Fréttatíminn - 24.01.2014, Blaðsíða 24

Gengur aldrei að reyna
að vera sexí á sviðinu
Þær stelpur
sem keppa
í þessu og
eru að reyna
rosalega
mikið að
vera sexí á
sviðinu eru
á algerum
villigötum.
Fitness-meistarinn
Margrét Edda Gnarr
varð í fyrra samþykkt
sem atvinnumaður í
keppnisgreininni, fyrst
Íslendinga. Hún er komin
með 40.000 fylgjendur
á Facebook-síðu sinni og
hyggur á landvinninga í
Bandaríkjunum þar sem
fitnessið nýtur mestra
vinsælda og atvinnufólk
getur þénað vel. Þótt
fitness-drottningar skarti
gegnumsneitt stórum
brjóstum og stinnum
rössum þvertekur hún
fyrir að sportið gangi út
á kynþokka. Það breytir
því þó ekki að hún verður
fyrir áreiti dónakalla á
netinu. Ruglumbullara,
eins og hún kallar þá.
F
itness heimsmeistarinn
Margrét Edda Gnarr varð
í fyrra fyrsti Íslendingur-
inn til þess að fá samþykki
IFBB, alþjóðasambandi
líkamsræktarfólks, sem atvinnu-
manneskja. Réttindin gera henni
mögulegt að keppa við þær bestu í
bransanum og velgengni í Bandaríkj-
unum getur gefið góða tekjumögu-
leika. Margrét keppir í lok febrúar í
bikini-fitness á Arnold Classic og nú í
fyrsta sinn sem atvinnumanneskja.
„Ég gat sótt um að gerast atvinnu-
maður eftir að ég sigraði á heims-
meistaramótinu og þetta þýðir ein-
faldlega að ég er komin á annað stig
í fitnessinu og keppi nú einungis við
atvinnumenn,“ segir Margrét Edda.
„Ólíkt því sem gerist hjá áhugakepp-
endum eru engir hæðarflokkar
heldur bara einn hópur óháð hæð og
ég er að fara að keppa á móti þessum
stelpum sem eru framan á fitness-
tímaritunum og eru frekar þekktar í
bransanum.“ Konurnar sem Margrét
Edda mun mæta á sviðinu í framtíð-
inni hafa meðal annars prýtt forsíður
tímaritanna Oxygen, FitnessRX, Flex
Magazine, Muscle and Fitness.
Margrét Edda keppir í hópi atvinnu-
kvenna í bikini-fitness á Arnold
Classic-mótinu í Bandaríkjunum í lok
febrúar og óhætt er að segja að þar
verði hún í flokki þeirra bestu í heim-
inum í sportinu. „Þetta er eitt stærsta
atvinnumannamót í heiminum og mér
var boðið að keppa.
Þar er bæði hægt að keppa sem
atvinnumaður og áhugamaður en sem
atvinnumaður þarft maður að fá þetta
sérstaka boð. Aðeins sextán stelpur fá
boð í bikini fitness-flokkinn og ég er
ein af þeim sem er gríðarlega mikill
heiður. Svo er líka hægt að keppa
sem áhugamanneskja þarna og það
eru nokkrir Íslendingar að fara að
keppa sem slíkir. Þetta er eiginlega
bara draumur allra fitness-keppenda,
að komast í atvinnumennskuna. Þar
eru veitt peningaverðlaun fyrir fyrstu
fimm sætin og svona.“
Framhald á næstu opnu
24 viðtal Helgin 24.-26. janúar 2014