Morgunblaðið - 25.04.2012, Blaðsíða 17

Vilja ráðherra
sína fyrir rétt
Kristján Jónsson
kjon@mbl.is
Efnahagshorfurnar á evrusvæðinu
hafa versnað hratt á ný. Vaxandi
óánægja með aðhaldsstefnuna sem
helstu ráðamenn Evrópusambands-
ins boða kom skýrt fram í fyrri um-
ferð frönsku forsetakosninganna og
stjórn Hollands er þegar fallin vegna
deilna um niðurskurð.
Ekkert evruríki hefur gengið í
gegnum jafn miklar þrengingar og
Grikkland og þar benda kannanir til
þess að stærstu flokkarnir, sem nú
eru saman í stjórn, muni gjalda af-
hroð í næstu kosningum. Almenn-
ingur segir ráðamenn hafa sam-
þykkt allt of harkalegan niðurskurð
að kröfu ESB.
Einnig hefur blossað upp andúð á
öflugasta ríki ESB, Þýskalandi, og
menn rifja upp hernám Þjóðverja í
Grikklandi í seinni heimsstyjöld.
En að sögn BBC hyggst hópur
fólks í úthverfi Aþenu ganga lengra
en dæmi eru um í öðrum Evrópu-
löndum: reyna að draga ríkisstjórn-
ina fyrir Alþjóðasakamáladómstól-
inn í Haag. Aðgerðir hennar í efna-
hagsmálum séu tilraun til þjóðar-
morðs og glæpur gegn mannkyninu.
Mæðgurnar Olga og Tanya Yerit-
sidou, sem báðar eru sálfræðingar að
mennt, áttu frumkvæðið en að baki
þeim er öflugur hópur. Í honum er
venjulegt miðstéttarfólk, kennarar,
lögfræðingar, iðjuþjálfar.
„Niðurskurðurinn þrýstir ekki
bara Grikkjum niður fyrir fátæktar-
mörk heldur niður fyrir lágmarkið
sem þarf til að lifa af,“ segir Tanya
Yeritsidou.
 Grískur hópur
sakar ráðamenn
um þjóðarmorð
Engu gleymt Grikkir heimta bætur
af Þjóðverjum vegna hernámsins.
FRÉTTIR 17Erlent
MORGUNBLAÐIÐ MIÐVIKUDAGUR 25. APRÍL 2012
112 Grafarvogi - Sími: 586 1000 - www.husgogn.is
Kojur íbjarga málunum
Margar stærðir og gerðir af kojum og rúmum,
litlum og stórum, breiðum og mjóum
fyrir barnaherbergið og sumarbústaðinn!
Sérverslun með kojur og fylgihluti
Vefverslun
husgogn.is
erum á
Facebook
Kristján Jónsson
kjon@mbl.is
Salva Kiir, forseti Suður-Súdans, segir að stjórnvöld í
grannríkinu Súdan hafi í reynd lýst yfir stríði gegn þjóð
sinni en harðir bardagar hafa geisað milli ríkjanna síð-
ustu vikurnar um yfirráð olíuauðugs svæðis, Heglig, á
landamærunum. Kiir er nú í heimsókn í Peking en Kín-
verjar eru mjög háðir olíu frá svæðinu og hafa hvatt til
þess að fundin verði friðsamleg lausn. Þeir hafa átt mikil
viðskipti við Súdan og m.a. selt þangað vopn en reyna nú
að efla samskiptin við Suður-Súdan sem varð sjálfstætt
fyrir tæpu ári.
Olíulindirnar eru að miklu leyti í Suður-Súdan en ekki
hefur náðst samkomulag um endanleg landmæri milli
ríkjanna tveggja. Her Suður-Súdana hefur nú dregið sig
á brott frá Heglig og segjast grannarnir í norðri hafa fellt
um þúsund hermenn úr liði andstæðinganna. Tugþús-
undir óbreyttra borgara á svæðinu hafa flúið heimili sín
vegna átakanna.
Framkvæmdastjóri Sameinuðu þjóðanna, Ban Ki--
moon, fordæmdi í gær loftárásir Súdana nálægt borginni
Bentiu í Suður-Súdan. Forseti Súdans, Omar al-Bashir,
hefur heitið því að gera út af við „skordýrið“ eins og hann
kallar ríkisstjórn Suður-Súdans, að sögn AFP-fréttastof-
unnar. „Þeir skilja ekkert annað en tungumál byssunnar
og skotfæranna,“ sagði hann um granna sína í gær. Þess
má geta að Alþjóðasakamáladómstóllinn í Haag hefur
gefið út handtökuskipun á Bashir vegna fjöldamorða her-
manna hans í Darfur-héraði í Súdan.
Segir Súdan lýsa yfir stríði
 Mannskæð átök um olíusvæði á landamærum Súdans og Suður-Súdans
Ótraustur friður
» Súdan er að mestu byggt
aröbum sem eru íslamstrúar.
Þeir kúguðu lengi blökkumenn
suðurhlutans sem eru flestir
kristnir eða andatrúar.
» Áratuga frelsisstríð sunnan-
manna kostaði milljónir
mannslífa. Auk þess eru enn
hörð innbyrðis átök í S-Súdan.
Ökumaður í París var greinilega mjög að flýta sér í leit
að stæði í gær, hann sá eitthvað sem hann áleit vera
inngang að bílakjallara og beið ekki boðanna. En annað
kom á daginn, um var að ræða tröppur niður í jarðlest-
arstöðina Chaussee d’Antin La Fayette. Fjöldi vegfar-
enda fylgdist með bílstjóranum í hremmingum hans.
AFP
Bílstjóri var fullfljótur að grípa tækifærið
Hvergi nein stæði í París?
Fyrirtækið Planetary Resources
hefur gert áætlun um að vinna
verðmæt jarðefni á borð við platínu
og gull úr jarðlögum á smástirnum,
að sögn BBC. Á bak við fyrirtækið
standa meðal annarra kvikmynda-
leikstjórinn James Cameron og for-
stjóri Google, Larry Paige.
Aðgerðir eiga að hefjast innan
tveggja ára og er ljóst að verkefnið
mun kosta tugmilljónir dollara.
Fyrsta skrefið verður að senda á
loft geimför með sjónauka til að
leita uppi heppileg smástirni sem
líklegt er að séu málmauðug. Þús-
undir smástirna, aðeins brot af
stærð mánans, eru að jafnaði á
braut umhverfis jörðu og oft til-
tölulega skammt frá henni.
kjon@mbl.is
Fyrirtæki skipu-
leggur námugröft
á smástirnum
Fyrrverandi for-
sætisráðherra
Úkraínu, Júlía
Tímosjenkó, hef-
ur nú hafið mót-
mælasvelti en
hún afplánar sjö
ára dóm fyrir
spillingu.
Tímosjenkó
hefur þjáðst af
verkjum í baki
og vildu stjórnvöld lengi vel ekki
leyfa henni að leita sér læknis utan
fangelsisins. kjon@mbl.is
Tímosjenkó neitar
að nærast
Júlía
Tímosjenkó
Bandaríska alríkislögreglan, FBI,
segir að yfir 300 þúsund netnot-
endur um allan heim gætu orðið
sambandslausir í júlí. Sex Eistar,
sem stóðu fyrir fjársvikum, eru sak-
aðir um að hafa sýkt tölvur um
heim allan með DNS Changer-
veirunni.
FBI hefur sett upp síðu þar sem
netnotendur geta kannað hvort
þeirra tölva hafi sýkst og þá fjar-
lægt veiruna. Telur FBI að 568 þús-
und tölvur hafi sýkst í gegnum hug-
búnað sem leiðir notendur inn á
fjársvikavefi. kjon@mbl.is
Yfir hálf milljón
tölva sýkt
Þurrkar og uppskerubrestur ógna
lífi og heilsu fólks á Sahel-svæðinu
í Vestur- og Mið-Afríku og óttast
er að milljón börn geti látið lífið. Í
Máritaníu ríkir mikil neyð og þjást
yfir 15% barna í landinu af van-
næringu, að sögn Barnahjálpar
Sameinuðu þjóðanna, UNICEF.
Um 46 tonn af hjálpargögnum á
vegum UNICEF bárust í vikunni
til Máritaníu. Um var að ræða lífs-
nauðsynleg hjálpargögn, einkum
mat og lyf, til að meðhöndla van-
nærð börn, koma í veg fyrir sýk-
ingar og lina þjáningar bágstaddra
barna á svæðinu.
„Vannærð börn eru margfalt lík-
legri til að veikjast en heilbrigð
börn,“ segir í tilkynningu frá UNI-
CEF. Þannig er ástandið um þess-
ar mundir í Búrkína Fasó, Kamer-
ún, Malí, Nígeríu og Senegal.
Þjáist yfir 15% barna á tilteknu
svæði af bráðavannæringu er talað
um „neyðarástand“. UNICEF á Ís-
landi safnar nú fé vegna vandans.
kjon@mbl.is
Hungur
ógnar millj-
ónum barna
 Hjálpargögn
send til Máritaníu