Sveitarstjórnarmál - 01.01.2003, Blaðsíða 21

Eyþing
Áhersla lögð á samtökin
sem samstarfsvettvang
Frá því Eyþing hætti rekstri skólaþjónustu hafa samtökin einkum unnið sem samstarfsvettvang-
ur sveitarfélaga í Norðurlandskjördæmi eystra. Á meðal verkefna sem þau hafa unnið að má
nefna samstarfsverkefni um heilbrigðismál í landshlutanum og stjórnunarnám í samvinnu við
Rannsóknastofnun Háskólans á Akureyri. Þá er vaxandi samstarf á milli Eyþings og Samtaka
sveitarfélaga á Austurlandi í Ijósi nýrrar kjördæmaskipunar.
Eyþing, samtök sveitarfélaga í
Eyjafirði og Þingeyjarsýslum, var
stofnað í ágúst 1992 af sveitarfé-
lögunum í Norðurlandskjör-
dæmi eystra eftir að Fjórðungs-
samband Norðlendinga var Iagt
niður. Starfssvæði þess hefur
alltaf verið frá Tröllaskaga f
vestri og austur á Langanes. í
upphafi stóðu 29 sveitarfélög að
Eyþingi en eitt sveitarfélag var
utan samtakanna í byrjun. Nú
eru samstarfssveitarfélögin 20
eftir fækkun við sameiningu
sveitarfélaga síðan samtökin
voru stofnuð.
Eyþing annaðist rekstur skóla-
þjónustu frá stofnun hennar
fram til ársins 1999 að starfsemi
hennar var hætt en þá var sam-
tökunum mörkuð ný stefna, sem
fólst meðal annars í því að þau
hefðu ekki rekstur með höndum.
Frá þeim tíma hefur Eyþing einkum unnið að ýmiss konar þjón-
ustuverkefnum og sameiginlegum málum svæðisins.
Samstarfsvettvangur
en ekki rekstraraðili
Pétur Þór Jónasson framkvæmdastjóri segir að Eyþing starfi um
margt á svipaðan hátt og Samtök sveitarfélaga á Austurlandi.
Samtökin vinni einkum að því
að koma málum af stað, fylgja
þeim eftir þar til að þau verði
sjálfbjarga, sleppa þá af þeim
hendinni og snúa sér að nýjum
viðfangsefnum. Hann segir að
við þessar breytingar hafi verið
horft nokkuð til starfshátta SSA
sem sé mjög hentugt í dag.
Þessi landshlutasamtök muni
vinna meira saman í framtíð-
inni í Ijósi nýrrar kjördæma-
skipunar þótt sameining þeirra sé ekki á döfinni, að minnsta kosti
að sinni. Pétur Þór segir augljóst að ýmsar breytingar muni eiga
Pétur Þór Jónasson, framkvæmdastjóri Eyþings. Hann kvíöir því ekki að mis-
jöfn íbúadreifing eigi eftir að vaida mönnum vanda ! samstarfi innan hins nýja
Norðausturkjördæmis.
Þróunarverkefni í fjarlækningum er mikilvægt sem
byggðamál að mati Péturs Þórs Jónassonar, fram-
kvæmdastjóra Eyþings, því fjarlækningar eigi að
geta veitt heilbrigðisfólki öryggi og styrkt það í
starfi á minni stöðum auk þess að bæta þjónustu
við íbúana.
sér stað í þessu efni að loknum
komandi Alþingiskosningum en
Austfirðingar hafi einkum mótað
þá stefnu að reka samtökin
hvort í sínu lagi, að minnsta
kosti til að byrja með.
Norðaustursvæðið er
auðlindaríkt
Pétur Þór segir að menn verði
að sjá til með hvernig samstarfið
þróist. Akureyri sé langstærsta
sveitarfélagið í Norðausturkjör-
dæminu og á jaðri þess í vestri
og Norðurland sé einnig mun
fjölmennara en Austurland eða
með allt að 75% af íbúafjölda
Norðausturkjördæmisins. Hann
kveðst þó ekki kvíða því að
þessi íbúadreifing eigi eftir að
valda mönnum vanda í sam-
starfi vegna þess að menn séu
farnir að horfa á Norðaustur- og
Austurland sem eitt íbúasvæði þar sem byggðirnar eigi margt
sameiginlegt. Ef til vill sé skiljanlegt og eðlilegt að þeir sem búa á
fámennu svæðunum hafi meiri vara á sér. Hann segir skoðun sína
þá að þessi kjördæmaskipting eigi ekki að valda vanda. Norð-
austurkjördæmið sé í heild mjög auðugt af auðlindum og hafi allt
til þess að bera að þar geti þróast öflugt atvinnu- og mannlíf. Þar
sé að finna öflugar orkuauðlindir og svæðið búi einnig yfir mikl-
um möguleikum til ferðaþjón-
ustu.
Aðgerðaáætlun til
lengri tíma
í framhaldi af því að Eyþing
hætti rekstri skólaþjónustunnar
voru teknar upp nýjar áherslur
í starfi samtakanna. Þessar
____________________________ áherslur miðast við að samtök-
in starfi sem pólitískur sam-
ráðsvettvangur sveitarfélag-
anna. Pétur Þór segir að síðasta stjórn þeirra hafi lagt ríka áherslu
á samráðshlutverkið þar sem forystumenn sveitarfélaganna komi
21