Morgunblaðið - 03.01.2012, Síða 28

28 UMRÆÐAN Bréf til blaðsins
MORGUNBLAÐIÐ ÞRIÐJUDAGUR 3. JANÚAR 2012
www.birkiaska.is
Birkilauf- Betulic
Birkilauf hefur góð áhrif á bæði vökvajafnvægi
líkamans og húð, örvar starfsemi nýrna og þvagfæra.
Hraðar efnaskiptum og losar vatn úr líkamanum,
dregur úr bólgum og afeitrar líkamann (detox).
Jólahappdrætti Sjálfsbjargar
Dregið var 24. desember 2011
1. Kia Picanto EX 1,2 að verðmæti kr. 2.597.777.
13344
2.-11. iPhone 4S - 16 GB, hver að verðmæti kr. 169.990.
113 6103 7112 10157 16785
1117 6265 7121 12998 19601
12.-21. Sony 40" HD sjónvarp, hvert að verðmæti kr. 159.990.
1691 9794 10728 15492 22228
2903 10233 13107 16193 23055
22.-31. Bensínúttektir, hver að verðmæti kr. 100.000.
7576 13160 13212 18151 19185
11959 13163 17586 18224 23315
32.-55. Vöruúttektir að eigin vali, hver að verðmæti kr. 60.000.
513 6932 11039 13182 16185 20041
3845 8164 12599 13617 16407 22998
4628 8175 12744 15325 19267 23143
6816 10601 12867 15995 19836 24185
Þau leiðu mistök urðu við útgáfu happdrættismiða í Jólahappdrætti
Sjálfsbjargar að sendir voru út nokkrir miðar með hærra númeri en
25.000 en einungis var dregið úr þeim fjölda miða. Þeir sem hafa greitt
slíkan miða eru hvattir til að hafa samband við skrifstofu Sjálfsbjargar í
síma 899 0065 til að fá miðann endurgreiddan.
Handhafar vinningsmiða eru vinsamlega beðnir um að framvísa þeim á
skrifstofu Sjálfsbjargar landssambands fatlaðra að Hátúni 12, Reykjavík,
sími 550 0360.
Byrjað verður að greiða út vinninga þann 11. janúar nk.
Vinningaskrá er einnig birt á heimasíðu samtakanna, sjalfsbjorg.is
og textavarpi RÚV.
Sjálfsbjörg landssamband fatlaðra
þakkar landsmönnum veittan stuðning.
(b
irt
án
áb
yr
gð
ar
)
Vinningar og vinningsnúmer
Forsíðufrétt Frétta-
blaðsins 27. desember
2011 er „Langlífi og lök
ávöxtun kostar borgina
8,6 milljarða“ –
„Hækka þarf iðgjald
Reykjavíkurborgar í líf-
eyrissjóð starfsmanna
um tæp fjögur prósent
eigi A-deild sjóðsins að
standa undir skuldbind-
ingum sínum.“
„Ástæðurnar fyrir veikri stöðu A-
deildarinnar segja fréttadvergar
Fréttablaðsins, vera verulegar breyt-
ingar á forsendum varðandi lífslíkur
og örorkulíkur annars vegar og hins
vegar slæm skilyrði til ávöxtunar,
einkum vegna hrunsins 2008 en einn-
ig vegna áhrifa netbólunnar upp úr
árinu 2000. Hallinn sé nú 13 millj-
arðar, þar af megi rekja 8,6 milljarða
til breytinga á lífslíkum. Meðalaldur
sjóðfélaga sé nú fimm árum hærri en
við stofnun sjóðsins. Það sé því ekk-
ert annað í stöðunni en að hækka
framlag borgarinnar.“
Í greinargerð Kristbjargar Steph-
ensen borgarlögmanns og Birgis
Björns Sigurjónssonar fjár-
málastjóra er sagt að ófyrirsjáanleg
atvik ráði því að staða sjóðsins sé
næstum fimmtán milljörðum undir
þörfum. Hvergi er horft nánar til mis-
taka stjórnsýslu þessa lífeyrissjóðs
frá netbólu gegnum liðna tíð. Mistök í
ávöxtun sjóðsins eru viðurkennd en
meginvandinn sem er langlífi sjóðs-
eigenda virðist með öllu vera ófyrsjá-
anlegt óhapp.
Stjórnsýsluafglöp fjármálsnillinga í
netbólunni og einkabankabólunni
þekkjum við öll og vitum að „snillin“
var hræðilegur smitsjúkdómur sem
smitaði alla fjárgeymslumenn og
jafnvel gætnustu konur í þeirri stétt
með lottóleikjaræði og ýmsu öðru
verra á því sviði, en við venjulegir
elstu menn og einföldu, höfum hingað
til trúað því að fræðimenn háskólanna
á sviði lögfræði og hagfræði kenndu
nemendum sínum að nota gagna-
banka Hagstofu Íslands þegar mann-
fjöldaháð áætlanagerð er í smíðum.
Nú er að duga eða drepast, lífeyr-
isjóðsmenn! Þið haldið
að hallinn sé þrettán
milljarðar, hann er mun
meiri, jafnvel tvöfalt
meiri, 67+ voru um
26.000 í desember 2010
en verða um 60.000 í
desember 2030. Í nýleg-
um mannfjöldaspám
hefur verið miðað við að
8% til 10% mannfjölda á
Íslandi sé 67+ und-
anfarin ár, en verði lík-
lega um 17% 2030 og
um 19% 2050. Ef við
gefum okkur að Íslendingar verði 375
þús. 2050 verða 67+ um 71.400. Árleg
aukning undanfarið hefur verið rúm-
lega 1% en stefnir í 3% um 2020, en
tekur svo að lækka aftur að 1%.
Forsendur framreikningsins eru:
Gert er ráð fyrir að meðalævilengd
kynjanna hækki jafnt og þétt yfir
tímabilið 2003-2042 og verði orðin í
lok þess 82,1 ár hjá körlum og 84,8 ár
hjá konum. Í dag er meðalævi-lengd
karla 77,6 ár og hjá konum 81,4 ár.
Reiknað er með að hver kona fæði að
meðaltali 2,05 börn á tímabilinu 2003-
2042, en það er meðaltal árin 1996-
2000.
Farið því vinsamlega varlega með
afleiðingar aukinna lífsgæða sem auð-
vitað leiða af sér fleiri starfsmenn hjá
borginni. Þið hugumstóru borg-
arstjórnarmenn og gætið pyngjunnar
vel, svo eitthvað verði til á öldr-
unarskeiði ykkar og ykkar jafnaldra,
en hjálpið jafnframt okkur í verk-
efnum sem bæta sér gæði öldr-
unarþjónustu fyrir okkur og komandi
eldri borgara.
Svo getum sest niður og fundið
leiðina að enn meiri lífsgæðum og
langlífi.
Er langlífi þjóð-
hagslegur vandi?
Eftir Erling Garðar
Jónasson
» Farið því vinsamlega
varlega með afleið-
ingar aukinna lífsgæða
sem auðvitað leiða af sér
fleiri starfsmenn hjá
borginni.
Erling Garðar Jónasson
Höfundur er formaður samtaka
aldraðra.
Miðvikudaginn 28. desember var ég
ásamt fjölmörgum öðrum við-
staddur kraftaverk þegar úthlutað
var styrkjum til íþrótta- og æsku-
lýðsstarfs í Eyjafirði úr Samherja-
sjóðnum. Já, ég segi kraftaverk, og
vil með örfáum orðum koma á fram-
færi þakklæti til Samherja hf.,
starfsfólks, stjórnenda og eigenda
fyrirtækisins. Ágæti Samherji, ég
þakka þér.
Við forsvarsmenn íþróttahreyf-
ingarinnar, formenn og fulltrúar
íþróttafélaga og æskulýðsfélaga á
Akureyri og í Eyjafirði sem notið
hafa stuðnings Samherja vil ég
segja þetta: Áttum okkur á því að
við erum ekki og megum ekki fara
að líta á okkur sem áskrifendur að
samfélags- og íþróttastyrkjum úr
þessum brunni
og fara að haga
framtíðaráætl-
unum út frá því.
Vinnum fyrir
okkar félög með
það í huga að þau
þurfa að lifa, þríf-
ast og dafna
vegna ósérhlífni
okkar, sjálf-
boðaliðastarfs og
fórnfýsi fjölda fólks. Styrkurinn úr
Samherjasjóðnum gerir okkur þetta
starf allt miklu auðveldara, en það
er ekki sjálfsagt mál að úr sjóðum
Samherja streymi tugmilljónir ár-
lega til þessa starfs. Við þurfum að
kunna að lifa án þessa styrks því
núna eftir fjórðu úthlutunina á jafn-
mörgum árum er freistandi að fara
að líta á þetta sem fastan „tekju-
stofn“. Okkar mesti lærdómur væri
að þurfa að reka okkar starf án
Samherja í eitt ár. Þá yrðum við
óþyrmilega minnt á þau sannindi að
enginn veit hvað átt hefur fyrr en
misst hefur.
Högum okkur ekki eins og styrk-
ir úr Samherjasjóðnum komi jafn
örugglega og jólin. Það er ekki
sjálfsagt að þessi sjóður sé til og
það er ekki sjálfsagt að við fáum
slíkar upphæðir úr þessum sjóði á
hverju ári.
Ekki spyrja hvað Samherji getur
gert fyrir okkur. Spyrjum hvað við
getum gert fyrir Samherja.
Takk fyrir mig og mína.
HARALDUR INGÓLFSSON,
félagi í Íþróttafélaginu Þór
á Akureyri og Skautafélagi
Akureyrar.
Frá Haraldi Ingólfssyni
Morgunblaðið/Skapti Hallgrímsson
Stjórnendur Samherja og fulltrúar þeirra félagasamtaka sem hlutu styrki úr Samherjasjóðnum á þessu ári.
Haraldur
Ingólfsson
Verum ekki áskrifendur
Það er ekki víst að nafn bók-
arinnar kveiki áhuga almennings
til að kaupa eða lesa þessa lát-
lausu kilju sem Sigurður Grétar
Guðmundsson í Þorlákshöfn skrif-
ar um afa sinn Halldór Hall-
dórsson bónda á Syðri-Rauðalæk í
Holtum. Þessa bók las ég um há-
tíðarnar og svo spennandi var sag-
an og bókin vel skrifuð að ég las
hana eins og bestu spennusögu.
Margt eldra fólk í Rangárþingi
kann enn sögu Halldórs og sumt
man Margréti seinni konu hans
sem bjó í Sandhólaferju með sín-
um þriðja manni Sigurði Jós-
efssyni.
Af Halldóri Halldórssyni er
komin stór ættbogi, hann eignaðist
22 börn og afkomendur hans nálg-
ast eitt þúsund manns, margt
þekkt og ágætt fólk bæði í Rang-
árvalla- og Árnessýslu og víðar.
Þar kenni ég meðal annars frænd-
fólk af Berustaðakyni. Enginn fær
forðast örlög sín, sagði gamla fólk-
ið, menn geta í mesta lagi frestað
þeim. Lúsin sú fyrsta sem fannst í
hári Halldórs spáði honum að
hann ætti eftir að farast í sjó.
Móðir hans, skörungur mikill, Val-
gerður að nafni og Salvör grið-
kona settu lúsina á þröskuldinn á
útidyrunum á Syðri-Rauðalæk,
færi hún inn var
öllu óhætt en
færi lúsin út var
sjórinn, hin
kalda gröf, það
sem blasti við
drengnum. Á
síðustu öldum
sáu foreldrar á
eftir mörgum
syninum í hafið
undan suðurströndnni. Valgerður
var staðráðinn í að berjast gegn
spádómi lúsarinnar og gerði það.
Tvennt lagði hún á Halldór sinn í
framhaldinu gegn vilja hans, að
hann færi aldrei til sjós og aldrei
til Þorlákshafnar. Svo verða menn
að lesa bókina og sjá hvernig ör-
laganornin vefur mönnum sinn vef.
Enginn flýr örlagadaginn mikla og
það sem honum er ætlað. Bókin er
frábær heimild um lífsbaráttu ís-
lendinga þegar neyðin var stærst.
Sigurður segir vel frá búskap og
lifnaðarháttum fólks, lýsir fólki af
miklu næmi, auðvitað er bókin
söguleg skáldsaga sem styðst við
heimildir. Nöfn fólks sem við sögu
kemur eru flest eða öll raunveru-
leg. Kirkjuferðirnar voru til margs
nýtilegar í þá daga, ekki bara til
að skeggræða málefni líðandi
stundar eða hlusta á prestinn,
heldur einnig fyrir unga fólkið að
leita sér að maka. Halldór fann
sínar konur í kirkjuferðum í Kálf-
holts- og Árbæjarkirkjum, fyrst
Elínu Tómasdóttur frá Sauðholti
og síðar Margréti Bárðardóttir frá
Efra-Seli. Hann varð hins vegar
vegna ráðríkis hálfsystur sinnar
Helgu Ásmundsdóttur að fara í
ullarnærbrókinni að biðja Mar-
grétar.
Þessi bók er stórbrotin harm-
saga en um leið upplifir lesandinn
margar sólskinsstundir. Kynnist
lífsbaráttu sem snerist um að
komast af í hinu fátæka bænda-
samfélagi nítjándu aldarinnar.
Maður skynjar óvissuna, fátæktina
og ekki síst hinn ógnvænlega
barnadauða sem fylgdi þessari öld.
Halldór var gleðimaður vinsæll
og rómaður af sveitungum sínum
og þegar ættarskráin er lesin sér
maður að afkomendur hans sækja
margt til forföðurins. Hver sá sem
þessa bók les leggur hana ekki frá
sér fyrr en við sögulok. Engum
þarf að koma á óvart að Sigurður
Grétar skrifi svo góða bók, í ein
sextán ár ritaði hann vikulegan
pistil um pípulagnir í Morg-
unblaðið og pistlana las maður
ekki af áhuga um pípulagnir held-
ur vegna þess að í þeim var eitt-
hvað sem hitti mann og gladdi.
GUÐNI ÁGÚSTSSON,
fv. alþm. og ráðherra.
,,Spádómur lúsarinnar“ – Stór-
merkileg örlaga- og baráttusaga
Frá Guðna Ágústssyni
Guðni Ágústsson
- nýr auglýsingamiðill
569-1100