SunnudagsMogginn - 18.03.2012, Qupperneq 8

8 18. mars 2012
Lindsey Vonn gekk að eiga
þjálfara sinn, Thomas Vonn, árið
2007 en hann átti á árum áður
sæti í bandaríska skíðalandslið-
inu. Seint á síðasta ári tilkynnti
parið að það hefði ákveðið að
skilja.
Vonn hefur ekki látið skiln-
aðinn á sig fá í brekkunum í
vetur, tvíeflst ef eitthvað er. Í
samtali við Reuters þakkar hún
félögum sínum í bandaríska
landsliðinu ómetanlegan stuðn-
ing á þessum erfiðu tímum í
einkalífinu. „Liðsandinn hjá okk-
ur er einstakur og hjálpaði mér
að komast yfir erfiðasta hjall-
ann.“
Einn helsti keppinautur Vonn
á mótum heimsbikarsins, hin
þýska Maria Höfl-Riesch, hefur
líka verið betri en enginn en
Vonn dvelst reglulega hjá henni
í Garmisch-Partenkirchen. Vonn
er raunar mjög hrifin af Þýska-
landi, ekki síst Bæheimi, og tal-
ar reiprennandi þýsku. Þar er
líka undarlegasta „verðlauna-
gripinn“ sem hún hefur hlotið í
sigurlaun á ferlinum að finna,
kúna Olympe.
Meðal áhugamála Vonn eru
hjólreiðar, tennis og lestur
góðra bóka. Þá missir hún sjald-
an af sjónvarpsþættinum Law &
Order. Kom meira að segja fram
í lokaþætti seríunnar árið 2010.
Vonn hefur einnig reynt fyrir
sér sem fyrirsæta, meðal ann-
ars á forsíðu sundfataheftis
Sports Illustrated fyrir tveimur
árum.
Beit á jaxlinn eftir skilnaðinn
Lindsey Vonn ásamt vinkonu sinni og keppinaut, Mariu Höfl-Riesch.
AP
Lindsey Vonn frá Bandaríkjunumskíðaði inn í sögubækurnar á dög-unum þegar hún vann heimsbik-arinn í alpagreinum í fjórða skipti á
ferlinum. Hún er orðin sigursælasti skíða-
maður Bandaríkjanna frá upphafi vega og
aðeins ein kona hefur unnið heimsbikarinn
oftar, hin austurríska Annemarie Moser-
Pröll, sem gerði það sex sinnum á áttunda
áratugnum. Vonn vann sitt 53. heimsbik-
armót þegar hún varð hlutskörpust í bruni í
Schladming í vikunni en aðeins tvær konur
hafa gert betur, hin svissneska Vreni
Schneider, 55 sinnum, og fyrrnefnd Moser-
Pröll, 62 sinnum. Vonn hefur unnið allar
tegundir greina og alls staðið 97 sinnum á
verðlaunapalli á heimsbikarmótum. Fyrsta
titilinn vann hún 2008, síðan 2009, 2010 og
2012. Vonn tapaði naumlega fyrir Mariu
Höfl-Reisch í fyrra. Vegni henni vel í tveim-
ur síðustu mótum vetrarins um helgina get-
ur Vonn orðið fyrsta konan til að rjúfa
2.000-stiga múrinn í alpagreinum.
Stöðugleikinn mikilvægur
Sigurinn í Schladming var sá tólfti í vetur hjá
Vonn sem er persónulegt met hjá henni.
Hún var að vonum í skýjunum í samtali við
Reuters-fréttastofuna á eftir. „Ég vann
fyrsta brunmót vetrarins og nú það síðasta.
Stöðugleikinn er mikilvægur, að gefast aldr-
ei upp,“ sagði hún. „Þetta var líka kærkom-
inn sigur fyrir þær sakir að heimsmeist-
aramótið fer fram á sama stað að ári.“
Spurð um hápunkta tímabilsins var Vonn
snögg til svars. „Fimmtugasti sigurinn á
heimsbikarmóti í Garmisch og fyrsti sig-
urinn á mínum eigin heimavelli, Beaver
Creek.“
Vonn á einnig tvenn verðlaun frá Ólymp-
íuleikum, þar af eitt gull, og fimm verðlaun
frá heimsmeistaramótum, þar af tvö gull, í
safni sínu. Eigi að síður er hún hvergi nærri
hætt. „Ég hef að ýmsu að keppa næstu þrjú
árin. Ég ætla að halda áfram að skíða mér til
yndisauka en einnig til að setja mark mitt á
íþróttina – varanlega.“
Vonn var aðeins tveggja ára þegar hún
steig á skíði í fyrsta sinn. Hún sýndi snemma
góð tilþrif og hermt er að faðir hennar, Alan
Kildow, sem sjálfur var skíðamaður áður en
slæm meiðsli bundu enda á ferilinn þegar
hann var átján ára, hafi verið óvæginn við
hana. Vonn fékk bestu fáanlega þjálfun og
strax á unga aldri stóðst hún bestu jafn-
öldrum sínum í Evrópu snúning. Það reynd-
ist henni auðvelt að komast í bandaríska
landsliðið og aðeins sextán ára spreytti
sprundið sig fyrst á heimsbikarmóti. Fjórum
árum síðar stóð hún fyrst á verðlaunapalli,
hlaut brons í bruni í Cortina d’Ampezzo og
fáeinum mánuðum síðar kom fyrsta gullið, í
bruni í Lake Luise.
Óheppin á Ólympíuleikum
Vonn hefur keppt á þrennum vetrarólymp-
íuleikum, lítið kvað að henni í Salt Lake City
árið 2002 og í Tórínó fjórum árum síðar
meiddist hún á æfingu og var flutt með
þyrlu á spítala. Aðeins var um slæmt mar að
ræða en Vonn var eigi að síður bara skugg-
inn af sjálfri sér í keppninni. Aftur settu
meiðsli strik í reikninginn í Vancouver 2010
en Vonn tókst þrátt fyrir það að tryggja sér
gull í einni grein, bruninu.
Kunnugir fullyrða að Lindsey Vonn ætli að
taka leikana í Sochi eftir tvö ár með áhlaupi.
Þegar Vonnin
ein er eftir
Lindsey Vonn skráir sig
á spjöld skíðasögunnar
Lindsey Vonn kampakát með heimsbikarinn sem hún vann í fjórða sinn í vetur.
AP
Vonn þar sem hún kann best við sig, í miðri brekkunni.
Reuters
Vikuspegill
Orri Páll Ormarsson orri@mbl.is
Lindsey Caroline Kildow
fæddist í St. Paul í Minne-
sota-ríki 18. október 1984 og
er því 27 ára gömul. Vonn-
nafnið tók hún upp þegar hún
gekk að eiga þjálfara sinn,
Thomas Vonn. Átrúnaðargyðja
Vonn og fyrirmynd er landa
hennar, skíðakonan Picabo
Street, sem gerði garðinn
frægan á árum áður.
Picabo Street
fyrirmyndin