Sveitarstjórnarmál - 01.09.2003, Blaðsíða 36

Viðtal mánaðarins
Sveitarfélögin hafa sýnt metnað
í skólamálum
Guðrún Ebba Ólafsdóttir hefur starfað sem borgarfulltrúi og borgarráðsmaður í Reykjavík í 15
mánuði. Hún segir sveitarfélögin hafa sýnt metnað í skólamálum og að ótti vegna flutnings
grunnskólans til sveitarfélaganna sé ástæðulaus.
Cuörún Ebba Ólafsdóttir borgarfulltrúi Reykjavíkurborgar. „Þegar maður hefur lifað ítiltölulega öruggu
umhverfi og alltaf átt einhvern að er ákveðin Iffsreynsla fólgin í því að kynnast málum fólks sem minna
má sín." - MOTIV-MYND, Jón Svavarsson.
Guðrún Ebba Ólafsdóttir tók sæti í borgar-
stjórn Reykjavíkurborgar og borgarráði að
afloknum sveitarstjórnarkosningunum
2002. Hún er kennari og starfaði við
kennslu um árabil auk þess að vera í for-
ystu fyrir kennara, sem formaður Kennara-
félags Reykjavíkur, varaformaður KÍ og
síðar formaður Félags grunnskólakennara f
Kennarasambandi íslands. Hún segir að
að vissu leyti megi líta á þátttöku í sveitar-
stjórnarmálum sem framhald af störfum
hennar að félagsmálum kennara.
Metnaður í skólamálum
„Aðdragandinn að ákvörðun minni um að
gefa kost á mér til þátttöku í borgarstjórn
var ekki langur. Þegar mér var boðið að
gefa kost á mér í framboð til borgarstjórn-
ar fannst mér ég ekki geta látið tækifærið
frá mér fara. Ég taldi mig hafa góða
reynslu til þess að byggja á af fyrri störfum
mínum, bæði við kennslu og einnig af fé-
lagsmálum. Rekstur grunnskólans er einn
af stóru málaflokkum sveitarstjórnarstigs-
ins og ég hef tilfinningu fyrir þvf að mikill
metnaður ríki í röðum sveitarstjórnar-
manna um að vinna faglega að þessum
málaflokki og standa vel að rekstri grunn-
skólans."
Ástæðulausar áhyggjur
Forsvarsmenn kennara höfðu á sínum tíma
áhyggjur af rekstri grunnskól-
ans ef til flutninga hans kæmi
frá ríki til sveitarfélaga og
Kennarasambandið var í upp-
hafi ekki hlynnt þeirri tilfærslu.
Guðrún Ebba segir marga hafa
óttast að sveitarfélögin hefðu ekki bol-
magn til annast skólahaldið á sama hátt
og ríkið. Þær áhyggjur hafi þó reynst
ástæðulausar. „Það var mjög ánægjulegt
að upplifa hvernig sveitarfélögin tóku á
þessum málum og að fylgjast með hvernig
þeim hefur tekist að vinna að málefnum
grunnskólans. í Ijósi reynslunnar var um
rétta ákvörðun að ræða. Ákvarðanataka í
skólamálum færðist nær skólunum sjálfum
og starfið hefur á ýmsan hátt verið unnið í
nánari samvinnu við skólastjórnendur og
kennara og raunar alla sem koma að
skólastarfi en á meðan grunnskólarnir
voru reknir af ríkinu." Guðrún Ebba bend-
ir þó á að draga megi enn frekar úr mið-
stýringunni. í Reykjavík er einungis ein
skólanefnd, fræðsluráð Reykjavíkur, og
mikilvægt að stíga næsta skref og færa
ákvarðanatökuna enn nær skólaumhverf-
inu, eins og heimild er til innan gildandi
laga.
Guðrún Ebba bendir á að aðalnámskrá
grunnskóla frá 1999 sé talsvert
stýrandi fyrir stjórnendur skóla
og kennara. Að undanförnu
hafi þó farið fram tilraunir með
nýjungar í skólastarfi og
áhugavert verði að sjá hvernig þær koma
til með að reynast. „Sú breyting hefur
einnig orðið að aðalnámskrá grunnskólans
er stöðugt til endurskoðunar og því má
búast við að breytingar til betri vegar
komi fyrr fram en ella og eigi greiðari að-
gang inn f skólastarfið."
„Ég lít á það sem kost fyrir mig að þekkja til
flestra skólanna og stjórnenda þeirra."
36