Morgunblaðið - 06.03.2012, Blaðsíða 14

14
MORGUNBLAÐIÐ ÞRIÐJUDAGUR 6. MARS 2012
Anna Lilja Þórisdóttir, Egill Ólafsson og
Hallur Már
Geir H. Haarde, fyrrverandi forsætisráðherra,
sagði þann stað „vandfundinn“ sem hefði viljað
taka við íslensku bönkunum þegar hann gaf
skýrslu um aðgerðir sínar í aðdraganda efna-
hagshrunsins á fyrsta degi landsdómsmálsins.
Bekkurinn var þéttsetinn í Þjóðmenningar-
húsinu og áður en aðalmeðferðin hófst þurftu
nokkrir frá að hverfa sem vildu horfa á. Voru
fulltrúar erlendra fjölmiðla viðstaddir.
Tveir ákæruliðir af sex hafa sem kunnugt er
verið felldir niður. Standa þar eftir ákæra fyrir
meinta vanrækslu við að tryggja að störf og
áhersla samráðshóps stjórnvalda um fjár-
málastöðugleika og viðbúnað væru markviss,
fyrir að hafa vanrækt að draga úr stærð
bankakerfisins og fyrir að hafa ekki fylgt því
eftir að Icesave-reikningar Landsbankans
yrðu fluttir yfir í dótturfélag í Bretlandi. Varð-
ar sjötti ákæruliðurinn skort á frumkvæði að
formlegum ráðherrafundi um ástandið í
bankakerfinu.
Við yfirheyrslurnar yfir Geir var hann
spurður um þann kost að flytja höfuðstöðvar
íslensku bankanna, eins eða fleiri, úr landi.
Kvaðst Geir þá kannast við umræður um þetta,
sérstaklega varðandi Kaupþing.
Hefðu viljað skoðað bankana ítarlega
Benti Geir svo á að íslensk stjórnvöld hefðu
viljað að bankarnir greiddu áfram skatta á Ís-
landi og veittu fólki hér vinnu. Þegar hug-
myndir um að flytja höfuðstöðvar þeirra úr
landi hefðu kviknað hefði verið ljóst að slíkt
væri umfangsmikið og að hvert það land sem
hefði átt að taka við íslenskum banka hefði vilj-
að skoða hann ítarlega og fullvissa sig um
stöðu hans.
Andri Árnason, lögmaður Geirs, gerði að
umtalsefni skýrslur sem birtust um stöðu
bankanna áður en þeir féllu 2008.
Kom þá meðal annars fram að Geir taldi að
bankarnir væru að vinna í því að styrkja stöðu
sína. „Var ykkur kynnt skýrsla sem tilgreindi
þær eignir sem hægt væri að selja til að bæta
ástandið?“ spurði Andri. „Ég man ekki eftir
því að það væri lagt til,“ svaraði Geir.
Andri spurði þá Geir hvort umræðan hefði
einhvern tímann komist á það stig að þeir sem
voru að fjalla um stöðu bankakerfisins hefðu
tilgreint eignir sem hægt væri að selja. Geir
sagðist ekki minnast þess.
Vísað var í skýrslu Lárusar Welding, fyrr-
verandi forstjóra Glitnis, þar sem hann greinir
frá verkefnum innan Glitnis varðandi sölu á
eignum bankans árið 2008. Þar sagði Lárus
m.a. að í gangi væru „þrettán stór verkefni
sem miðuðu að því að styrkja stöðu bankans“.
„Var það þinn skilningur, að bankarnir væru
sjálfir að vinna í þessum málum?“ spurði Andri
þá Geir. „Ég get alveg hiklaust sagt að það hafi
verið,“ svaraði Geir. Sigríður J. Friðjónsdóttir
saksóknari gerði meinta hótun Kaupþings um
að fara úr landi að umtalsefni og sagðist Geir
þá vita til þess að bankinn hefði lagt drög að
því að fara úr landi.
Spurður hvort bankarnir hefðu orðið svona
stórir vegna stefnu ríkisstjórnarinnar svaraði
Geir að þeir hefðu orðið svona stórir áður en
hún tók við, þ.e. árið 2007. „En það voru ekki
íslenskar aðstæður sem gerðu bönkunum
kleift að stækka. Þeir stækkuðu vegna þess að
þeir sáu sér kleift að gera það.“
Sigríður saksóknari las upp úr tölvupósti
Geirs þar sem sagði að bankarnir yrðu að grípa
til nauðsynlegra aðgerða. Geir sagði að sér
hefðu borist þúsund tölvupóstar. Hann var
spurður að því hvaða skilyrði yrðu sett varð-
andi opinber inngrip. Í hverju áttu þau að fel-
ast og hver átti að taka ákvörðun um þau?
Inngrip komu seint til umræðu
„Það kom ekki til þess fyrr en í lok sept-
ember 2008, að menn voru að velta því fyrir sér
hvort að slíkt gæti komið upp,“ svaraði Geir.
Sigríður las þá upp úr tölvupósti frá Jónasi
Fr. Jónssyni, þáverandi forstjóra Fjármála-
eftirlitsins, þar sem var listi í 7 liðum um
mögulegar aðgerðir stjórnvalda. Pósturinn var
sendur Tryggva Pálssyni, sem var í þessum
hópi fyrir hönd Seðlabankans.
Geir var spurður að því hvort hann áttaði sig
á því hvaða stjórnvöld væri þarna átt við. Hann
svaraði því til að þetta væri listi yfir atriði sem
grípa ætti til ef illa færi. Hann sagðist ekki
hafa séð þetta plagg fyrr en síðar.
Málsvörnin hafin
 Geir H. Haarde gaf skýrslu fyrir landsdómi um aðgerðir sínar í aðdraganda efnahagshrunsins
 Sagði það land „vandfundið“ sem hefði viljað taka við íslensku bönkunum áður en þeir féllu
 Tók mark á fullyrðingum forystumanna bankanna um að þeir undirbyggju sölu eigna
Morgunblaðið/Kristinn
Málareksturinn hafinn Sigríður J. Friðjónsdóttir, saksóknari Alþingis, og Helgi Magnús Gunn-
arsson, varasaksóknari, koma sér fyrir í Þjóðmenningarhúsinu. Fjölmenni var í salnum.
Undirbúin Andri Árnason, Geir H.
Haarde, og aðstoðarmenn Andra,
Hólmfríður Björk Sigurðardóttir
og Friðrik Árni Friðriksson Hirst
Aðalmeðferð í landsdómsmálinu