Sveitarstjórnarmál - 01.04.2003, Síða 24

Hrafnagilsskóli í Eyjafjarðarsveit
Unnið eftir hugmyndum
um siðfræðimenntun
„Ég kem í skólann til þess að læra og nýta hæfileika mína til fulls," er skólaheit Hrafnagilsskóla
í Eyjafjarðarsveit, sem nemendur fara með á hverjum degi. Að undanförnu hefur skólastarfið
verið þróað í samræmi við hugmyndir um siðfræðimenntun eins og hún birtist víða um heim.
Karl Frímannsson skólastjóri segir að þessi
hugmyndafræði hafi borist víða að bæði
frá ýmsum skólum á Vesturlöndum, þar
sem siðfræðimenntun hafi verið að þróast,
og einnig frá Asíu þar sem slíkt skólastarf
sé að finna. Hann segir að greinar sem
Jón Baldvin Hannesson skólaráðgjafi hafi
skrifað um þessi mál í Morgunblaðið hafi
vakið athygli sína. „Ég hugsaði með mér
að ef satt og rétt væri að auka mætti
árangur í skólastarfi með þessum hætti,
hvað varðar hegðun, námsárangur og að
skapa sterka einstaklinga, þá væri vel þess
virði að athuga um hvað þetta snerist. Við
fórum því að kynna okkur þessi mál og
afla upplýsinga um siðfræðimenntun frá
ýmsum aðilum, sem varð til þess að við
fórum að þróa okkar eigin aðferðir. Við
ákváðum strax í upphafi að umturna ekki
skólastarfinu heldur að laga hina nýju
hugmyndafræði að aðalnámskrá íslenska
grunnskólans," segir Karl.
Karl Frímannsson skólastjóri Hrafnagilsskóla í Eyjafjarðarsveit.
Allir hafa möguleika til framfara
„Við höfum unnið þetta á þann hátt að
búa til okkar eigin skólasýn," segir Karl.
Hún gengur út á að allir hafi hið góða í
sér og hæfileikann til þess að verða betri
manneskjur, sem er mjög mikilvæg sýn á
öll samskipti, mannlíf og það sem við
erum að gera. Með því að viðurkenna að
við höfum það góða í okkur þá nálgumst
við málin á annan hátt. Sam-
skiptin ganga ekki út á ásakan-
ir og það er yfirlýst hér í skól-
anum að vera ekki að rífast og
skammast. Aldrei er þó svo að
allt sé í himnalagi og við sigl-
um ekki lygnan sjó frekar en
aðrir. Með þessu sköpum við
okkur hins vegar ákveðna leið
og ákveðin tæki til þess að takast á við
þau mál sem koma upp. Við nálgumst
nemenda- og starfsmannamál á þeim for-
sendum að allir hafi möguleika til þess að
taka framförum og verða betri manneskj-
ur. Það er grunnurinn að skólastarfinu.
Með þessu erum við líka að vinna með
þætti sem hafa beina tilvísun í lög og regl-
ur, hvort sem það eru grunnskólalög, aðal-
námskrá eða stjórnsýslulög." Karl segir
meginmarkmiðin að nemendur séu góð-
viljaðir og glaðværir ásamt því að sýna
framúrskarandi námsárangur. Góðvildin
einkenni samskipti, viðmót og almenna
nálgun í skólastarfinu. En það verði ekki
að veruleika nema það sé yfirlýst stefna
og að fólk sýni fordæmi.
Ekki undir landsmeðaltal
Þetta er annað starfsárið sem unnið er
með siðfræðimenntun í Hrafnagilsskóla.
Karl segir að gefa verði þessari vinnu
lengri tíma til þess að unnt sé að meta
árangur hennar að fullu. „Við höfum gefið
okkur fimm ár til þess að ná stöðugum og
jöfnum námsárangri. Stefnan er sú að vera
ekki undir landsmeðaltali í samræmdum
grunnskólaprófum. Ég tel það mjög raun-
hæfan samanburð vegna þess að við höf-
um hann á landsvísu og það er eini raun-
hæfi samanburðurinn sem við
getum notað til þess að leggja
mælikvarða á námsárangur.
Síðan höfum við okkar við-
miðanir varðandi hegðun og
vinnubrögð. Ákveðinn jarðveg-
ur þarf að vera í skóla til þess
að hægt sé að beita fjölbreytt-
um kennsluaðferðum og einnig að nem-
endur sýni ákveðna hegðun."
Sjálfssprottinn agi
Karl segir að til að hindra nýjum hug-
myndum í framkvæmd verði að hafa
Við ákváðum strax í upphafi að umturna ekki
skólastarfinu heldur að laga hina nýju hugmynda-
fræði að aðalnámskrá íslenska grunnskólans,"
segir Karl.
24