Morgunblaðið - 25.11.2011, Síða 19

FRÉTTIR 19Erlent
MORGUNBLAÐIÐ FÖSTUDAGUR 25. NÓVEMBER 2011
Bogi Þór Arason
bogi@mbl.is
Lögreglan í Bandaríkjunum hefur
haft hendur í hári sjö manna sem
eru sakaðir um að hafa ráðist á Am-
ish-fólk í Ohio til að skera skegg
karlmanna og hár kvenna. Rann-
sókn á málinu hefur leitt í ljós að
biskupar Amish-fólksins hafa farið í
hár saman og einn þeirra er sakaður
um að vera harðstjóri. Hann er m.a.
sagður hafa látið berja þá sem
standi uppi í hárinu á honum, lokað
fólk inni í kjúklingabúrum og knúið
giftar konur til kynmaka við sig.
Samuel Mullet, 66 ára biskup, þrír
synir hans, tengdasonur og tveir
aðrir fylgismenn hans hafa verið
ákærðir fyrir að hafa framið trúar-
lega hatursglæpi.
Mullet er sakaður um að hafa
skipað sonum sínum og fylgis-
mönnum að skera hár og skegg
þeirra sem óhlýðnuðust honum í
smábænum Bergholz sem hann hef-
ur stjórnað með harðri hendi.
Mennirnir eru sakaðir um að hafa
ráðist inn á heimili fólks á næturnar,
vopnaðir stórum skærum og raf-
knúnum klippum, beitt fólkið ofbeldi
og skorið skegg karlmannanna og
hár kvennanna.
Fólkið skelfingu lostið
Árásirnar ollu mikilli skelfingu
meðal Amish-fólks, sem er þekkt
fyrir að vera mjög friðsamt og hafna
ofbeldi jafnvel þótt ráðist sé á það.
Árásirnar eru álitnar mjög niður-
lægjandi fyrir Amish-fólkið vegna
þess að hefð er fyrir því að konurnar
láti ekki klippa hár sitt og karlmenn-
irnir láti sér vaxa skegg eftir að þau
ganga í hjónaband, að sögn frétta-
vefjar BBC.
Bandaríska alríkislögreglan FBI
hefur rannsakað málið og segir að
Mullet hafi haft heljartak á fylgis-
mönnum sínum í Bergholz. „Engar
ákvarðanir voru teknar í Bergholz
og enginn fékk að koma í bæinn án
leyfis Mullets,“ segir í eiðsvörnum
vitnisburði sem FBI birti í fyrradag.
Í yfirlýsingunni segir að Mullet
hafi látið fylgismenn sína refsa fólki
með barsmíðum fyrir að óhlýðnast
honum. Fólk í söfnuðinum hafi verið
lokað inni í kjúklingabúrum á
landareign hans og þurft að dúsa þar
dögum saman. Hann hafi einnig
neytt giftar konur til kynmaka á
heimili sínu í því skyni að „hreinsa
þær af djöflinum“, að sögn frétta-
veitunnar AFP.
Mullet hefur búið í Bergholz í rúm
fimmtán ár og varð biskup safnaðar-
ins þar árið 2003. Tveimur árum síð-
ar fluttu átta fjölskyldur úr bænum
vegna óánægju með störf hans sem
leiðtoga. Mullet útskúfaði fjölskyld-
unum úr söfnuði Amish-fólksins en
ákveðið var á fundi 300 Amish-
leiðtoga að ógilda útskúfunina. Sú
ákvörðun virðist hafa orðið til þess
að Mullet fyrirskipaði árásirnar.
Lögreglan segir að fylgismenn
Mullets hafi verið sakaðir um að
hafa ráðist á einn sjö biskupa, sem
samþykktu ógildinguna, og skorið
skegg hans. Þegar hann reyndi að
bera hönd fyrir höfuð sér sögðu
árásarmennirnir að hann ætti ekki
að veita mótspyrnu vegna þess að
hann væri kristinn. Biskupinn svar-
aði að ef þeir væru kristnir ættu þeir
ekki að beita hann ofbeldi. „Við er-
um ekki kristnir,“ hreyttu þeir þá út
úr sér.
Amish-fólk í Ohio fer í hár saman
 Biskup sakaður um harðstjórn og of-
beldi gegn þeim sem óhlýðnast honum
AMISH-FÓLKIÐ Í BANDARÍKJUNUM
B A N DA R Í K I N
KANADA
MEXÍKÓ
Iowa
Pennsylvanía
Maryland
Indiana Ohio
Afkomendur svissneskra og þýskra endurskírenda,
forðast nútímatækni á borð við bíla og flestir þeirra
stunda landbúnað
Söfnuðurinn er íhaldssamur angi af
mennonítahreyfingunni. Klofnaði frá helstu
mennonítahreyfingunni í Evrópu seint á 17. öld
Amish-fólkið skiptist í meginatriðum í tvo hópa.
Trúarathafnir annars þeirra fara eingöngu fram á
heimilunum en hinn hópurinn hefur tileinkað sér
nýjungar á borð við sunnudagaskóla
Rúmmilljón manna hefur tekið skírn semmennonítar í
heiminum
Ríki þar sem Amish-fólkið er fjölmennast
UM AMISH-FÓLKIÐHeildarfjöldi
227.000 (áætlað árið 2008)
Tungumál
Pennsylvaníu-þýska, enska og
háþýska
Trú
Endurskírendur, eða
anabaptistar (kristin hreyfing
sem kom fram á 16. öld og
aðhyllist m.a. fullorðinsskírn en
ekki barnaskírn)
Tengdir þjóðernishópar
Svissneskir Þjóðverjar og
Pennsylvaníu-Þjóðverjar
Heimildir: Raber's Almanac, The Colombia Encyclopaedia, Elizabethtown College
Ljósmynd: Reuters
Taílendingur notar dýnu til að komast leiðar
sinnar á einu flóðasvæðanna í grennd við Bang-
kok. Yfir 600 manns hafa látið lífið af völdum
mestu flóða í Taílandi í um það bil hálfa öld. Millj-
ónir manna hafa orðið fyrir skakkaföllum vegna
flóðanna sem eru í rénun á mörgum svæðanna og
fyrirtæki hafa víða hafið starfsemi á ný, að sögn
fréttaveitunnar Reuters. Margir skólar í höfuð-
borginni verða þó lokaðir í viku til viðbótar.
Reuters
Mannskæð flóð í rénun í Taílandi
Þjóðverjar og Frakkar, turn-
arnir tveir á evrusvæðinu,
sögðust í gær ætla að leggja til
breytingar á sáttmálum Evr-
ópusambandsins til bæta
stjórn ríkisfjármála á svæðinu.
Angela Merkel, kanslari
Þýskalands, og Nicolas Sar-
kozy, forseti Frakklands, boð-
uðu breytingarnar eftir fyrsta
fund sinn með nýjum forsætis-
ráðherra Ítalíu, Mario Monti, í Strassborg í gær.
Þau sögðu að unnið yrði að tillögunum á næstu
dögum.
Merkel sagði að tillögurnar myndu ekki fela í
sér breytingar á hlutverki Evrópska seðlabank-
ans sem ætti áfram að einbeita sér að því að halda
verðbólgu í skefjum.
Deilt um sameiginleg skuldabréf
Áður höfðu ráðherrar í frönsku stjórninni sagt
að Frakkar beittu sér fyrir því að Evrópski seðla-
bankinn yrði lánveitandi til þrautavara og fengi
heimild til að gefa út skuldabréf fyrir evrusvæðið
til að liðsinna aðildarríkjum í skuldavanda. Þjóð-
verjar eru andvígir þessu af ótta við að þeir sitji að
lokum uppi með reikninginn. Þýska stjórnin beitir
sér hins vegar fyrir því að sáttmálum ESB verði
breytt til að herða eftirlit með fjármálum skuld-
ugra ríkja á evrusvæðinu. bogi@mbl.is
Merkel og Sarkozy boða
breytingar á sáttmálum ESB
 Þýski kanslarinn segir að hlutverki Evrópska seðlabankans verði ekki breytt
Sagðar taka of langan tíma
» Nicolas Sarkozy sagði að tillögur Þjóðverja
og Frakka yrðu lagðar fram á leiðtogafundi
Evrópusambandsins 9. desember.
» Stjórnvöld í nokkrum löndum á evrusvæð-
inu hafa varað við því að það geti tekið of
langan tíma að breyta sáttmálum ESB. Einn-
ig geti verið ógerningur að knýja fram breyt-
ingar á sáttmálunum, m.a. vegna andstöðu
Breta við frekari samruna ESB-landa.
Sarkozy og Merkel
Borgin Bo í suður-
hluta Síerra Leóne
býður stúlkum,
sem standa vörð
um meydóm sinn,
fimm ára náms-
styrk til háskóla-
náms. Markmiðið
er að draga úr
tíðni þungana
meðal unglings-
stúlkna með því að tryggja að
„minnst 80% af skólastúlkum passi
upp á meydóm sinn þangað til þær
ljúka námi,“ segir Mathew Margao,
forseti borgarráðs Bo. „Borgarráðið
ætlar að ráða kvenkyns heilbrigð-
isstarfsmenn sem fá það hlutverk að
færa sönnur á meydóm stúlknanna,“
segir Margao.
Foreldrar og mannréttinda-
samtök hafa gagnrýnt þessi áform
borgarráðsins. Að sögn Abibatu
Mansaray, talskonu kvenréttinda-
samtaka í borginni, jaðrar styrkur-
inn við brot á mannréttindum
stúlkna í borginni. „Ég held að þetta
sé ekki rétta leiðin til þess að vekja
athygli á því vandamáli sem felst í
þungunum unglingsstúlkna,“ segir
Mansaray.
SÍERRA LEÓNE
Styrkir fyrir
hreinar meyjar
Unglingsstúlka
með barn sitt.
Rannsókn fer nú
fram á starfs-
háttum sjúkra-
húss í Melbourne
í Ástralíu eftir að
læknar eyddu
fóstri fyrir mis-
tök. Læknar
höfðu tilkynnt
verðandi móður,
sem gekk með tvíbura, tvo drengi,
að annar þeirra væri með alvar-
legan hjartagalla og að hann þyrfti
að fara í langvinna og hættulega
uppskurði. Að auki væru ekki mikl-
ar líkur á að hann lifði fæðinguna
af. Konan ákvað að láta eyða fóstr-
inu, en hugðist ganga áfram með
hitt barnið. Hún var komin 32 vikur
á leið og gekkst undir keisaraskurð
þar sem fjarlægja átti hjartveika
barnið. Læknar gerðu þá þau mis-
tök að fjarlægja hitt barnið. Hjart-
veika barnið lést einnig við aðgerð-
ina.
ÁSTRALÍA
Eyddu fóstri
fyrir mistök