Sveitarstjórnarmál - 01.10.1959, Blaðsíða 29

SVEITARSTJÓRNARMÁL
27
hitt skuli gert og hvernig það skuli gert.
Við því er að sjálfsögðu ekki nema gott
eitt að segja því að daufleg yrði vistin á
íslandi, ef allir væru sammála um alla
hluti.
Eu einn hlut eru allir áreiðanlega sam-
mála um, að sveitarfélögin eigi að leggja
fram sinn skerf lil þess að efla andlega og
efnalega menningu þjóðarinnar og velmeg-
un fólksins.
Samband íslenzkra sveitarfélaga er tengi-
liður milli þeirra. Það er sameiginleg stofn-
un þeirra, og málsvari þeirra út á við.
Það er ósk mín, að samband sveitarfélag-
anna megi hér eftir, ekki síður en hingað
til, verða sveitarfélögunum til sem mests
halds og trausts og það megi jafnan rækja
hið mikilvæga fjórþætta hlutverk sitt.
Þessu 6. þingi Sambands íslenzkra sveitar-
félaga óska ég allra heilla.