Sveitarstjórnarmál - 01.01.2003, Blaðsíða 30

við aðstæður þar sem meira frjálsræði rík-
ir í sölu og meðferð vímuefna en nú er,"
segir Þorgerður.
Þaulskipulögð markaðsstarfsemi
Ríkistjórn íslands lagði fram áætlun um
baráttu gegn vímuefnum undir yfirskrift-
inni „ísland án eiturlyfja áriö 2000" á ár-
inu 1996. Þótt þetta háleita takmark hafi
að sönnu ekki náðst þá hefur margt gerst
og áunnist að sögn Þorgerðar og Þórólfs.
Þau segja að viðfangsefnið taki stöðugum
breytingum. Hluti vímuefnavandans í
Evrópu byggi á öflugu markaðsstarfi
manna sem viti nákvæmlega hvað þeir
eru að gera. Með því að beina áfengi og
öðrum vímuefnum til ungmenna með
þaulskipulögðum hætti sé verið að búa til
nýja neytendur, viðhalda markaðinum og
víkka hann út. Markmið fíkniefnasalanna
sé það sama og annarra sem stunda við-
skipti, að stækka markaðshópa sína og þar
eru unglingar ekki undanskildir. Þórólfur
segir að ekki sé hægt að líta framhjá þeirri
staðreynd að þetta eigi einnig við hér á
landi. Baráttan gegn þessari hörðu mark-
aðsstarfsemi felist jöfnum höndum í að
draga bæði úr framboði og eftirspurn.
Hann telur mikilvægan þátt í forvarnastarfi
að búa ungu fólki aðstæður til að lifa
góðu og innihaldsríku lífi þannig að það
flýi ekki í heim vímuefnanna í von um
eitthvað betra.
Hvað er hægt að gera?
„Ekki má gleyma því að flestir unglingar
eru fyrirmyndarunglingar og að fyrsta for-
vörnin felst eftir sem áður í því að efla for-
eldra í foreldrahlutverki sínu," segja Þor-
gerður og Þórólfur. Mestu máli skiptir að
ungmennum líði vel með fjölskyldum sín-
um og þurfi ekki að leita viðurkenningar í
hópum þar samveran snýst um neyslu
vímuefna. Þó foreldrar séu allavega og
hafi mismunandi hugmyndir um uppeldi
með tilliti til vímuefna eins og áfengis þá
vilja langflestir að börnin þeirra nái að
þroskast þannig að þau fái notið lífsins á
fullorðinsárum. Þess vegna eru allar gagn-
legar upplýsingar um hvaða uppeldisað-
ferðir hafa forvarnagildi mikils virði að
þeirra mati. Nú er vitað að það hefur for-
varnagildi að fresta því að unglingar hefji
tilraunastarfsemi með vímuefni. Það skipt-
ir máli að foreldrar verji tíma með börn-
um sínum, sýni viðfangsefnum barna
sinna áhuga og viti hvar og með hverjum
þau verja frítíma sínum. Þá mega foreldrar
ekki gleyma að líta í eigin barm en
neyslumynstur foreldra þegar kemur að
vímuefnum skiptir einnig miklu máli.
„Vonandi mun samstarfsverkefni áfeng-
is- og vímuvarnaráðs og Sambands ís-
lenskra sveitarfélaga um vímuvarnir varða
veginn fyrir sveitarfélög í landinu," segja
Þorgerður og Þórólfur að lokum.
Styrkir til rafrænna samfélaga
Byggðastofnun hefur kynnt samkeppni um
verkefnið "Rafrænt samfélag" en markmið
þess og meginhugmynd er að hrinda í
framkvæmd metnaðarfullum aðgerðum á
sviði fjarskipta- og upplýsingatækni hjá
sveitarfélögum á landsbyggðinni. Aðgerð-
irnar skulu hafa það að markmiði að auka
nýsköpun í atvinnulífi og bæta afkomu
íbúa, auka menntun og menningarstarf-
semi, bæta heilsugæslu og félagsaðstöðu
og efla lýðræði.
Sveitarfélögum
boðið til forvals
Sveitarfélög á starfssvæði Byggðastofnunar
geta sent inn umsókn í forval fyrir sam-
keppnina. Fleiri en eitt sveitarfélag geta
staðið saman að umsókn. Valin verða fjög-
ur til átta byggðarlög til þátttöku og fá þau
allt að tveimur milljónum króna í styrk til
að fullgera tillögur sínar. Af þeim verða
valin tvö til fjögur byggðarlög til þátttöku í
þróunarverkefnum á árunum 2003 til
2006. Byggðalögin fá til þess styrk frá rík-
inu gegn jafn háu eigin framlagi.
Skilafrestur umsókna vegna þátttöku í
forvali er til 4. mars. Nánari upplýsingar móttöku umsókna og fyrirspurna vegna
er að fá á vef Byggðastofnunar, forvals og samkeppni fyrir hönd Byggða-
www.bygg.is, og vef ríkiskaupa, stofnunar.
www.rikiskaup.is - en Ríkiskaup annast
Nýtt launakerfi fyrir um
10 þúsund starfsmenn
nýja launakerfi er fjölhæft og staðfært að
íslenskum aðstæðum og rekstrarumhverfi
hér á landi. Það er talið uppfylla ýtrustu
kröfur um úrvinnslu launa á hérlendum
vinnumarkaði. Viðmót þess er notenda-
vænt þar sem allar lykilupplýsingar eru
við fingurgóma notenda. Þess má geta að
íslenska ríkið hefur einnig fest kaup á
þessu kerfi og er byrjað að vinna eftir
því. Þegar það verður að fullu komið í
gagnið verður það notað til þess að
reikna laun um þriðjungs launþega í
landinu.
Reykjavíkurborg hefur tekið nýtt launa-
kerfi í notkun. Er þar um að ræða Oracle
launakerfið frá Skýrr, sem er hluti af
launa- og mannauðskerfinu Oracle E-
Business Suite.
Ingibjörg Sólrún Gísladóttir borgar-
stjóri tók kerfið formlega í notkun en
Reykjavíkurborg er einn stærsti launa-
greiðandi landsins með allt að 10 þús-
und starfsmenn. Á meðal markmiða
borgarinnar með tilkomu hins nýja kerfis
má nefna sparnað á tíma og fjármunum
við margvíslega vinnslu gagna auk þess
að bæta samskipti með upplýsingar. Hið
30