Fréttatíminn - 24.01.2014, Blaðsíða 48

48 bílar Helgin 24.-26. janúar 2014
 ReynsluakstuR toyota land CRuiseR 150
Draumabíllinn fundinn
Land Cruiser 150 uppfyllir allar mínar kröfur. Hann er fallegur,
rúmgóður, öruggur, kemst í Bláfjöll og yfir Krossá.
É g var svo óheppin á dög-unum að fá að reynsluaka nýjum Toyota Land Cruiser
150. „Óheppin“, segi ég, því mikið
óskaplega langar mig í hann. Fjöl-
skyldubíllinn er orðinn gamall og
lúinn og við hjónin farin að huga að
því að nauðsynlegri endurnýjun.
Sökum fjölskyldustærðar nægir
okkur ekki fimm manna bíll. Við
þurfum sjö sæti. Svo þurfum við bíl
sem kemst í Bláfjöll og til Ísafjarðar
að vetri til. Og helst yfir Krossá að
sumri. Land Cruiser 150 nær yfir
þetta allt.
Ég fékk nýjan Land Cruiser 150
til reynsluaksturs um verslunar-
mannahelgina í sumar og fórum
við fjölskyldan
til Ísafjarðar.
Það var hrein
unun. Kannski
smituðust
börnin svona af
akstursánægju
minni að þau
voru syngjandi
glöð alla leiðina
– eða ef til vill
fór bara svona
vel um þau.
Þetta var að
minnsta kosti
skemmtileg
bílferð sem við
nutum í botn.
Það hjálpaði
auðvitað að
hafa góð hljóm-
tæki og geta
hlustað á uppá-
haldstónlistina
okkar í gegnum
Bluetooth
tengingu við
símann. Og
að geta stillt á
cruise control
og hafa engar
áhyggjur af því
að gleyma sér
óvart og fara yfir löglegan hámarks-
hraða. Mér líður vel í jeppa. Ég passa
vel í jeppa. Maður situr hátt og hefur
nægt pláss. Og er öruggur. Aukin-
heldur pirrar mig fátt meira en að
þurfa að bogra yfir barnastólinn og
reyna að finna „innstunguna“ fyrir
sætisbeltið sem er falið undir barna-
stólnum, því bíllinn er svo þröngur.
Þetta er sko alls ekkert mál í Land
Cruiser. Börnin gátu meira að segja
spennt sig sjálf (allir foreldrar vita
hvað það er mikill léttir – í alvörunni)
því bíllinn er svo breiður að vel fer
um þrjá barnastóla.
Yfir jólahátíðina fékk ég 2014
árgerðina af Land Cruiser 150 til
reynsluaksturs. Nýjasta árgerðin
hefur fengið andlits-
lyftingu jafnt að
utan sem innan.
Breytingarnar eru
vel heppnaðar og
mest áberandi er
nýtt grill og nýtt
mælaborð og inn-
rétting. Ný marg-
miðlunartækni
sem nefnist Toyota
Touch 2 hefur verið
tekin í notkun í
þessari uppfærslu
á bílnum, sem er
mjög skemmtilegt
og aðgengilegt
enda gerir stór
snertiskjár notk-
unina auðvelda.
Það var gaman
að fá að reyna bíl-
inn í hálku og snjó
enda akstursupp-
lifunin allt önnur
en í rennifærinu
um verslunar-
mannahelgina.
Það er skemmst
frá því að segja að
bíllinn reyndist
frábærlega. Hálkan
og snjórinn höfðu
ekkert í Land Cruiserinn, ekki
einu sinni ómokuðu göturnar í
Mosfellsbænum (þar sem hjólförin
í klakanum voru að minnsta kosti
15 cm djúp) þegar við brugðum
okkur þangað í jólaboð.
Ég gerði jólainnkaupin á Land
Cruisernum. Fór með langan
innkaupalista í búðina á Þorláks-
messu þar sem engu skyldi
gleymt. Tólf innkaupapokar voru
eins og dropi í hafið í rúmgóðu
skotti bílsins (aukasætin í skottinu
voru ekki í notkun eins og gefur
að skilja) og þurfti ég ekkert að
stafla þeim. Svo er skottið í þægi-
legri hæð þegar þarf að ferma eða
afferma.
Ég þarf að sjálfsögðu ekki að
tala um búnaðinn því bíllinn er
búinn öllu því nýjasta sem eykur
öryggi og bætir aksturseigin-
leika. Það eina sem truflar mig
við þennan bíl er verðmiðinn. En
það er einfaldlega vegna þess að
ég á ekki til þær tæpar tíu millj-
ónir sem ódýrasta útgáfan kostar.
En ef ég ætti þær, myndi ég ekki
hika við að kaupa mér nýjan Land
Cruiser.
Sigríður Dögg Auðunsdóttir
sigridur@frettatiminn.is
Stór og rúmgóður
Gott að aka honum
Frábært hljóðkerfi
Kemur vel út í öryggisprófum
Gott útsýni úr fram-
og aftursætum
Stórt og rúmgott skott
Verðmiðinn
Helstu upplýsingar
Verð frá 9.920.000 kr
Eldsneytisnotkun frá 8,1 l/100 km
í blönduðum akstri
CO2 í útblæstri frá 256 g/km á
blönduðum akstri
Lengd 4780 mm
Breidd 1885 mm
Farangursrými 1151 lítrar
Nýr Land Cruiser 150. Bíllinn hefur
fengið andlitslyftingu, breytt grill og
framljós, auk breytinga á afturhlera.
Myndir/Hari
Stór skjár í mælaborði einkennir 2014 árgerðina. Nóg pláss er í skottinu.
Fitul’til og
pr—teinr’k . . .
… og passar með öllu
www.ms.is
H
V
ÍT
A
H
Ú
S
IÐ
/
S
ÍA