Dagblaðið Vísir - DV - 03.10.2007, Side 27

Aðdáendur
ráða verðinu
Hljómsveitin Radiohead hefur
ákveðið að gefa sjálf út næstu
breiðskífu sína. Miklar vangaveltur
hafa verið uppi um hvaða plötufyrir-
tæki yrði fyrir valinu eftir að
samningur þeirra við EMI rann út.
Radiohead hefur aftur á móti gefið
það út að sveitin muni selja plötuna
sjálf á heimasíðu sinni og það sem
meira er að aðdáendur sveitarinnar
fá að ráða verðinu sjálfir. Platan heitir
In Rainbows og er sjöunda breiðskífa
sveitarinnar en ágóði af sölu hennar
rennur óskiptur og milliliðalaust til
Radiohead.
Meðlimir Baggalúts halda til Skotlands um miðjan október til að spila á árlegri sveppahátíð:
BAGGALÚTUR HEIÐRAR SKOSKA SVEPPI
Hljómsveitin Baggalútur ætlar að
skella sér til Aberfoyle í Skotlandi að
kynna íslenska tónlist á meðan aðr-
ar hljómsveitir keppast við að kynna
sig á Iceland Airwaves-hátíðinni í
Reykjavík helgina 17. til 21. októb-
er. „Við erum að fara að spila á stór-
merkilegri sveppahátíð sem er haldin
einu sinni á ári þarna í Aberfoyle en
á þessari hátíð er sveppurinn í háveg-
um hafður,“ segir Guðmundur Páls-
son, einn meðlima Baggalúts.
„Það er eitthvert íslenskt þema
á hátíðinni í ár og við fengum bara
tölvupóst þar sem leitast var eftir því
að við kæmum út að skemmta skosk-
um sveppaunnendum. Við slógum að
sjálfsögðu bara til enda stórskemmti-
leg hátíð. Ég veit ekki hvort við verð-
um með eitthvert sveppaþema í tón-
listinni en við ætlum að syngja allt á
íslensku,“ segir Guðmundur og bætir
því við að íslenskan hafi reynst þeim
vel hingað til. „Við vorum að spila í
bæði Rússlandi og Þýskalandi um
daginn og sungum bara allt á ís-
lenskunni. Áhorfendurnir hafa bara
tekið mjög vel í það og fagnað og
hlegið og allt á réttu stöðunum.“
Sveppahátíðin stendur yfir í
nokkra daga og mun Baggalútur
koma til með að spila alla dagana
og jafnvel nokkrum sinnum á dag.
„Það verður heljarinnar dagskrá hjá
okkur. Annars eigum við nú líka eft-
ir að nýta okkur tækifærið að vera í
Skotlandi og skoða þarna einhverja
kastala og sveppasöfn. Þetta verður
stórkskemmtileg ferð enda er svepp-
urinn mjög merkilegt fyrirbæri,“ segir
Guðmundur sveppavinur að lokum.
krista@dv.is
„Maður er nú alveg óvarinn gegn
þessu,“ segir leikstjórinn Björn Brynj-
úlfur Björnsson um ókeypis niðurhal
á mynd hans Kaldri slóð á íslensku
vefsíðunni torrent.is. „Það er mjög
erfitt að eiga við þetta en svona gerist
í kjölfar þess að myndin er að koma
út á leigum og til sölu á DVD,“ og
segir Björn að þá taki einhverjir ein-
staklingar sig til og afriti myndina og
deili henni frítt með öðrum þótt það
sé skýrt brot á lögum.
Lögin eru skýr
„Þetta er ekkert séríslenskt
vandamál og þetta er að gerast um
allan heim,“ en Björn segir að lög-
in séu engu að síður mjög skýr hvað
þessa hluti varðar. „Löggjöfin varð-
andi þetta er mjög skýr. Hugverk
eins og kvikmyndir eru alveg vernd-
uð af höfundarréttarlögum en vand-
inn liggur svo sem ekki þar. Vand-
inn liggur meira í netinu sem slíku,“
og segir Björn þetta í raun vera fylgi-
fisk netsins. „Þarna er í raun einhver
nafnlaus aðili að deila einhverju á
netinu og það er erfitt að stoppa það.
Ef ein svona síða er tekin niður eða
einn aðili stöðvaður sprettur bara
upp önnur.“
Björn segir það horfa öðruvísi við
ef til dæmis um fjölföldun á mynd-
diskum væri að ræða. „Þá væri hægt
að gera mynddiskana upptæka og
eyðileggja þá en þetta er meira eins
og að berjast við ósýnilegan óvin.“
Lítur á vinsældirnar sem hrós
Í gær hafði Kaldri slóð, sem er í
tveimur eintökum inni á torrent.is,
verið niðurhalað af síðunni í rétt tæp-
lega 2.500 eintökum og mun sú tala
væntanlega vaxa á næstu dögum og
mánuðum. „Þarna er auðvitað ein-
hver að gefa eitthvað sem við erum
að reyna að selja og taka þannig pen-
ing af okkur. En það þýðir lítið að fara
í fýlu yfir þessu og ég lít á þessar vin-
sældir sem hrós. Það er bara jákvætt
að myndin sé svona eftirsótt,“ segir
Björn jákvæður um málið. „Ég vona
bara að fólk sjái hana og finnist hún
það góð að það kaupi DVD-diskinn
til að fá aukaefnið og til að eiga hana
í meiri gæðum,“ en Björn segist þó til
dæmis skilja fátæka námsmenn sem
nái í myndina frekar á síðu eins og
torrent.is heldur en að fara út á leigu.
„Svona er bara heimurinn sem við lif-
um í í dag. Maður breytir honum ekki
með handafli,“ segir Björn að lokum.
Björn hefur þegar snúið sér að sínu
næsta verkefni en hann mun leikstýra
þáttunum Mannaveiðum sem sýndir
verða í Sjónvarpinu á næsta ári. Þætt-
irnir eru byggðir á bók Viktors Arnars
Ingólfssonar, Aftureldingu, sem fjall-
ar um rannsókn lögreglu á morði á
gæsaskyttu. Með aðalhlutverk í þátt-
unum fara Gísli Örn Garðarsson og
Ólafur Darri Ólafsson en einnig mun
leikurum eins og Hilmi Snæ Guðna-
syni, Maríu Ellingsen, Þresti Leó
Gunnarssyni, Höllu Vilhjálmsdóttur
og Þórunni Lárusdóttur bregða fyrir.
asgeir@dv.is
Bílabíó
í kvöld!
Í kvöld fer fram bílabíó á vegum
Alþjóðlegu kvikmyndahátíðarinnar, í
flugskýli 885 á varnarsvæðinu við
Keflavíkurflugvöll. Myndin sem
verður sýnd er engin önnur en ein
klassískasta unglingamynd allra
tíma, American Graffiti eftir George
Lucas. Með því að halda bíóið í
flugskýli er nær gulltryggt að
sýningin geti farið fram þrátt fyrir
vonskuveður og rigningu. Aðgangs-
eyrir á bílabíóið er í lágmarki,
einungis 1.000 krónur á bíl, og fer
miðasala fram á midi.is og í
upplýsingamiðstöð hátíðarinnar á
Hressó.
Vill ekki verða
ofurkona
Leikkonan Jessica Biel hafnaði
hlutverki sem Wonder Woman í
kvikmyndinni Justice League Of
America. Myndin er í leikstjórn
George Miller og á að fjalla um
elítuteymi ofurhetjanna en þeirra á
meðal verða Batman, Wonder
Woman, Superman, Aquaman og
The Flash. Biel hafnaði hins vegar
hlutverkinu sem henni var boðið í
síðustu viku og fylgdi þannig í fótspor
Kate Beckinsale sem skömmu áður
hafði hafnað hlutverki í myndinni.
miðvikudagur 3. október 2007DV Bíó 27
Baggalútur Syngur á
íslensku fyrir Skotana.
Kvikmyndinni Kaldri slóð eftir Björn Brynjúlf Björnsson er niðurhalað
endurgjaldslaust í þúsundatali á vefsíðunni torrent.is. Björn segir lítið
við því að gera og lítur á vinsældir myndarinnar sem hrós.
KALDRI SLÓÐ
STOLIÐ Í ÞÚSUNDATALI
Björn Brynjúlfur Björnsson, leikstjóri Kaldrar slóðar Segist líta á eftirsóknina eftir myndinni sem hrós.
Köld slóð um 2.500 manns
hafa náð í myndina í
gegnum torrent.is.