runólfur Ólafsson,
framkvæmdastjóri Félags íslenskra
bifreiðaeigenda. Hann segir það vera
hið alvarlegasta mál ef ekki er hægt að
tryggja það með viðeigandi eftirliti að
bensíndælur séu rétt stilltar.
Skoðunarmenn Neytendastofu
fóru vítt og breitt um landið í ágúst og
september og athuguðu löggilding-
ar á dælum og vogum hjá fyrirtækj-
um. Í ljós kom að liðlega fimmta hver
bensín- og olíudæla er án löggilding-
ar. Tæplega 40 prósent voga eru einn-
ig án löggildinga og hafa verið síðustu
þrjú ár.
Mikil vonbrigði
Guðmundur Árnason, sviðsstjóri
hjá Neytendastofu, segir þessar nið-
urstöður vera talsverð vonbrigði.
„Helst vildum við að öll mælitæki
væru löggild, en það er reyndar ekki
hægt að reikna með því,“ segir Guð-
mundur.
Hann segir nýleg lög um mælitæki
vera þannig úr garði gerð að ekki sé
hægt að beita menn sektum fyrir að
vera með mælitæki án löggildingar.
„Stjórnsýslulögin gefa mönnum færi
á að koma með athugasemdir og
leiðréttingar. Til dæmis getur komið
upp að mælitækið er ekki lengur í
notkun.“
Eigendur mælitækja eru sjálfir
ábyrgir fyrir því að mælitæki þeirra
fari í eftirlit og löggildingu. Neyt-
endastofa sér um eftirlit og fyritækið
Frumherji sér um sjálfa löggilding-
una.
Á að vera í lagi
„Okkur er það kappsmál að þessir
hlutir séu í lagi,“ segir Guðlaugur
Pálsson, verkefnastjóri hjá N1. Hann
segir að stundum beri svo við að
þegar starfsmenn á löggildingarbíl
komi að bensíndælu sem eigi skammt
eftir með að renna út á löggildingu sé
dælan látin eiga sig þangað til næsti
rúntur er tekinn.
„Það er einstaklega fátítt að dæla
skammti rangt og í rauninni er þetta
formsatriði og ætti ekki að valda neyt-
endum áhyggjum þótt vitanlega eigi
þessir hlutir að vera í lagi,“ segir Guð-
laugur.
Gamalt vandamál
Runólfi Ólafssyni hjá FÍB er spurn
hvernig á því geti staðið að dælur og
vogir sleppi í gegn um eftirlitskerfi
sem í eðli sínu eigi að vera óbrigðult.
„Mælitæki eru gamall vandi sem lengi
hefur blasað við í viðskiptum. Regl-
ur og eftirlit eru sett upp með það að
markmiði að ekki sé haft rangt við,“
segir Runólfur.
Bensín- og olíudælur voru athug-
aðar á áttatíu bensínstöðvum. Löggild-
ing var ekki í gildi á 53 dælum af 194,
eða á rúmlega fimmtungi. Í skýrslunni
er ekki að finna samanburð við fyrri ár
hvað varðar bensíndælur.
miðvikudagur 3. október 2007 n Dagblaðið vísir stofnað 1910
Fréttaskot
5 1 2 7 0 7 0
DV borgar 2.500 krónur fyrir fréttaskot sem leiðir til frétta.
Fyrir fréttaskot sem verður aðalfrétt á forsíðu greiðist 25.000 krónur.
Fyrir besta fréttaskot vikunnar greiðist allt að 50.000 krónur.
Alls eru greiddar 100.000 krónur fyrir besta fréttaskot hvers mánaðar.
Sáu Kínverjarnir rautt?
ÓÞOLANDI AÐ DÆLURNAR
SÉU EKKI ALVEG ÖRUGGAR
Fimmta hver bensíndæla er ekki með löggildingu og því óvíst hvort þær dæli rétt:
Vinnumálastofnun ræðst í átak vegna óskráðra starfsmanna:
Lýsa eftir þrjótunum
Enginn tekinn
af lífi
„Það verður enginn tekinn af lífi
í stjórnarkjöri eða svoleiðis,“ seg-
ir Kristján Gunnarsson, formaður
Starfsgreinasambands Íslands. Hann
setur þriggja daga þing sambandsins
klukkan fjögur í dag.
„Við munum ræða kjaramálin
bæði við atvinnurekendur og full-
trúa hins opinbera,“ segir Kristján.
Hann segir að kjaramál verði fyrst og
síðast rædd á þinginu, enda náslgist
nú tími samninga. Jóhanna Sigurð-
ardóttir félagsmálaráðherra flytur
erindi við þingsetninguna. Yfirskrift
þingsins er Leiðréttum misréttið.
Við dæluna Fimmta hver bensíndæla er
með úrelta löggildingu. „Óþolandi,“ segir
Runólfur Ólafsson hjá FÍB.
siGtryGGur ari jóhannsson
blaðamaður skrifar: sigtryggur@dv.is
Hæstiréttur hefur úrskurðað karl-
mann í gæsluvarðhald til fimmtu-
dags vegna fjölda brota dagana 26.
og 27. september. Maðurinn er með-
al annars grunaður um að hafa brot-
ist inn í Digranesskóla og stolið það-
an myndvarpa, ásamt því að brjótast
inn í nokkra bíla.
Glæpahrinan endaði í Smára-
lindinni með þjófnaði. Þegar örygg-
isvörður stöðvaði manninn brást
hann við með því að draga insúl-
ínsprautur úr vasanum og hóta að
drepa vörðinn með þeim. Lögreglu
var tilkynnt að maðurinn væri brjál-
aður.
Brjálaður í
gæsluvarðhald
Mótmæli Árni var handtekinn af
lögreglunni stuttu síðar og fluttur til síns
heima.
DV-MYND ÓSKAR PÁLL ELVARSSON
Handtekinn
fyrir mótmæli
49 ára gamall karlmaður, Árni
Jónasson, var handtekinn í Reykja-
vík um hádegisbilið í gær vegna
mótmæla við kínverska sendiráð-
ið. DV hafði fregnir af mótmælun-
um og þegar ljósmyndara og blaða-
mann bar að var Árni að hella yfir
sig rauðri málningu. Hann sagði við
blaðamann DV að hann hefði valið
útimálningu til að koma í veg fyrir
að honum yrði kalt. Hann sagði að
Kínverjar og Indverjar stæðu á bak
við atburðina í Mjanmar í síðustu
viku.
Mótmælin fóru friðsamlega
fram en hann var handtekinn vegna
brota á lögreglusamþykkt. Að sögn
varðstjóra hjá lögreglunni í Reykja-
vík ók lögreglan honum heim og
var honum boðin sektargerð fyrir
að ata gangstéttina út í málningu.
Ríkið greiði rúmar
130 milljónir
Héraðsdómur Reykjavík-
ur dæmdi í gær íslenska ríkið til
greiðslu ríflega 130 milljóna króna
til handa Tryggingamiðstöðinni.
Fyrirtækið stefndi ríkinu eftir sam-
starf beggja aðila við endurbætur
Þjóðminjasafnsins. Kostnaður við
framkvæmdina fór töluvert fram
úr áætlunum og útboðsgögnum.
Umframkostnaður lenti á Trygg-
ingingamiðstöðinni sem krafðist
endurgreiðslu á mismuninum.
Niðurstaða dómsins var sú að ríkið
greiði kröfu Tryggingamiðstöðvar-
innar að fullu auk málskostnaðar
og dráttarvaxta í tvö ár.
réttindi vernduð Markmið átaksins er
að vernda réttindi erlendra starfsmanna
hér á landi og tryggja að lög um
skráningar og kjarasamninga séu virt.
Slasaðist í árekstri
Ökumaður jeppa slasaðist
þegar rúta í akstri fyrir Strætó bs.
og jeppinn sem ökumaðurinn
keyrði skullu saman á gatnamótum
Fellsmúla og Grensásvegar um
sexleytið í gærkvöldi.
Farþegar voru um borð í rútunni
og sluppu þeir betur en ökumaður-
inn, án meiðsla. Rútan er nokkuð
skemmd og jeppinn er ónýtur.