Morgunblaðið - 06.03.2012, Síða 31

MENNING 31
MORGUNBLAÐIÐ ÞRIÐJUDAGUR 6. MARS 2012
Þeir eru margir sem þekkjasöguþráð Vesalinganna ogþað væri sjálfsagtskemmtilegt rannsókn-
arefni að skoða hvernig mismun-
andi aldurshópar hafa komist í tæri
við verkið, hvort það var í gegnum
skáldsögu Victors Hugo, bíómynd,
myndasögu eða söngleikinn. Ég
heyrði bókina upphaflega lesna
upphátt í styttri íslenskri þýðingu
sem framhaldssögu af prestinum
sem kenndi okkur kristin fræði í
Vogaskóla. Hann hefur sennilega
talið að boðskapur verksins myndi
gera okkur jafn gott og námsefnið.
Saga Vesalinganna eins og hún
kemur fyrir í söngleiknum nálgast
að vera það sem stundum er kallað
vella, en hún er falleg í einlægni
sinni og trú á kærleikann og hið
góða – án þess að augum sé lokað
fyrir misrétti, eymd og hinu illa. Ég
mæli með því að fólk rifji upp sögu-
þráðinn áður en það sér verkið og
glöggvi sig á helstu persónum. Í
leikskrá er mjög góð lýsing ásamt
myndum af helstu persónum.
Verkið, sem gerist á fyrri hluta
19. aldar í Frakklandi, segir í stuttu
máli sögu Jean Valjean, fanga núm-
er 24601, frá því að hann sleppur úr
fangelsi eftir nítján ára dvöl sem
upphaflega var vegna þess að hann
stal brauði handa svöngu barni og
þar til hann deyr hamingjusamur í
návist tveggja ungmenna sem hann
hefur hvoru á sinn hátt bjargað.
Jafn gaman og það er að fara í
leikhús þar sem fáir leikarar í ein-
földu rými fanga athygli manns og
áhuga er það líka stórkostlegt að
upplifa vel heppnaðan söngleik þar
sem hvergi er slegið af og það á við
hér. Leikmyndin er flókin, falleg og
hugvitsamleg, snúningssvið er mik-
ið notað, við sjáum miklar og litrík-
ar hópsenur og reyk og spreng-
ingar svo sætin nötra. Undir öllu er
pottþétt hljómsveit og ofan á eru
falleg lög og nánast undantekning-
arlaust fagur söngur. Selma Björns-
dóttir leikstjóri hefur unnið verk
sitt vel.
Þór Breiðfjörð er tvímælalaust
stjarna verksins sem strokufanginn
Jean Valjean og glæsileg frammi-
staða hans lyftir allri sýningunni
upp. Auk þess að syngja afburðavel
tekst honum að miðla persónu Jean
Valjean þannig að maður trúir því
hiklaust að hann sé afrendur að afli
og þá ekki síður að hann sé orðinn
roskinn í lok verksins.
Valgerður Guðnadóttir er Fant-
ine, verkakona og móðir Cosette
sem Valjean á eftir að taka í fóstur.
Hún syngur fallega og kemur text-
anum sérlega vel til skila. Eyþór
Ingi Gunnlaugsson er Marius,
námsmaður sem verður ástfanginn
af Cosette. Hann syngur og leikur
einnig vel. Arnbjörg Hlíf Valsdóttir,
sem er vasaþjófur sem elskar Mar-
ius á laun, er hér í essinu sínu og er
góður söngvari. Þá er Jóhannes
Haukur Jóhannesson með fallega
og kröftuga rödd en hann er Enjol-
ras, námsmaður og leiðtogi bylting-
arsinna.
Alltaf er gaman að heyra Eggert
Þorleifsson syngja og hans mjóa
rödd býr yfir sjarma en hann leikur
biskupinn af Digne af látleysi. Egill
Ólafsson er hér Javert fangelsis-
stjóri og síðar lögreglustjóri. Egill
er mjög góður söngvari. Það er
mikið af honum sjálfum í Javert,
bæði munn- og handahreyfingar
sem eru manni kunnuglegar. Auð-
vitað er ekkert sem útilokar að Ja-
vert sé nákvæmlega svona maður
en þetta truflaði mig aðeins.
Herra og frú Ténardier, kráar-
eigendur og þjófar, eru leikin af
Margréti Vilhjálmsdóttur og
Ladda. Þau eru skemmtileg og
Margrét á sérstaklega góða spretti.
Rödd Ladda er falleg en ekki mikil
og hann er náttúrlega afbragðs
gamanleikari. Cosette er góð stúlka
og fögur og þar af leiðandi ögn lit-
laus. Vigdís Hrefna Pálsdóttir var
hin þekkilegasta í hlutverki hennar
og söng prýðilega.
Margir fleiri syngja fallega í sýn-
ingunni: Heiða Ólafsdóttir, Margrét
Eir, Bjarni Snæbjörnsson, Ragn-
heiður Steindórsdóttir og Orri Hug-
inn Ágústsson svo nokkur séu
nefnd. Nokkur börn koma fram í
sýningunni og sýna mikla fag-
mennsku. Valgeir Hrafn Skagfjörð
var sjálfsöruggur í hlutverki Gavr-
oce, götustráks í herbúðum bylting-
arsinna.
Textinn – sem maður heyrir nátt-
úrlega ekki frá orði til orðs – virtist
laus við tilgerð og upphafningu.
Hljómsveitin undir stjórn Þorvaldar
Bjarna var sem fyrr segir pottþétt.
Ég sat nálægt gryfjunni og í örfá-
um tilvikum fannst mér hún full-
sterk miðað við sönginn.
Hvergi slegið af
Vesalingarnir bbbbn
Vesalingarnir, söngleikur eftir Alain
Boublil og Claude-Michel Schönberg,
byggður á skáldsögu Victors Hugo. Tón-
list eftir Claude-Michel Schönberg,
söngtextar eftir Herbert Kretzmer.
Leikarar: Þór Breiðfjörð, Egill Ólafsson,
Valgerður Guðnadóttir, Þórhallur Sig-
urðsson, Margrét Vilhjálmsdóttir, Jó-
hannes Haukur Jóhannesson, Eyþór
Ingi Gunnlaugsson, Arnbjörg Hlíf Vals-
dóttir, Vigdís Hrefna Pálsdóttir,
Atli Þór Albertsson, Baldur Trausti
Hreinsson, Bjarni Snæbjörnsson, Edda
Arnljótsdóttir, Eggert Þorleifsson, Frið-
rik Friðriksson, Heiða Ólafsdóttir, Hilmir
Jensson, Jana María Guðmundsdóttir,
Margrét Eir Hjartardóttir, Orri Huginn
Ágústsson, Ragnheiður Steindórsdóttir,
Þórunn Arna Kristjánsdóttir, Ævar Þór
Benediktsson.
Börn: Hrefna Karen Pétursdóttir / Hall-
dóra Elín Einarsdóttir, Elva María Birg-
isdóttir / Agla Bríet Gísladóttir, Ari Páll
Karlsson / Valgeir Hrafn Skagfjörð.
Tónlistarstjórn: Þorvaldur Bjarni Þor-
valdsson, leikmynd: Finnur Arnar Arn-
arson, búningar: María Ólafsdóttir,
sviðshreyfingar: Kate Flatt, lýsing: Lár-
us Björnsson og Ólafur Ágúst Stef-
ánsson, aðstoðarmaður leikstjóra: Stef-
án Hallur Stefánsson, þýðing: Friðrik
Erlingsson.
Leikstjórn: Selma Björnsdóttir. Stóra
svið Þjóðleikhússins 3. mars 2012.
SIGURÐUR G.
VALGEIRSSON
LEIKLIST
Töfrandi Leikmyndin er flókin, falleg og hugvitsamleg, snúningssvið er mikið notað, við sjáum miklar og litríkar
hópsenur og reyk og sprengingar svo sætin nötra. Undir öllu er pottþétt hljómsveit og ofan á eru falleg lög.
Stjarna Þór Breiðfjörð er tvímæla-
laust stjarna uppfærslunnar.
Les Misérables - Vesalingarnir (Stóra sviðið)
Fös 9/3 kl. 19:30 2.sýn Fös 30/3 kl. 19:30 AUKAS. Fös 27/4 kl. 19:30 18.sýn
Lau 10/3 kl. 19:30 3.sýn Lau 31/3 kl. 19:30 AUKAS. Lau 28/4 kl. 19:30 19.sýn
Sun 11/3 kl. 19:30 4.sýn Sun 1/4 kl. 19:30 13.sýn Sun 29/4 kl. 19:30 20.sýn
Fös 16/3 kl. 19:30 5.sýn Fim 12/4 kl. 19:30 14.sýn Fös 4/5 kl. 19:30 21.sýn
Lau 17/3 kl. 19:30 6.sýn Fös 13/4 kl. 19:30 AUKAS. Lau 5/5 kl. 19:30 22.sýn
Sun 18/3 kl. 19:30 7.sýn Lau 14/4 kl. 19:30 AUKAS. Sun 6/5 kl. 19:30 23.sýn
Fös 23/3 kl. 19:30 8.sýn Sun 15/4 kl. 19:30 15.sýn Fös 11/5 kl. 19:30 24.sýn
Lau 24/3 kl. 19:30 9.sýn Fös 20/4 kl. 19:30 AUKAS. Lau 12/5 kl. 19:30 25.sýn
Sun 25/3 kl. 19:30 10.sýn Lau 21/4 kl. 19:30 16.sýn Sun 13/5 kl. 19:30 26. sýn
Mið 28/3 kl. 19:30 11.sýn Sun 22/4 kl. 19:30 17.sýn
Fim 29/3 kl. 19:30 12.sýn Mið 25/4 kl. 16:00 AUKAS.
Aðeins sýnt fram í júní!
Heimsljós (Stóra sviðið)
Fim 8/3 kl. 19:30 18.sýn Mið 14/3 kl. 15:00 AUKAS. Fim 15/3 kl. 19:30 síð.sýn
Síðasta sýning 15.mars!
Dagleiðin langa (Kassinn)
Mið 7/3 kl. 19:30 6.sýn Fös 16/3 kl. 19:30 10.sýn Lau 24/3 kl. 19:30
Fös 9/3 kl. 19:30 7.sýn Lau 17/3 kl. 19:30 11.sýn Sun 25/3 kl. 19:30
Lau 10/3 kl. 19:30 8.sýn Sun 18/3 kl. 19:30 12.sýn
Sun 11/3 kl. 19:30 9.sýn Fös 23/3 kl. 19:30
Frumsýnt 24.febrúar
Litla skrímslið og stóra skrímslið í leikhúsinu (Kúlan)
Lau 10/3 kl. 13:30 Sun 11/3 kl. 15:00 Sun 18/3 kl. 13:00
Lau 10/3 kl. 15:00 Lau 17/3 kl. 13:30 Sun 18/3 kl. 15:00
Sun 11/3 kl. 13:30 Lau 17/3 kl. 15:00
Hjartnæm og fjörmikil sýning
Sjöundá (Kúlan)
Fim 8/3 kl. 19:30 Fim 22/3 kl. 19:30 Mið 28/3 kl. 19:30
Ný leiksýning um morðin á Sjöundá
Glerdýrin (Þjóðleikhúskjallarinn)
Þri 20/3 kl. 19:30 Mán 26/3 kl. 19:30 Þri 3/4 kl. 19:30
Lau 24/3 kl. 15:00 Mán 2/4 kl. 19:30
Orð skulu standa (Þjóðleikhúskjallarinn)
Fim 8/3 kl. 21:00
Útvarpsþátturinn Orð skulu standa öðlast nýtt líf á sviði!
Fanný og Alexander (Stóra sviðið)
Fim 8/3 kl. 20:00 Fim 15/3 kl. 20:00 aukas Fös 23/3 kl. 20:00
Fös 9/3 kl. 20:00 Lau 17/3 kl. 20:00 Sun 25/3 kl. 20:00 aukas
Sun 11/3 kl. 20:00 aukas Sun 18/3 kl. 20:00 aukas Lau 31/3 kl. 20:00 lokas
Hin stórbrotna fjölskyldusaga loks á svið. Sýningum lýkur í mars.
Galdrakarlinn í Oz (Stóra sviðið)
Sun 11/3 kl. 14:00 Lau 31/3 kl. 14:00 Sun 22/4 kl. 14:00
Sun 18/3 kl. 14:00 Sun 1/4 kl. 14:00 Sun 29/4 kl. 14:00
Sun 25/3 kl. 14:00 Sun 15/4 kl. 14:00
Einn vinsælasti fjölskyldusöngleikur allra tíma
NEI, RÁÐHERRA! (Menningarhúsinu Hofi)
Lau 10/3 kl. 19:00 Fös 16/3 kl. 19:00
Lau 10/3 kl. 22:00 aukas Fös 16/3 kl. 22:00
Gríman: Áhorfendasýning ársins 2011. Sýnt í Hofi í mars
Eldhaf (Nýja sviðið)
Mið 7/3 kl. 19:00 aukas Sun 11/3 kl. 20:00 Sun 18/3 kl. 20:00 lokas
Fim 8/3 kl. 20:00 Fim 15/3 kl. 20:00
Fös 9/3 kl. 20:00 Lau 17/3 kl. 20:00 aukas
Sýning 7/3 til styrktar UN Women og umræður á eftir. Síðustu sýningar
Axlar - Björn (Litla sviðið)
Fim 8/3 kl. 20:00 Fim 15/3 kl. 20:00 Fim 22/3 kl. 20:00 lokas
Nýtt verk úr smiðju Vesturports. Síðustu sýningar
Saga Þjóðar (Litla sviðið)
Fös 9/3 kl. 20:00 Lau 17/3 kl. 20:00 Lau 31/3 kl. 20:00
Lau 10/3 kl. 20:00 Fös 23/3 kl. 20:00 Sun 1/4 kl. 20:00
Sun 11/3 kl. 20:00 Lau 24/3 kl. 20:00
Fös 16/3 kl. 20:00 Sun 25/3 kl. 20:00
Íslandssagan á hundavaði í tónsjónleik með Hundi í óskilum.
Gói og baunagrasið (Litla sviðið)
Sun 11/3 kl. 13:00 Sun 18/3 kl. 14:30 Sun 15/4 kl. 13:00
Sun 11/3 kl. 14:30 Sun 25/3 kl. 13:00 Sun 22/4 kl. 13:00
Sun 18/3 kl. 13:00 Sun 1/4 kl. 13:00 Lau 28/4 kl. 13:00
Leikhústöfrar með Góa og Þresti fyrir börn á öllum aldri
Mínus 16 (Stóra sviðið)
Lau 10/3 kl. 20:00 Fös 16/3 kl. 20:00
Íslenski Dansflokkurinn - Verk eftir rokkstjörnu dansheimsins Ohad Naharin
Nei Ráðherra – í Hofi í mars
Jóhanna Helga Þorkelsdóttir myndlist-
arkona opnaði sýningu á laugardaginn í
SÍM-húsinu, Hafnarstræti 16. Opið er 10
til 16 virka daga.
Sýninguna kallar Jóhanna „Í dag er
góður dagur og ég er í sólskinsskapi“.
Snýst hún um vangaveltur um áhrif ljóss
og lita á viðkvæm sálartetur. Jóhanna sýn-
ir baklýst ljósverk með áprentuðum film-
um og bera þær myndir af litlum líf-
heimum sem eru unnar lag eftir lag og
vísa allar í ljóstillífun af einhverju tagi. Að
auki sýnir hún verk unnin beint á vegg sal-
arins. Ljós Hluti eins verka Jóhönnu.
Jóhanna Helga í sólskinsskapi