Fréttatíminn - 24.01.2014, Blaðsíða 60

60 bíó Helgin 24.-26. janúar 2014
Í Sha-
dow
Recruit
er Ryan
kynntur
til leiks
sem
ungur
og upp-
rennandi
njósnari.
 Frumsýnd Jack ryan: shadow recruit
B andaríski rithöfundurinn Tom Clancy lést í fyrra langt fyrir aldur fram. Hann náði miklum vinsældum með
njósna- og stríðsbrölts bókum sínum sem
flestar snúast um einhvers konar eftirmál
kalda stríðsins. Clancy var ekki síst annál-
aður fyrir nákvæmar, ef ekki beinlínis smá-
smugulegar, tæknilegar lýsingar á ýmsum
stríðstólum og njósnatækjum.
CIA-sérfræðingurinn Jack Ryan er lang
þekktasta sögupersóna Clancys og hann
hefur átt góðu gengi að fagna í kvikmyndum.
Fyrsta bók Clancys um Ryan, The Hunt for
Red October, kom út árið 1990 en var kvik-
mynduð 1990. Þar lék Alec Baldwin njósnar-
ann sem reynir að hafa uppi á rússneskum
kjarnorkukafbáti. Sean Connery fór með
hlutverk skipherrans um borð í bátnum en sá
óhlýðnaðist yfirvöldum í Sovétríkjunum og
gerðist liðhlaupi.
Baldwin sagði skilið við Ryan eftir kafbáta-
hasarinn og Harrison Ford tók við keflinu og
lék Ryan í tvígang, í Patriot Games 1992 og
Clear and Present Danger 1994. Eftir Clear
and Present Danger tók við átta ára hlé þar
til trommað var upp með Ben Affleck í hlut-
verki Ryans í þeirri frekar slöppu mynd The
Sum of All Fears 2002. Og síðan þá hefur
ekkert til Ryans spurst þar til nú þegar Chris
Pine birtist í hlutverkinu í Jack Ryan: Shadow
Recruit en hugmyndin með myndinni er að
hleypa af stokkunum nýrri myndaröð um
hetjuna en áhorfendur og viðtökur þeirra
munu að sjálfsögðu ráða úrslitum um hvort
frekara framhald verði á ævintýrum Ryans
í bíó.
Hér er sú gamalþekkta leið farin að gera
einhvers konar forleik að því sem við höfum
þegar séð af Ryan og í Shadow Recruit er
hann kynntur til leiks sem ungur og upp-
rennandi njósnari. Auk Chris Pine eru Keira
Knightley og Kevin Costner í mikilvægum
hlutverkum. Knightley leikur eiginkonu
Jacks, Cathy Ryan, og Costner leikur
Thomas Harper, leiðbeinanda og yfirmann
njósnarans unga. Kenneth Branagh leik-
stýrir myndinni og fer einnig með hlutverk
aðalskúrksins, Rússans Viktor Cherevin. Sót-
rafturinn sá hefur illt eitt í hyggju og ætlar
sér að kollsteypa efnahag Bandaríkjanna og
þar með heimsbyggðarinnar með útpældum
hryðjuverkaárásum. Ryan fær pata af þessu
ráðabruggi og drífur sig til Rússlands til þess
að bregða fæti fyrir skúrkinn og koma í veg
fyrir áætlun hans.
Ryan má hafa sig allan við eigi hann að
halda lífi í þeim hildarleik en málin flækjast
þegar eiginkona hans ákveður að drífa sig á
eftir honum til þess að leggja honum lið.
Shadow Recruit byggir ekki á skáldskap
Tom Clancy heldur skrifuðu Adam Cozad og
David Koepp söguna beint fyrir hvíta tjaldið.
Aðrir miðlar: Imdb: 6,7, Rotten Tomatoes: 63%,
Metacritic: 58%
CIA-sérfræðingurinn Jack Ryan er þekktasta söguhetja spennusagnahöfundarins Toms Clancy.
Saga Ryans í kvikmyndum er orðin nokkuð löng en hann var kynntur til leiks 1990 í The Hunt for
Red October þar sem Alec Baldwin lék kappann. Ryan hefur ekki látið sjá sig í bíó síðan 2002 í
The Sum of All Fears en er nú mættur til leiks, ungur og ferskur í líkama Chris Pine í Jack Ryan:
Shadow Recruit.
Þórarinn
Þórarinsson
toti@frettatiminn.is
Ungur og sprækur
Ryan í Rússlandi
Kevin Costner og Chris Pine í hlutverkum sínum í Shadow Recruit þar sem Pine leikur hinn unga njósnara Jack Ryan sem nýtur
handleiðslu Thomasar Harper sem Costner leikur.
 Frumsýnd BókaþJóFurinn
Kvikmyndin The Book Thief er gerð eftir samnefndri skáldsögu
ástralska rithöfundarins Markus Zusak. Bókaþjófurinn kom
út á íslensku fyrir nokkrum árum og gerði mikla lukku hér,
rétt eins og annars staðar. Hún sat samfleytt í 240 vikur á
metsölulista New York Times, sankaði að sér verðlaunum og
höfundurinn var ausinn lofi.
Sagan gerist í Þýskalandi mitt í hryllingi síðari heimsstyrjald-
arinnar. Ung stúlka að nafni Liesel er send í fóstur því móðir
hennar getur ekki séð henni farborða. Þjökuð af söknuði og
sorg byrjar Liesel að lesa, fyrir sjálfa sig og aðra sem eiga um
sárt að binda á meðan dauðinn er alltaf á næsta leiti.
„Margir hafa mynd í huga sér af marserandi piltum gólandi
„Heil Hitler“ þegar þeir hugsa um Þýskaland nasismans og að
á einhvern hátt hafi allir Þjóðverjar verið meðsekir. Sú mynd er
skökk, það voru ótal mörg uppreisnargjörn börn og fullorðnir
sem hlýddu ekki reglunum og fólk sem faldi gyðinga og annað
fólk í húsum sínum. Það er því til önnur hlið á Þýskalandi þessa
tíma.“ sagði rithöfundurinn Zusak í viðtali við The Sydney
Morning Herald.
Sophie Nélisse hefur verið lofuð fyrir hlutverk sitt sem Liesel
en ásamt henni fara Geoffrey Rush og Emily Watson í mikil-
vægum hlutverkum.
Metsölubók í bíó
SKÓLANEMAR: 25% AFSLÁTTUR GEGN FRAMVÍSUN SKÍRTEINIS!
MEÐ STUÐNINGI REYKJAVÍKURBORGAR & KVIKMYNDAMIÐSTÖÐVAR ÍSLANDS - MIÐASALA: 412 7711
YOUNG AND BEAUTIFUL (16)
SÝNINGARTÍMAR Á MIDI.IS
AKIRA (12)
SUN: 20.00
Liesel flýr hörmungar stríðsins inn í heim bókanna.
 Frumsýnd august: osage county
Fjölskyldan
komin í bíó
Bókmenntaandinn svífur yfir frumsýn-
ingarhelginni í íslenskum kvikmynda-
húsum þessa helgina en auk þess sem
sýningar hefjast á mynd byggðri á
skáldsögunni Bókaþjófnum er myndin
August: Osage County frumsýnd. Hún
er gerð eftir samnefndu Pulitzer-
verðlaunaleikriti Tracy Letts sem var
sýnt tæplega 700 sinnum á Broadway
við miklar vinsældir. Á Íslandi hét verkið
Fjölskyldan og sló í gegn í Borgarleik-
húsinu og var sýnt rúmlega 60 sinnum.
Sagan gerist í Oklahoma, á heimili
hjónanna Beverly og Violet Weston sem
eiga þrjár uppkomnar dætur, þær Ivy,
Barböru og Karen. Dag einn hverfur
Beverly sporlaust sem verður til þess að
Weston-dæturnar hittast á ný á æsku-
heimilinu.
Leikkonurnar Meryl Streep og Julia
Roberts eru tilnefndar til Óskarsverð-
launa fyrir hlutverk sín í myndinni.
Meryl Streep er í fantaformi, eins og
endranær, í August: Osage County.
Hátækni á
HeimsmælikvarðaNox Medical hefur þróað svefnrann-sóknabúnað sem vakið hefur verð-
skuldaða athygli.
Síða 2
krabbi fyrir og
eftir kreppuMatthea Sigurðardóttir kynntist sitt hvorri hlið heilbrigðiskerfisins þegar hún glímdi við krabbamein.
Síða 4
karlar mikilvægir í
umönnun
Fjöldi karla í umönnunarstörfum hjá öldrunarheimilum Akureyrar tvöfaldaðist síðasta sumar.
Síða 8
einstakur grunnur
til rannsóknaKrabbameinsskrá okkar Íslendinga hefur verið starfrækt í hálfa öld. Hún þykir ein sú fullkomnasta í heimi.
Síða 10
1. tölublað 2. árgangur
10. janúar 2014
Öldruðum mun fjölga hratt á næstu árum og áratugum. Eftir tuttugu ár verða fimmtán pró-sent landsmanna yfir sjötugu en eru níu prósent nú. Álag á heilbrigðisþjónustu mun aukast til muna og kostnaður samfara því. Heilbrigðis-kerfið er ekki tilbúið að takast á við þennan nýja veruleika.
Síða 6
Ellisprengja
Lúsasjampó
eyðir höfuðlús og nit
Virk
ni s
tað
fest
í
klín
ísku
m p
rófu
num
*
Öflugt - fljótvirkt - auðvelt í notkun Virkar í einni meðferð
Fljótvirkt: Virkar á 10 mínútum
100% virkni gegn lús og nit
Náttúrulegt, án eiturefna
* Abdel-Ghaffar F et.al; Parasitol Res. 2012 Jan; 110(1):277-80. Epub 2011 Jun 11.
FÆST Í ÖLLUM APÓTEKUM
Fyrir 2 ára og eldri www.licener.com
Mjög
auðvelt
að skola
úr hári!
Kemur næst
út 14. febrúar
Nánari upplýsingar veitir
Gígja Þórðardóttir,
gigja@frettatiminn.is,
í síma 531-3312.