Sveitarstjórnarmál - 01.12.1951, Blaðsíða 23
SVEITARSTJÓRNARMÁL
21
væri mun rneiri, enda kæmi og meginhluti söluskatts-
ins þaðan. Benti á, að rétt mundi að athuga, hvort
ekki væri eðlilegra að miða við lægri tölu en 500,
að því er kauptúnin varðaði.
. Kl. var nú orðin 19,30 síðd. og var fundi frestað
til kl. 10 árdegis daginn eftir.
Föstudaginn 12. okt. kl. 10 árdegis hófst fundui
að nýju. Bæjarstjórinn í Vestmannaeyjum, Ólafui
A. Kristjánsson, var nú mættur og voru þá allir
bæjarstjórar landsins komnir til fundarins.
Aðalforseti setti fundinn og veitti hinum ný
komna bæjarstjóra orðið, og lýsti hann ástandi og
horfum í Vestmannaeyjum í atvinnu- og fjárliags
málum.
Þá var gengið til dagskrár og tekið til meðferðai
að ræða tillögur og álit nefndanna frá því deginum
áður, svo og spurzt fyrir um nýjar tillögur, er fundar-
menn krmnu að vilja bera fram.
Til máls tóku: Bjarni Þórðarson, Jón Guðjóns-
son, Ásgrímur Hartmannsson, Steinn Steinsen. Er-
lendur Björnsson, Jón Kjartansson, Ólafur Kristjáns-
son, Gunnar Thoroddsen, Friðfinnur Árnason og
Jónas Guðmundsson. Tóku sumir til máls oftar en
einu sinni.
Ýmsar ábendingar komu fram varðandi frv. um
söluskattinn einkum að því er snerti 2. og 3. gr. Var
talið að þörf væri nokkurra breytinga á frv. frá því
sem það nú væri orðað.
Jónas Guðmundsson stakk upp á því, að kosnar
yrðu 3 nefndir, atvánnumálanefnd, fjáröflunarnefnd
og allsherjarnefnd, er tækju til meðferðar þau mál er
fyrir lægju svo og ábendingar, er fram hefðu komið
og kynnu að berast.
Tillaga þessi var samþykkt og urðu nefndirnar
þannig skipaðar eftir tilnefningu Jónasar Guðmunds-
sonar:
Atvinnumúlanefnd: Bjami Þórðarson, Jón Guð-
jónsson, Jón Kjartansson, Ólafur Kristjánsson og
Björgvin Bjarnason.
F/áröflunarnefnd: Gunnar Thoroddsen, Ásgrím-
ur Hartmannsson, Ragnar Guðleifsson, Jónas Guð-
mundsson.
AJIsher/arnefnd: Steinn Steinsen, Erlendur Björns-
son, Friðfinnur Árnason, Sveinn Finnsson og Helgi
Hannesson.
Framkomnum málum var siðan skipt milli nefnd-
anna eftir því, sem bezt þótti henta.
Jón Kjartansson las upp og gerði grein fyrir til-
lögu varðandi mótmæli gegn því, að Tryggingarstofn-
un ríkisins hefði heimild til að ganga að tryggustu
útsvörum sveitarfélaganna ef vanskil yrðu á greiðsl-
um þeirra.
Tillögunni var vísað til allshn.
Bjarni Þórðarson ræddi um, að mestu máli skipti
að atvinnumálin væru í góðu lagi og atvinna handa
öllum. Gerði grein fyrir tillögum um hagnýtingu á
afla togaranna og las upp ýtarlega greinargerð í því
sambandi.
Málinu v'ísað til atvinnumálanefndar.
Nefndir ákváðu fundi kl. 10 árdegis daginn eftir.
Næsti fundur var boðaður kl. 2,30 síðdegis næsta
dag að loknum hádegisverði hjá forsætis- og félags-
málaráðherra, en boð þar um hafði borizt fundar-
mönnum í þessu.
Fundi slitið kl. 12 árdegis.
Kl. 1 síðdegis sama dag fóru fundarmenn í boði
bæjarstjórnar Reykjavíkur austur að Soginu og skoð-
uðu mannvirki þau, sem þar eru í smíðum. Fannst
mönnum mikið til þeirra vinnubragða koma einkum
vöktu jarðgöngin en þau voru 280 m. að lengd
mikla aðdáun gestanna.
Ferðalag þetta fór hið bezta fram og var komið til
Reykjavíkur um kl. 7 síðdegis. Kl. 7,30 var setzt að
kvöldverði i boði Reykjavikurbæjar í Sjálfstæðis-
húsinu. Borgarstjórinn í Reykjavík, Gunnar Thor-
oddsen, stjórnaði hófinu, er fór hið prýðilegasta
fram. Þar voru ræður fluttar, mungát teygað og
matur snæddur. Veizlunni lauk um miðnætti og fór
þá hver heim til sín eftir ánægjulega kvöldstund.
Nefndir hófu störf um kl. 10 árdegis, laugardag-
inn 13. okt. en kl. 12,15 komu fundarmenn saman
að Hótel Borg og neyttu þar hádegisverðar í boði
forsætis- og félagsmálaráðherra, Steingrims Stein-
þórssonar. Bauð hann fundarmenn velkomna með
ræðu og ámaði þeim heilla í störfum. Aðalforseti
fundarins þakkaði ágætt boð og rausnarlegar veiting-
ar.
Kl. 2,45 síðdegis hófst fundur að nýju. II. vara-
forseti, Helgi Hannesson, setti fundinn og veitti orðið
formanni allshn. Stein Steinsen, er hóf umræður og
gerði grein fyrir tillögu um útsvarsmál. Til máls tóku
um tillöguna: Erlendur Björnsson, Bjarni Þórðar-
son og Ásgrímur Hartmannsson, er töldu nauðsyn á
frekari ákvæðum til tryggingar útsvarsinnheimtu.
Tillaga allshn. var samþykkt og var hún þannigr
Útsvarsmál. „Fundur bæjarstjóra, haldinn í Reykja-
vík dagana 10.—13. okt. 1951, skorar á stjórn Sam-
bands ísl. sveitarfélaga að undirbúa breytingar á út-
svarslögunum, sem tryggi betur en nú er innheimtu
útsvara hjá starfsmönnum óskilvísra atvinnurekenda."
Steinn Steinsen, formaður allshn. gerði grein fyrir