Fréttatíminn - 14.02.2014, Blaðsíða 62

Síðustu sýningar!
„Ólafur Darri sýnir margar
hliðar Hamlets af snilld”
Sigurður G. Valgeirsson, - mbl.
Miðasala | 568 8000 | borgarleikhus.is
F jölmenning er Erlu Bolladóttur hugleikin. Hún ólst upp í New York til sjö ára aldurs og hefur einnig
verið innflytjandi um árabil í Banda-
ríkjunum og Suður-Afríku. Erla hefur á
síðustu árum starfað fyrir Alþjóðahús og
Alþjóðasetur en ætlar nú að sinna fjöl-
menningarverkefnum og þróun námsefn-
is og kennsluaðferða í íslensku hjá Mími.
„Ég get bara sagt það beint frá hjart-
anu að það hefur ekkert nema jákvætt
komið út úr allri umgengni minni við inn-
flytjendur og það besta er að maður lærir
svo margt af þeim,“ segir Erla sem hefur
helst kynnst innflytjendum sem eru að
læra íslensku eða leita sér aðstoðar í sam-
skiptum sínum við kerfið. „Sá frumskóg-
ur getur verið svolítið vandrataður fyrir
þá sem þekkja ekki til.“
Erla segir ákveðið óöryggi alltaf ein-
kenna stöðu innflytjenda og að hún upp-
lifi það sem forréttindi að fá að vera í
þeirri stöðu að geta veitt þeim stuðning.
„Ég þekki þessa stöðu svo vel af því að
ég hef verið innflytjandi sjálf og jafn-
vel í viðkvæmri stöðu sem slík. Þegar
maður er innflytjandi er maður ekki einn
af hópnum og þá hefur maður einhvern
veginn minni rödd.
Ég þekki þetta sjálf svo vel, ekki bara
sem innflytjandi heldur líks sem „pers-
ona non grata“ í íslensku samfélagi. Ég
veit því vel hvernig það er að upplifa for-
dóma og höfnun af hálfu Íslendinga og
það er gjarnan í gegnum þessa reynslu
sem traustið milli mín og innflytjendanna
myndast.“
Erla segir að í raun hafi áhugi hennar
á málefnum innflytjenda hafa kviknað
strax í æsku. „Það gerðist þegar ég var
sjö ára og flutti til Íslands frá Banda-
ríkjunum með fjölskyldu minni. Þá
talaði ég ekki íslensku en var fljót að
læra tungumálið eins og börn á þessum
aldri. Enskukunnátta Íslendinga var
ekki jafn almenn í þá daga og núna og
ég hafði alltaf jafn mikla ánægju af því
að stökkva inn í og túlka þannig að ég
kannast vel við túlkahlutverkið og ég
hef alltaf verið útlendingur í mér að ein-
hverju leyti.“
Erla segir Íslendinga almennt taka
innflytjendum vel og að kynþáttahatur
fyrirfinnist ekki hérna, enda engin for-
senda fyrir slíku í sögu landsins.“ Hins
vegar eigi sumir og þá helst eldra fólk
erfitt með að meðtaka að það búi í fjöl-
menningarsamfélagi. „Ég skil það vel að
þau verði svolítið skelkuð. Síðan er líka
svolítið stutt í eigingirni Íslendingsins
vegna þess að við höfum alltaf átt þetta
allt ein. En í heildina eru Íslendingar
ofsalega yndislegt fólk að koma og hitta.
Langflestir innflytjendur sem ég hef hitt
hafa átt góða reynslu en margir auðvi-
tað orðið fyrir skringilegum viðbrögðum
inni á milli.“
Þórarinn Þórarinsson
toti@frettatiminn.is
Veit hvernig er að vera
„persona non grata“
Erla Bolladóttir hefur undanfarin ár verið á kafi í fjölmenningarsam-
félagslegum pælingum og starfað hjá Alþjóðahúsi og Alþjóðasetri. Hún
hefur nú gengið til liðs við Mími-símenntun þar sem hún mun sinna
verkefnum tengdnum fjölmenningu íslensks samfélags og þróun náms-
efnis. Áhugi Erlu á málaflokknum er brennandi en hún hefur bæði verið
innflytjandi í öðrum löndum og mætt fordómum á Íslandi.
 Erla Bolladóttir Sinnir FjölmEnningu hjá mími
Ég veit
því vel
hvernig
það er að
upplifa
fordóma
og höfnun
af hálfu
Íslend-
inga.
Málefni innflytjenda hafa verið
Erlu Bolladóttur hugleikin frá
því hún flutti til Íslands sjö ára
gömul. Eigin reynslu og þekk-
ingu nýtir hún nú til þess að
aðstoða innflytjendur á vegum
Mímis-símenntunar. Mynd/Hari.
Á laugardagskvöld fæst úr því
skorið hvaða lag verður framlag
Íslands í Eurovision í maí. Úr-
slitakeppni Söngvakeppninnar
verður sjón- og útvarpað beint
frá Háskólabíói í Sjónvarpinu, á
Rás 2 og ruv.is.
Sex lög koma til greina og
sama fyrirkomulag verður á
keppninni og tekið var upp í
fyrra við góðar undirtektir að
sögn Heru Ólafsdóttur, fram-
kvæmdastjóra keppninnar.
Dómnefnd hefur helmings
atkvæðavægi á móti síma-
kosningu. Þegar stigin hafa
verið talin heyja tvö stigahæstu
lögin einvígi og keppa um hvort
þeirra verður framlag Íslands
í Eurovision 2014. Þá sleppir
dómnefndin takinu og loka-
niðurstaðan verður alfarið í
höndum áhorfenda sem kveða
upp sinn dóm í hreinni síma-
kosningu.
Sú nýbreytni verður nú höfð
á að lögin tvö sem etja kappi í
lokin verða flutt í þeirri útgáfu
og á því tungumáli sem stefnt er
á að senda til Danmerkur. Hera
segir þetta tilkomið svo áhorf-
endur geti áttað sig á því hvaða
texti og útgáfa fari í Eurovison.
Ragnhildur Steinunn Jóns-
dóttir og Guðrún Dís Emils-
dóttir eru kynnar kvöldsins en
þeim til halds og trausts verða
hraðfréttamennirnir Benedikt
Valsson og Fannar Sveinsson.
Þegar er uppselt á lokaæf-
inguna og úrslitakvöldið í Há-
skólabíói.
Svellköld með
Sigmundi Davíð
Sú smekkvísa blaðakona Marta María
Jónasdóttir, sem ríkjum ræður á Smart-
landi á mbl.is, sást á gangi umhverfis
Reykjavíkurtjörn ásamt Sigmundi
Davíð Gunnlaugssyni forsætisráðherra.
Í humátt fylgdi eftir Jóhannes Þór
Skúlason, aðstoðarmaður Sigmundar.
Athygli vakti að tískudrottningin
lét sig ekki muna um að skauta yfir
hálkublettina í 15 sentimetra háhælaskóm án þess að þurfa að reiða sig á stuðning
ráðherrans. Hermt er að Marta María hafi verið að taka viðtal við Sigmund Davíð
um heilsurækt og því bauð hún forsætisráðherra ekki upp á ís. Enda bæði í átaki.
Buslað í ljósadýrð
Vetrarhátíð í Reykjavík lýkur á laugardags-
kvöld með hinni rómuðu Sundlauganótt.
Hressileg dagskrá verður í Álftaneslaug,
Lágafellslaug, Árbæjarlaug, Breiðholtslaug,
Grafarvogslaug, Laugardagslaug, Sundhöll
Reykjavíkur og Ylströndinni þar sem ljós,
myrkur og gleði verða allsráðandi. Íbúar og
gestir borgarinnar á öllum aldri geta notið
dagskrárinnar frá átta til miðnættis sér að
kostnaðarlausu. Meðal viðburða er öldud-
iskó í Álftaneslaug, Zumba í Lágafellslaug,
skvettuleikar í Grafarvogslaug, tónleikar í
Laugardagslaug og slökun á Ylströndinni en
gestir eru hvattir til njóta og taka þátt með
því að dansa, syngja eða slaka á og njóta
stundarinnar.
Óstöðug drulla í Hörpu
Tónlistarmaðurinn Bjarki Sigurðarson, sem
kallar sig Kid Mistik, hefur spilað tekknó-
tónlist víða um lönd frá 2009. Hann býr í
Amsterdam og hefur farið víða um Evrópu
með sína eigin tæknitónlist. Hann treður
upp á Sónar í Hörpu á miðnætti á föstudag
þar sem hann ætlar að bjóða upp á sultu
úr afskræmdum bassatrommum sem
breiðast út eins og „óstöðug drulla“, eins
og hann orðar það sjálfur. Í þessum mán-
uði stofnar hann sitt eigið útgáfufyrirtæki,
Do not sleep Records, þar sem hann gefa
út eigin tónlist og annara. Á fyrstu plötunni
er hann sjálfur ásamt Arnviði Snorrasyni,
betur þekktum sem Exos, ásamt Dj Rush.
Platan kemur út á mánudag
 SöngvakEppnin ÚrSlit á laugardaginn
Sungið til úrslita á ensku
Öllu verður tjaldað til í Háskólabíói á laugardagskvöld þegar það ræðst hverjir keppa
fyrir Íslands hönd í Eurovision.
62 dægurmál Helgin 14.-16. febrúar 2014