Sveitarstjórnarmál - 06.12.2011, Side 22

lfestmannaeyiabœr
Vestmannaeyja en undir þeim hatti er há-
skóla- og rannsóknakjarni samfélagsins, ef
svo má segja: Símenntunarmiðstöðin Viska,
Hafró, Matís og Atvinnuþróunarfélag Vest-
mannaeyja. Hann segir eitt af verkefnum
næstu ára að koma Þekkingarsetrinu í nýtt
húsnæði því starfsemin hafi sprengt hið
gamla utan af sér. „Við höfum verið að horfa
til gömlu Fiskiðjunnar sem ekki er lengur nýtt
undir fiskvinnslu. Þar er um að ræða 4.400
fermetra hús í hjarta bæjarins, rétt ofan við
höfnina. Sú framkvæmd mun kosta mörg
hundruð milljónir króna en þetta er verðugt
verkefni og allir hlutaðeigandi aðilar eru
áhugasamir."
Hart að okkur sótt
Elliði hefur verið framarlega í hópi þeirra sem
hafa gagnrýnt hvað harðast framkomin drög
að nýjum lögum um fiskveiðistjórnun. Hann
segir það enga tilviljun. „Það þarf ekki að
koma nokkrum manni á óvart að sá sem er
ráðinn til að gæta hagsmuna samfélagsins í
Vestmannaeyjum stígi fram og reyni að verj-
ast þegar svo hart er að okkur sótt. Ef þau
drög að frumvarpi sem sjávarútvegsráðherra
kynnti yrðu að lögum myndu aflaheimildir
Vestmannaeyja skerðast um 9.000 þorsk-
ígildistonn. Það myndi þýða að 150-200 störf
og um 500 íbúar flyttust héðan. Bæjarbúum
myndi fækka um nær 10% í einu vetfangi!
Skaðinn sem þegar er búið að vinna með því
að sýna sjávarútveginum jafn mikla óbilgirni
og gert hefur verið er gífurlegur."
Elliði segir að andstaða hans og fleiri við
„þessar arfavitlausu tillögur ríkisstjórnar" sé
alls ekki til marks um það að menn telji nú-
gildandi kvótakerfi fullkomið. „Það þarf að
laga margt í núverandi kerfi en þessar hug-
myndir um ríkisvæðingu sjávarútvegsins og
upptöku eigna eru beinlínis skaðlegar. Það
er líka vond speki að ætla að fjölga störfum
með því að draga úr framlegð. Það sem þarf
fyrst og fremst að laga í núverandi kerfi er að
auka öryggi íbúa í sjávarplássum gagnvart því
að einstakir útgerðarmenn - eða ráðamenn
- geti kostað samfélagið undirstöður sínar
með því að taka lífsbjörgina burtu."
Landsbyggðin ofurskattlögð
Aðspurður segir Elliði allt of fáa átta sig á því
að þjóðin njóti þegar arðseminnar af sjávar-
útveginum. „Við Vestmannaeyingar höfum
greitt alls um 600 milljónir króna í sértækan
skatt vegna sjávarútvegs frá árinu 2004, í
viðbót við alla þá skatta sem við greiðum
til jafns á við aðra. Ef við heimfærum
þessa upphæð upp á höfuðborgarsvæðið og
ímyndum okkur að þar væri íbúum gert að
greiða sértækan skatt vegna umsvifa, t.d. í
22