Sveitarstjórnarmál - 01.09.2003, Blaðsíða 12
Flutningar í Grafarholtshverfi 2002
Flutningar í Grafarholtshverfi 2002
Heildarfjöldi aðflytjenda: 506 manns
Hringform: Hlutfall brottfluttra af
íbúafjölda borgarhluta.
Meðalhlutfall brottfluttra í Reykjavík
í heild: 0,4
Myndin sýnir fjölda
og hlutfall
íbúa sem fluttu í
Grafarholtshverfi
frá öörum hverfum
Reykjavíkurborgar
á árinu 2002.
þessi mismunur hækkað í um 750 manns á ári að meðaltali. Á
fyrsta tímabilinu fluttu flestir frá Reykjavíkurborg til Hafnarfjarðar-
kaupstaðar en á því næsta tók Kópavogsbær að sækja á og á síð-
asta tímabilinu fluttu til Kópavogs um tveir þriðju þeirra sem fóru
frá borginni til nágrannasveitarfélaganna. Bjarni segir að heldur
hafi dregið úr fólksflutningum frá Reykjavíkurborg til Kópavogs-
bæjar. Um 515 manns hafi flutt að meðaltali á ári úr Reykjavík til
Kópavogs á árunum frá 1998 til 2001 en á síðasta ári aðeins 395.
Flutningar til Hafnarfjarðar, Garðabæjar og Mosfellsbæjar hafi
hins vegar tvöfaldast á sama tíma miðað við meðaltal áranna á
undan. Bjarni segir þessar tölur endur-
spegla þá þróun að byrjað sé að draga úr
áhrifum fjölda fullgerðra íbúða í Kópa-
vogi eftir mikið uppbyggingartímabil frá
miðjum tíunda áratug síðustu aldar á
sama tíma og umtalsverð aukning hafi
orðið á fjölda fullgerðra íbúða í hinum
sveitarfélögunum þremur á síðasta ári.
Miðaldra fólk í úthverfin
í skýrslu Bjama kemur fram að fjölmenn-
ustu árgangarnir er flytja af landsbyggð-
inni til höfuðborgarsvæðisins eru á aldr-
inum 20 til 24 ára en þeir sem flytja
heim frá útlöndum eru eldri eða á ald-
ursbilinu frá 30 til 49 ára. Hann segir
það einkum skýrast af flutningum vegna
náms og einnig því að fólk flytur heim frá útlöndum að loknu
framhaldsnámi og f sumum tilvikum einhverjum starfstíma erlend-
is að námi loknu. Hann bendir á að fólk sem flytur frá Reykjavík-
urborg til nágrannasveitarfélaganna á höfuðborgarsvæðinu sé á
aldrinum 25 til 49 ára eða sá aldurshópur sem er með börn á
grunnskólaaldri. Hann segir tíðni íbúaflutninga eftir aldurshópum
sveiflast og mynda ákveðna toppa. Aldurshópurinn frá 20 til 24
ára og ung börn þess fólks séu mest á faraldsfæti. Þessir aldurs-
hópar leiti öðrum fremur inn á miðborgarsvæðið en virðast síðan
kjósa að hverfa þaðan aftur eftir að námstíma lýkur og grunn-
skólaaldur barna hefst. Það komi heim og saman við það sem
þekkt sé hjá öðrum þjóðum.
Um 240 þúsund 2005
í skýrslunni kemur fram að mannfjöldaspár geri ráð fyrir að um
240 þúsund manns komi til með að búa á höfuðborgarsvæðinu
eftir um aldarfjórðung. Samkvæmt við-
miðunarspá muni íbúum höfuðborgar-
svæðisins fjölga um 52 þúsund, sem er
um 30% fjölgun, eða um 2.200 manns á
ári að meðalatali. Samkvæmt sömu
mannfjöldaspá eiga íbúar Reykjavíkur-
borgar einnar að verða orðnir á bilinu
130 til 140 þúsund árið 2025 eða um
20-30 þúsund fleiri en þeir eru í dag. í
viðmiðunarspám er gert ráð fyrir að
heldur dragi úr flutningum fólks af lands-
byggðinni og útlöndum til höfuðborgar-
svæðisins eftir árið 2005 og að flutningar
verði komnir í jafnvægi eftir um það bil
15 ár. Samkvæmt eldri viðmiðunarspá
áttu íbúar Reykjavíkurborgar að vera
orðnir rúm 114 þúsund í dag en eru að-
eins um 112.490. Munar þar mest um
minni fjölgun á árinu 2002 en gert hafði verið ráð fyrir. f lok
skýrslu sinnar bendir Bjarni á að í áætlunum aðalskipulags
Reykjavíkurborgar fyrir tímabilið 2001 til 2024 sé miðað við tölu-
verða aukningu á úthlutunum lóða í borginni á næstu árum eða
um byggingarými fyrir um 900 íbúðir á ári að meðaltali á árunum
frá 2005 til 2009. Það þýði að nokkuð muni draga úr flutningum
frá Reykjavík til nágrannasveitarfélaganna á næstu árum.
Fjölbýlishús í Kópavogi. Vegna mikilla byggingafram-
kvæmda aö undanförnu hefur fjöldi fólks flutt til Kópavogs.
Nú hefur dregið úr þessum flutningum aö sögn Bjarna
Reynarssonar.
12