Morgunblaðið - 05.12.2011, Blaðsíða 14

14 FRÉTTIRViðskipti | Arvinnulíf
MORGUNBLAÐIÐ MÁNUDAGUR 5. DESEMBER 2011
Helgi Snær Sigurðsson
helgisnaer@mbl.is
Þingkosningar fóru fram í Rússlandi
um helgina og skv. útgönguspá í
gærkvöldi virtist Sameinað Rúss-
land, flokkur forsætisráðherra
landsins, Vladímírs Pútíns, hafa tap-
að þónokkru fylgi frá síðustu kosn-
ingum, árið 2007. Nýjustu tölur
sýndu 49,7% fylgi við flokkinn en
hann hlaut 64% atkvæða fyrir fjór-
um árum. Allt stefndi því í að flokk-
urinn missti s.k. stjórnarskrármeiri-
hluta, tvo af hverjum þremur
þingmönnum í neðri deild rússneska
þingsins, Dúmunnar, þ.e. þann
meirihluta sem þarf til að breyta
stjórnarskrá landsins og lýsa yfir
vantrausti á forseta. Rætist út-
gönguspáin mun þingmannafjöldi
flokksins fara úr 315 mönnum í 220
en 450 þingmenn eiga sæti í neðri
deild Dúmunnar.
Á vef fréttastöðvarinnar Sky
var þetta sagt mikið högg fyrir Pútín
og að litið væri á kosningarnar sem
prófstein fyrir hann og flokk hans,
hversu mikil tök hann hefði á þjóð-
inni. Útgönguspárnar voru þó fleiri
en ein og ein þeirra, gerð af samtök-
unum VTSIOM, sýndi fylgi við Sam-
einað Rússland upp á 48% og önnur
46% fylgi. Allar bentu spárnar þó til
þess að flokkurinn missti stjórnar-
skrármeirihlutann fyrrnefnda.
Aðrir flokkar í framboði hafa
sagt kosningarnar óréttlátar þar
sem Sameinað Rússland njóti stuðn-
ings víða að, bæði fjárhagslegs og í
formi fjölmiðlaumfjöllunar. Þá höfðu
einu sjálfstæðu samtökin í landinu
sem sinna kosningaeftirliti, Golos,
eða Röddin, skrásett 5.300 meint
brot á kosningalögum í gær.
Á vef breska ríkisútvarpsins,
BBC, sagði frá því í gærkvöldi að út-
gönguspár sýndu 20% fylgi við
Kommúnistaflokkinn. Varaformaður
hans sagði flokkinn hafa fengið þús-
undir símhringinga um meint kosn-
ingabrot og svindl á fjölda kjörstaða
og fréttamaður BBC í Moskvu sagð-
ist hafa fengið margvíslegar fréttir
af slíku svindli frá stjórnarandstöðu-
flokkunum, m.a. þær að kjósendum
væri greitt fyrir atkvæði. Þá var
einnig greint frá því á vefnum að lög-
reglan hefði handtekið 100 mótmæl-
endur í miðborg Moskvu í gær.
Reuters
Högg Forsætisráðherrann Vladí-
mír Pútín á kjörstað í gær.
Sameinað Rússland
tapar miklu fylgi
 Útgönguspár í gærkvöldi bentu til þess að flokkur Pútíns
missti stjórnarskrármeirihluta í neðri deild Dúmunnar
Tvær sprengjur úr seinni heims-
styrjöldinni voru gerðar óvirkar í
borginni Koblenz í Þýskalandi í gær.
Þær komu í ljós við bakka Rínar en
langvarandi þurrkar hafa lækkað
vatnsyfirborð árinnar töluvert und-
anfarið. Nær helmingur íbúa borg-
arinnar, um 45 þúsund manns, þurfti
að yfirgefa heimili sín og aðra dval-
arstaði og voru m.a. tvö sjúkrahús,
sjö dvalarheimili fyrir aldraða og
fangelsi rýmd. Aðgerðin var sú um-
svifamesta í Þýskalandi frá árinu
1945, að því er fram kemur á vef
breska ríkisútvarpsins.
Stærri sprengjan vó um 1,8 tonn
en henni var varpað á borgina af
breska flughernum á árunum 1943-
45. Sú minni vó 125 kg og var varpað
af bandaríska flughernum. Um 600
tonn af virkum sprengjum finnast
árlega í landinu. helgisnaer@mbl.is
Hættuástand í Koblenz
 Rýma þurfti svæði í tveggja km radíus frá sprengjum
sem varpað var á borgina í seinni heimsstyrjöldinni
Reuters
Bið Vistmenn dvalarheimilis fyrir aldraða bíða þess að hættuástandi verði
aflétt í Koblenz. Rýma þurfti stóran hluta borgarinnar í gær.
Mikill fjöldi jólasveina kom saman í Greenwich-
almenningsgarðinum í Lundúnum í gær, í skemmti-
hlaupi sem blásið var til í góðgerðarskyni. Reyndar
voru ekki eiginlegir jólasveinar á ferð heldur hlaupa-
garpar í jólasveinabúningum, ýmist skeggjaðir eða
skegglausir. Hvort konan fyrir miðju myndar var að
hlusta á jólalög á hlaupunum fylgir ekki sögunni en kát
var hún enda bráðskemmtilegt uppátæki.
Reuters
Jólasveinar á hlaupum í Lundúnum
Ásgeir Ingvarsson
ai@mbl.is
„Þetta hugtak Gamification er orðið
hálfgert tískuorð, samt skilja ekki
margir að fullu hvernig þessi nálgun
virkar og um
hvað gamification
snýst,“ segir El-
ísabet Grétars-
dóttir, markaðs-
sjtóri CCP, en
hún hélt erindi
um gamification á
samkomu
ÍMARK í liðinni
viku.
Ekki virðist
enn hafa tekist að
þýða hugtakið vel yfir á íslensku, en
orðið gamification er dregið af enska
orðinu „game“ og felst í sinni allra
einföldustu mynd í því að gera leið-
inlega hluti skemmtilega. „Gamific-
ation er umfram allt markaðstæki og
snýst um að beita þeirri nálgun að
gera markaðsefni áhugaverðara fyr-
ir neytendur með því að skapa virði
fyrir þá gegnum afþreyingu eða
skemmtun þegar markaðsefnisins er
neytt,“ útskýrir Elísabet. „Mælingar
gefa til kynna að meðalmanneskjan
fái um 3.000 til 6.000 markaðsskila-
boð á hverjum degi enda margir að
reyna að ná til neytenda. Ein leiðin
til að ná betur athygli fólks er að
beita aðferðum gamification og
standa þannig upp úr. Þegar vel
tekst til verður hin jákvæða upplifun
neytandans tengd beint við hegðun
hans og þátttöku í því sem seljand-
inn vill koma á framfæri, og það
skapast sterk tilfinningaleg tengsl
við markaðsefnið.“
Búa til upplifun
Elísabet getur nefnt nokkur vel
þekkt dæmi lesendum til glöggvun-
ar: „Eitt þekktasta vörumerkið í dag
sem notar þessa nálgun mjög vel er
snjallsímavefurinn Foursquare, en í
gegnum hann geta fyrirtæki beinlín-
is verðlaunað neytendur fyrir að
vera á ákveðnum stöðum. Það verður
til skemmtileg keppni á milli fólks
um að gera ákveðna hluti, sem selj-
endur um leið sækjast eftir og njóta
góðs af.“
Íslensk fyrirtæki segir Elísabet að
hafi enn ekki tekið gamification í
sína þjónustu nema að mjög litlu
leyti. „Eitt dæmi er bókhaldsforritið
Meniga, sem leyfir notendum að
bera fjárhag sinn saman við meðaltöl
allra annarra, með myndrænum
hætti. Yfirleitt þykir það frekar leið-
inlegt að sjá um bókhaldið, en með
þessum samanburði verður til
áhugaverðari upplifun,“ segir hún.
„Annað mjög gott dæmi er Mottu-
mars, þar sem verður til skemmtileg
samfélagsleg upplifun í kringum
ákveðinn hlut og stór hópur fólks
dregst inn í uppátækið og tekur þátt
með því að setja myndir af sér á net-
ið eða minnir vini sína á að styrkja
söfnunarátakið.“
Jákvæð hvatning
Elísabet segir að mannskepnan
hafi gaman af að leika sér og ef tekst
að gera leiðinlega hluti skemmtilega
í gegnum leik sé hægt að áorka mjög
miklu og eigi við á flestum sviðum.
„Það má t.d. ímynda sér banka sem
nálgast viðskiptavini sína með því að
gefa þeim stig fyrir að bæta fjár-
hagslega heilsu sína. Að sitja fjár-
málanámskeið eða leggja reglulega
fyrir gæti þá hækkað fólk upp um
„borð“ og skapað spennandi upplifun
af annars lítt spennandi viðfangs-
efni.“
Fræðin á bak við gamification seg-
ir Elísabet að séu í senn flókin og
einföld. „Gamification snýst um að
nýta jákvæða innri og ytri hvatningu
og skapa jákvæða skilyrðingu
tengda ákveðinni hegðun. Það þarf
hins vegar ekki að vera snúið verk
fyrir flinkt markaðsfólk, sem kann
skil á félags- og sálfræði, að beita
grunnhugmyndum gamification í
verkum sínum.“
Leiðinlegir
hlutir gerðir
skemmtilegir
 „Gamification“ áhugaverð nálgun við
markaðsstarf og jafnvel samfélagsmál
 Skemmtun sterkt markaðstæki
Elísabet
Grétarsdóttir
Morgunblaðið/Golli
Kátína Elísabet segir Mottu-mars
gott dæmi um hvernig skemmtileg
iðja er notuð við markaðssetningu.
Gamification nýtist ekki aðeins í
markaðsstarfi. Elísabet segir
þannig hægt að nota sömu lögmál
í stjórnun, og ef vinnan er gerð að
líflegum leik eigi starfsmenn oft
auðveldara með að takast á við
mikið álag og miklar kröfur.
Það má jafnvel nota gamifica-
tion til að búa til betra samfélag:
„Gerð var áhugaverð tilraun í Sví-
þjóð. Þar var markmiðið að draga
úr umferðarhraða og úr varð, í
stað þess að beita aðeins nei-
kvæðum refsingum, að reyna já-
kvæða leikjanálgun,“ segir El-
ísabet en tilraunin fór þannig fram
að hraðamyndavél fylgdist með
umferð á vegarspotta, og tók
mynd af þeim sem óku undir há-
markshraða. Nokkrum metrum
neðar á veginum fékk ökumað-
urinn skilaboð sem óskuðu honum
til hamingju og tilkynntu að hann
væri kominn í happdrættispott
verkefnisins, og voru vinnings-
hafar síðan dregnir út. Útkoman
varð sú að hraði bíla á veginum
minnkaði um 22%.“
Elísabet segir bíla raunar gott
dæmi um bæði neikvæðar og já-
kvæðar afleiðingar leikja. „Því má
halda fram að hraðamælirinn ýti í
raun undir hraðan og orkufrekan
akstur, því ef ekið er á hæfilegum
hraða sýnir mælirinn ekki „fullt
hús stiga“. Án vafa myndi það
breyta aksturslaginu ef vísarnir í
mælaborðinu gæfu þeim mun
hærri „stig“ eftir því sem bílnum
væri ekið af meiri skynsemi.“
Leikir sem bæta samfélagið
NÁLGUN SEM MÁ NOTA VÍÐA
Erlent