Morgunblaðið - 25.04.2012, Blaðsíða 24

24 MINNINGAR
MORGUNBLAÐIÐ MIÐVIKUDAGUR 25. APRÍL 2012
✝ Carla Marie Al-bertsson fædd-
ist í Marebæk í
Danmörku 16. júní
1927. Hún lést 27.
febrúar 2012.
Foreldrar Cörlu
voru Olga Marie
Frederikke Rasm-
ussen, f. 14.6. 1903 í
Höjet á Falstri, d.
29.1. 1989, og Lau-
rits Karl Rasm-
ussen, f. 31.8. 1904 í Nagelsti á
Lálandi, d. 14.7. 1992. Carla var
þriðja barn foreldra sinna, hin
voru Ruth, Emmy og Grethe
sem eru látnar og eftirlifandi
eru Börge, Jytte og Annelise.
Fyrri eiginmaður Cörlu var
Aðalsteinn Sigurðsson, fiski-
fræðingur, f. 13.6. 1916, d.
31.12. 2006. Þau skildu. Þau
bjuggu bæði í Danmörku og á
Íslandi. Þeirra dóttir er Guðný,
f. 1.9. 1949, gift Birni Björns-
syni, f. 24.8. 1949, d. 11.9. 2005.
Dætur þeirra eru
Bryndís Björns-
dóttir, f. 29.3. 1978,
maki Magni S. Sig-
marsson, synir:
Björn Hugi og
Hjalti Örn, og Ásdís
Björnsdóttir f. 8.8.
1980, maki Guðni
Már Harðarson,
börn: Nói Pétur og
Dagmar Edda. Síð-
ari eiginmaður
Cörlu var Gunnar Albertsson,
lögreglumaður, f. 14.4. 1920, d.
19.9. 2003. Þau bjuggu bæði á
Íslandi og í Danmörku. Carla
var í nokkur ár í sambúð með
Kolbirni Stormyr. Þau sigldu
saman á stórum flutn-
ingaskipum um heimsins höf.
Carla fluttist til Íslands fyrir
fjórum árum og átti þar sín síð-
ustu ár í góðu yfirlæti með af-
komendum sínum.
Útförin fór fram 5. mars
2012.
Fyrir okkur systur var
amma Carla alltaf svolítið
spari. Meðan hún bjó í Dan-
mörku hittum við hana bara á
sumrin, þegar við heimsóttum
hana eða ferðuðumst með henni
um Evrópu, og um jól og ára-
mót þegar hún heimsótti okkur.
Þegar við hittumst leyfðist
henni því að dekra óhóflega við
okkur og við það hlaut hún í
okkar augum svolítið sérstakan
sess. Hún var líka alveg sérlega
spennandi, þeysti um á vespu,
bjó í hjólhýsi, sigldi um öll
heimsins höf og svo var hún
ótrúlegur sagnabrunnur. Það
var þá sama hvort sagan var
um siglingu eftir Súezskurðin-
um eða hver hafði hreppt að-
alvinninginn í sjónvarpsbin-
góinu daginn áður, sögurnar
voru sagðar af mikilli innlifun
og gjarnan oftar en einu sinni.
Amma var einstök hannyrða-
kona og ósjaldan með umfangs-
mikil verkefni við höndina og
sat við löngum stundum. Hún
var líka mikil áhugakona um
púsluspil og bingó, en ef form-
úlu-helgi var í sjónvarpinu var
fátt sem gat truflað hana.
Amma var alltaf hreykin af
tengslum sínum við Ísland, við-
hélt íslensku ríkisfangi og taldi
sig Íslending. Það var því mikið
gæfuspor fyrir okkur öll þegar
hún flutti hingað aftur fyrir
nær fimm árum með aðstoð
mömmu. Flutningurinn, um-
stangið og viðbrigðin virtust
nær ekkert fá á hana, áttræða
konuna, enda óttaðist hún fátt.
Eftir að amma fluttist heim
gafst okkur loks tækifæri til að
umgangast hana reglulega og
langömmubörnin fengu að
kynnast henni vel. Fyrir það
erum við þakklátar. Það var
líka þá sem hún fékk hundinn,
hann Balta, sem veitti henni
svo mikla gleði og félagsskap. Í
gegnum hann kynntist hún líka
mörgum góðum nágrönnum
sem reyndust henni vel.
Amma bjó yfir einstökum
hæfileika til að kynnast nýju
fólki, halda uppi samræðum og
bjóða til veislu. Hún var sann-
kallaður lífskúnstner og lék á
als oddi í mannfögnuðum. Við
systur munum minnast ömmu
af mikilli hlýju og með þakklæti
fyrir allar góðu stundirnar.
Megi okkur takast að beisla
lífsgleðina og kraftinn sem hún
bjó yfir til æviloka.
Bryndís og Ásdís.
Að kynnast Cörlu Marie Al-
bertsson var mikil upplifun og
við áttum margar skemmtileg-
ar samverustundir. Skemmti-
legast var að hlusta á hana
segja sögur af ævintýralegum
lífsferli sínum. Á unga aldri
kynntist hún íslenskum náms-
manni í Kaupmannahöfn og
flutti með honum um miðja síð-
ustu öld til Íslands, þar sem
allt var með öðrum blæ en því
sem hún hafði kynnst í Dan-
mörku. Hún kunni að lýsa því
mjög skemmtilega. Margar
aðrar sögur sagði hún okkur
sem munu lifa með okkur um
langa framtíð. Til minningar
um Cörlu er hér ein saga af
henni, sögð eftir henni sjálfri.
Á brúnni yfir Guldborgsund í
Nykøbing Falster sat þéttvaxin
kona á skellinöðru og beið á
rauðu ljósi þegar lögreglubíll
renndi upp að hlið hennar. Lög-
reglumaður skrúfaði niður hlið-
arrúðuna á lögreglubílnum og
leit glottandi á konuna og
spurði glettnislega: „Er det en
på femogfyrre?“ Konan svaraði
um hæl með bros á vör. „Nej
det er en på femoghalvfjerds“.
Það sem lögreglumaðurinn var
að fiska eftir var hvort skell-
inaðran væri 45 cc en konan
kaus að skilja spurninguna
þannig að hann væri að spyrja
um aldur ökumanns skellinöðr-
unnar. Löreglumaðurinn veifaði
brosandi til hennar og bæði
gáfu þau allt í botn því það er
komið grænt.
Svona var Carla Marie Al-
bertsson, lífsglöð og með
kímnigáfuna á hreinu. Með
henni áttum við margar
skemmtilegar stundir bæði á
Íslandi og í Danmörku. Hún
kunni að bjóða til veislu. Flæs-
kesteg (svínasteik), brúnaðar
kartöflur, sósa og rauðkál eða
frokost með sild, øl, snaps (há-
degisverður með síld, bjór,
snafs) og öllu tilheyrandi. Eftir
matinn fékk maður svo lánaðan
hjálminn og fór út að prufa
skellinöðruna, 45 cc tryllitækið.
Síðustu ár ævi sinnar bjó
Carla á Íslandi og flutti að
sjálfsögðu með sér skellinöðr-
una. Frúrnar í Grafarvogi
horfðu á hana í forundran þeg-
ar hún kom á nöðrunni, með
hundinn sinn, Baltasar í stýr-
iskörfunni til að versla í Spöng-
inni. Hakan á þeim datt svo
niður á maga, þegar hún tók af
sér stóra svarta hjálminn og í
ljós kom að þar fór rígfullorðin
kona. Hún var þá komin á ní-
ræðisaldur.
Já, hún var um margt
óvenjuleg kona hún Carla,
skemmtileg og hlý og viðræðu-
góð en jafnframt var gott að
þegja með henni yfir flóknu
púsluspili. Samvera með fjöl-
skyldunni, púsl og handavinna
voru hennar aðaláhugamál og
eftir hana liggja margir fallegir
munir. Við þökkum fyrir að
hafa fengið að kynnast henni.
Guðnýju, Bryndísi, Ásdísi og
fjölskyldum þeirra vottum við
okkar dýpstu samúð.
Ásdís og Þórarinn (Tóti).
Carla Marie
Albertsson
Morgunblaðið birtir minn-
ingargreinar endurgjalds-
laust alla útgáfudaga.
Skil | Þeir sem vilja senda
Morgunblaðinu greinar eru vin-
samlega beðnir að nota inn-
sendikerfi blaðsins. Neðst á for-
síðu mbl.is má finna upplýsingar
um innsendingarmáta og skila-
frest. Einnig má smella á Morg-
unblaðslógóið efst í hægra horn-
inu og velja viðeigandi lið.
Skilafrestur | Sé óskað eftir
birtingu á útfarardegi þarf
greinin að hafa borist á hádegi
tveimur virkum dögum fyrr (á
föstudegi ef útför er á mánudegi
eða þriðjudegi).
Þar sem pláss er takmarkað get-
ur birting dregist, jafnvel þótt
grein hafi borist innan skila-
frests.
Lengd | Hámarkslengd minn-
ingargreina er 3.000 slög. Lengri
greinar eru eingöngu birtar á
vefnum. Hægt er að senda stutta
kveðju, Hinstu kveðju, 5-15 línur.
Formáli | Minningargreinum
fylgir formáli sem aðstandendur
senda inn. Þar kemur fram hvar
og hvenær sá sem fjallað er um
fæddist, hvar og hvenær hann
lést og loks hvaðan og hvenær
útförin fer fram. Þar mega einn-
ig koma fram upplýsingar um
foreldra, systkini, maka og börn,
svo og æviferil. Ætlast er til að
þetta komi aðeins fram í formál-
anum, sem er feitletraður, en
ekki í minningargreinunum.
Undirskrift | Minningargreina-
höfundar eru beðnir að hafa
skírnarnöfn sín undir grein-
unum.
Myndir | Hafi mynd birst í til-
kynningu er hún sjálfkrafa notuð
með minningargrein nema beðið
sé um annað. Ef nota á nýja
mynd skal senda hana með æviá-
gripi í innsendikerfinu. Hafi
æviágrip þegar verið sent má
senda myndina á netfangið
minning@mbl.is og gera um-
sjónarfólki minningargreina við-
vart.
Minningargreinar
Sendum
frítt
hvert á land sem
er
Helluhrauni 12 • Hafnarfjörður • 544 5100 • www.granithusid.is
✝
Við þökkum samúð og vinarhug við andlát
og jarðarför eiginkonu minnar, móður okkar,
tengdamóður, ömmu og langömmu,
LOVÍSU JÓNSDÓTTUR,
sem lést á Dalvík miðvikudaginn 11. apríl.
Sérstaklega þökkum við hjúkrunarliði og
starfsfólki Dalbæjar á Dalvík fyrir alúðlega umönnun í lang-
varandi veikindum Lovísu og hjálp við okkur aðstandendur
hennar.
Páll Axelsson,
Sigurbjörg Pálsdóttir, Danny Leisin,
Hólmfríður Pálsdóttir, Páll Jóhannsson,
Herdís Pálsdóttir, Karsten Havnö,
barnabörn og barnabarnabörn.
✝
Elskulegur sonur, faðir, afi, tengdafaðir og
bróðir,
JÓN BJÖRGVIN SIGURÐSSON
frá Vetleifsholti,
verður jarðsunginn frá Oddakirkju föstudag-
inn 27. apríl kl. 14.00.
Guðrún Jónsdóttir og fjölskylda.
✝
Ástkær eiginkona mín, móðir okkar, tengda-
móðir og amma,
AUÐUR JÓNSDÓTTIR
hjúkrunarfræðingur
frá Múla í Álftafirði,
lést á krabbameinsdeild Landspítalans
laugardaginn 21. apríl.
Útför hennar fer fram frá Fossvogskirkju mánudaginn 30. apríl
kl. 13.00.
Sigurjón Marinósson,
Elín María Sigurjónsdóttir, Eyþór Kolbeinsson,
Marinó Freyr Sigurjónsson, Irene Emily Wilkinson,
Ásgeir Eyþórsson,
Birkir Eyþórsson,
Auður Eyþórsdóttir,
Sigurjón Ernir Eyþórsson,
Ari Khuzani Marinósson.
✝
Móðir mín, amma og langamma,
CARLA MARIE ALBERTSSON,
lést mánudaginn 27. febrúar.
Útförin hefur farið fram.
Þökkum sýnda samúð.
Guðný Aðalsteinsdóttir,
Bryndís Björnsdóttir, Magni S. Sigmarsson,
Ásdís Björnsdóttir, Guðni Már Harðarson
og langömmubörn.
✝
Ástkær móðir okkar, tengdamóðir, amma og
langamma,
JÓHANNA GUÐBJÖRG
GUNNLAUGSDÓTTIR
frá Efri-Harrastöðum,
Skagaströnd,
Kópavogsbraut 1B,
Kópavogi,
sem lést miðvikudaginn 18. apríl, verður jarðsungin frá
Garðakirkju á Álftanesi föstudaginn 27. apríl kl. 15.00.
Bergdís Ósk Sigmarsdóttir, Davíð W. Jack,
Gunnlaugur G. Sigmarsson, Steinunn F. Friðriksdóttir,
Sigurþór Heimir Sigmarsson, Þjóðbjörg Hjarðar,
barnabörn og barnabarnabörn.
✝
Við þökkum innilega auðsýnda samúð og
hlýhug við andlát og útför eiginmanns míns,
föður okkar, tengdaföður og afa,
BIRGIS MÖLLERS.
Sérstakar þakkir færum við starfsfólki á deild
3A á Droplaugarstöðum fyrir frábæra
umönnun, hlýju og ást.
Gunilla Möller,
Carl Friðrik Möller,
Birgir Þór Möller, Birgitte Thessen,
Lúkas og Freyja.
✝
Þökkum auðsýnda samúð og hlýhug vegna
andláts og útfarar ástkærrar eiginkonu,
dóttur, móður, tengdamóður og ömmu,
GUÐLAUGAR GUNNARSDÓTTUR.
Halldór Vídalín Kristjánsson,
Ebba Dahlmann,
Solveig Sif Halldórsdóttir, Arnar Pálsson,
Jón Vídalín Halldórsson, Linda Björg Birgisdóttir,
Gunnar Áki Halldórsson, Svala Júlía Ólafsdóttir
og barnabörn.
✝
KRISTINN JAKOBSSON,
Hátúni 10 B,
Reykjavík,
sem varð bráðkvaddur á heimili sínu þriðju-
daginn 17. apríl, verður jarðsunginn frá
Fossvogskirkju fimmtudaginn 26. apríl
kl. 15.00.
Þökkum auðsýnda samúð. Þeim sem vilja minnast hans
er bent á Geðhjálp og Samhjálp.
Sigríður Gróa Jakobsdóttir,
Ingunn Kristín Jakobsdóttir, Guðmundur Páll Ólafsson,
Elín Jónína Jakobsdóttir, Ólafur Baldvin Sigurðsson,
Ingimundur Jakobsson,
Helga Jakobsdóttir, Ólafur Ingi Jónsson
og frændsystkini.
✝
Elskuleg móðir okkar, tengdamóðir, amma
og langamma,
ODDRÚN VALBORG SIGURÐARDÓTTIR,
Egilsstöðum,
lést á heimili sínu þrðjudaginn 24. apríl.
Útför fer fram frá Egilsstaðakirkju laugar-
daginn 28. apríl kl. 14.00.
Sigurður Klausen,
Emil Thoroddsen,
Magnús Már Vilhjálmsson,
Snæbjörn Ómar Vilhjálmsson,
Jónatan Fjalar Vilhjálmsson
og aðstandendur.