Sveitarstjórnarmál - 01.09.2003, Blaðsíða 23
Horít af Oddsskaröi í átt til Eskifjaröar og Reyðaríjaröar. Þótt fjöll kljúfi byggöir kemur þaö ekki í veg fyrir góöa samvinnu innan sveitaríélagsins enda myndun
Fjaröabyggðar forsenda þess sem nú er aö gerast á Austurlandi að mati Smára Geirssonar.
árinu 2001 gerðu til dæmis öll austfirsku
sveitarfélögin með sér samning um sam-
starf á sviði menningarmála og fól samn-
ingurinn í sér að byggð yrðu upp fjögur
jafnrétthá menningarhús f landshlutanum.
Síðan gerðu sveitarfélögin öll saman
samning við ríkisvaldið um framlag þess
til menningarverkefna og reksturs og upp-
byggingar menningarhúsanna. Á þessu
sviði höfum við haft forystu og gaman
væri ef menningarelíta landsins veitti
þessu einhverja athygli og hefði þetta í
huga þegar rætt er um málefni Austur-
lands."
Fiskeldið - vonandi
önnur stóriðja
„Nú er hafið laxeldi í stórum stíl á Austur-
landi og hugsa menn sér einnig að hasla
sér völl á öðrum sviðum fiskeldis. Tilraunir
á sviði þorskeldis eiga sér til
dæmis stað í Fjarðabyggð og
tilrauneldi á hlýra fer fram í
Neskaupstað. Á þessu sviði
eru spennandi tímar framund-
an. Laxeldi er hafið af fullum
krafti í Mjóafirði og eins eru
menn komnir af stað í Berufirði og Seyðis-
firði. Þá er í bígerð að hefja laxeldi í
Reyðarfirði og Fáskrúðsfirði. Til að átta sig
á umfangi hins fyrirhugaða laxeldis er
ágætt að taka Fjarðabyggð og Mjóafjörð
sem dæmi. Fyrirhugað er að framleiða 14
þúsund tonn af laxi á þessu svæði og
verði því framleiðslumarki náð á árunum
2006 til 2007. Öllum þessum laxi er ráð-
gert að slátra í Neskaupstað og vinna
hluta hans þar. Til samanburðar má geta
þess að heildarþorskkvóti Norðfirðinga er
nú um 2.500 tonn. Gert er ráð fyrir að
laxeldið skapi um 120 störf í Fjarðabyggð
og Mjóafirði og með afleiddum störfum
gæti hér verið um að ræða um 200 störf.
Hér er því ótvírætt um aðra stóriðju að
ræða ef allt gengur eftir."
Líka slegist um laxeldið
Smári segir ákveðinn slag hafa verið að
baki uppbyggingunni í laxeldinu þó ekki
hafi hann verið eins áberandi og slagurinn
um virkjun og álver. „Við, fulltrúar sveitar-
félaganna, beittum okkur mjög ákveðið í
þessum slag og hjálpuðum til við að ná
fram jákvæðri niðurstöðu. í Mjóafirði hef-
ur verið sýnt fram á að eldið sjálft gengur
mjög vel og ef markaðsskilyrði verða
þokkaleg og aðrar aðstæður viðunandi eru
bjartir tímar framundan á laxeldissviðinu
eystra."
Ekkert annað en móðgun
„Ef menn líta með sanngirni á allt það
sem hefur verið að gerast á Austurlandi að
undanförnu sjá menn að því fer fjarri að
Austfirðingar hafi eingöngu setið hljóðir
og aðgerðarlausir og beðið eftir virkjun og
álveri. Að halda slíku fram er ekkert ann-
að en móðgun við íbúa landshlutans. í
umræðum um umhverfismál og atvinnu-
uppbyggingu, eins og hinum heitu um-
ræðum um málefni Austurlands að undan-
förnu, er brýnt að menn átti sig á að tekist
er á um tvö meginsjónarmið sem bæði
eiga nokkurn rétt. Við Austfirðingar viljum
búa í blómlegu samfélagi en okkur þykir
einnig vænt um landshlutann okkar. Hvað
varðar virkjun og álver þá eru flestir Aust-
firðingar tilbúnir að fórna ákveðnum nátt-
úruverðmætum í þágu hins austfirska sam-
félags og reyndar í þágu hins íslenska
samfélags sem heildar. Það fer
ekkert meira í taugarnar á mér
en þegar fólk ræðir þessi mál
eins og það fyrirfinnist ekki
mannlegt samfélag á Austur-
landi. Þetta fólk er upptekið af
lífshagsmunum hreindýra, gæsa
og háfjallagróðurs en það virðist aldrei
leiða hugann að mannfólkinu sem býr
eystra og lífshagsmunum þess," segir
Smári Geirsson.
„Gert er ráð fyrir að laxeldið skapi um 120 störf í
Fjarðabyggð og Mjóafirði og með afleiddum störf-
um gæti hér verið um að ræða um 200 störf."
23