Fréttatíminn - 24.01.2014, Blaðsíða 20
20 viðtal Helgin 24.-26. janúar 2014
Skeifunni 11 | Sími 515 1100 www.rekstrarland.is
Hafið samband við sölumenn Rekstrarlands og leitið tilboða.
Rekstrarland er byggt á fyrrum rekstrarvörudeild Olís
og er dótturfyrirtæki Olíuverzlunar Íslands hf.
Samsettir fjáröflunarpakkar eða sérsniðnir eftir óskum hópsins
Öflug fjáröflun
fyrir hópinn
PI
PA
R\
TB
W
A
•
S
ÍA
•
1
3
2
5
0
3
Sigurður Jakobsson frá Fellabæ er
19 ára nemi við Menntaskólann á
Egilsstöðum.
Lifði á skyndibitum
„Ég hafði gaman að því að sjá mig í þættinum
og skemmtilegast að sjá hvað ég hef breyst
mikið. Í þessum þætti sást líka þegar Gurrí
þjálfari er að skjóta á mig og segja að það
séu sextugar konur að æfa hjá henni sem
geta meira en ég sem ég mótmæli auðvitað.
Ég þyngdist jafnt og þétt alla mína grunn-
skólagöngu en sumarið 2012 þyngdist ég
síðan um 20 kíló. Ég vann mjög mikið, á N1
og sem næturvörður á hóteli, og lifði bara á
skyndibitum. Hefðbundin máltíð var kannski
12 tommu pítsa eða tvöfaldur hamborgari.
Ég hafði engar áhyggjur af þyngdinni þegar
ég var 120 kíló. Ég rokkaði á milli 120 og 125 kílóa í
þrjú ár og hélt að ég myndi bara vera í þeirri þyngd
og hafði ekki miklar áhyggjur. Þegar ég var orðinn
140 kíló missti ég allt þol og allar athafnir fóru að
verða erfiðari. Eftir á sé ég að ég var í afneitun og
hreinlega nennti ekki að taka mig á. Ég varð aldrei
fyrir neinum fordómum vegna þyngdarinnar heldur var
það frekar þannig að fólk vildi hjálpa mér og sýna mér
stuðning.“
Jónas Pálmar Björnsson er 27 ára
kjötiðnaðarmaður frá Hvolsvelli.
Aldrei verið fínt klæddur
„Það var mjög sérstakt að sjá sjálfan sig þarna. Ég
var hálf hissa á því hvernig ég var. Ég vissi að
ég var orðinn stór og illa á mig kominn en
að horfa á þetta var eins og að fá spark í
sjálfan sig.
Ég byrjaði að þyngjast í kringum
bílprófs aldurinn. Ég hætti að reykja
fljótlega eftir það, varð þunglyndur og
þetta bara vatt upp á sig. Ég borðaði í
tíma og ótíma og áður en ég vissi af var
ég orðinn hrikalega þungur. Ég fékk
mér til dæmis bara kók og súkkulaði ef
mér leiddist. Eftir að ég eignaðist eldri
dóttur mína ákvað ég að taka mig á. Ég
fór þá á Herbalife og léttist um rúm 20
kíló en síðan slasaðist ég, datt alveg niður
og fékk allt til baka, og meira til, á um ári.
Þetta var hrikalegt.
Ég hef ekki fundið fyrir fordómum sem ég hef
tekið inn á mig. En það versta sem ég vissi
var að reyna að finna mér föt. Það var sama
hvað mér leist á, það var aldrei til í minni stærð
og öll föt sem ég fékk voru ljót á mér. Ég gat
aldrei verið fínt klæddur og mér fannst ég aldrei
geta farið neitt.
Allt nema rósakál
„Ég er mjög stolt af sjálfri mér og ánægð
að hafa tekið þetta skref, að hafa þorað
þetta. Ég er jú að opinbera sjálfa mig
algjörlega, segja frá mínum veik-
leikum. Ég er svo þakklát fyrir að hafa
fengið tækifæri til að vera með í þessu
ferli, þetta var einstök lífsreynsla.
Ég hef alltaf verið of þung en eftir
tvítugt þá hætti ég að hugsa um sjálfa
mig setti allt annað í fyrsta sæti. Ég
bætti stöðugt á mig og gerði lítið til
að stoppa þessa þyngdaraukningu.
Ég hef alltaf verið dugleg að borða og
borða allt nema rósakál.
Ég fann vissulega fyrir útlitsfordómum
vegna þyngdarinnar. Maður fær augngotur
héðan og þaðan, það er hlutur sem ég tek
mjög nærri mér.“
Eyþór Árni Úlfarsson
er 34 ára öryrki og býr
í Reykjanesbæ.
Áreittur á
skemmtistöðum
„Ég hafði í raun gaman af því að
sjá mig í þættinum þó það væri líka
svolítið skrýtið.
Ég var búinn að vera svona þungur
lengi, líklega í fimm eða sex ár. Ég
varð móður þegar ég labbaði upp
þrjár tröppur og ég varð móður af
því að klæða mig í skó. Líklega hafði
það einna mest áhrif á mig þegar ég
flutti til Keflavíkur þegar ég var 8 ára og átti
erfitt með að aðlagast samfélaginu. Þarna voru miklir
töffarar en ég lítill í mér, með krullað hér og gleraugu.
Mjög fljótt var ég tekinn fyrir og strítt. Ég byrjaði að
bæta á mig og datt yfir 100 kílóin þegar ég var um 15
eða 16 ára gamall. Ég hafði lengi verið í afneitun en
síðan fór ég að hafa áhyggjur af hjartanu og sá hreinlega
fyrir mér að einhvern daginn myndi ég hreinlega ekki vakna.
Ég sá þáttinn sem tækifæri til að snúa blaðinu við.
Ég fann mest fyrir fordómum á skemmtistöðum. Ég gat
ekki farið á pöbbinn með vinum mínum án þess að hitta
vaxtarræktargæja sem fóru að pota í mig og segjast ætla að
taka mig í gegn, án þess að ég væri að óska eftir því. Ég fann
fyrir því að fólk starði á mig og ég fór ekki í sund í mörg ár.
Oft eru þetta litlir hlutir sem fólk gerir sér ekki grein fyrir en
hafa áhrif á mann.“
Ég byrjaði að bæta á
mig og datt yfir 100
kílóin þegar ég var
um 15 eða 16 ára
gamall.
Jóhanna Elísa
Engelhartsdóttir er 35
ára lífeindafræðingur
frá Mosfellsbæ.
143 kg
126 kg
140 kg
249 kg